GENESIS 1:2 - Zotung Bible 2016

² laephi tuh muinsan a hoi leipaw accakaepaw nynh thua, akhupaw rilipi kha mohnaw nynh phang a bong, te Pachia muisaw tuh tui luki khe a pae.

GENESIS 1:2 Iomraidhean Croise

JOB 26:14

E hae hynh a ryalaw langsakunaw sasaw nynh athua ung; amaw kong ah thae oh paw hynh pawcih baban mou azya! A huhan kholungthyhpaw thathy kha tuh hum nynh mou a thaethya kho cih?” a ci.

JOB 26:7

Pachia nynh vaawlui kha accakaepaw vawlan khe tharae daw zah, laephi kha accakaepaw vawlan khe a sae.

JOB 38:9

Rili a boeining lang maeking kha ka raepah zah, lungde nawlan marae zipingpaw mohnaw kha ka raepya lyakhe,

JOB 41:32

A ccia vae ze a nulang e tui tuh phaephae ak zah, rili tuh sang apawpaw vosi cite tua lan a um.

The Psalms 104:30

Na muisaw kha he na sawpah hae te, minmin tuh a hiin hae; te laephi mitmae kha na thawsah thui.

The Psalms 104:6

Laephi kha boeining te bong hawte rili te na bong; tui hae tuh mua hae luki khe a thadyn hae.

The Psalms 136:6

a sungsahnaw tuh zungzae atyn keiccuze laephi kha tui vawlan khe a phae;

The Psalms 148:7

Laephi kyate Bawipaw kha thehoysah oh, rili ngasawpi hae te akhupaw rili balyn,

The Psalms 33:6

Vaawlui tuh Bawipaw bya liate rae thua zah, vaawlui kya umpaw balyn tuh a khalang kya-e hy liate rae athua.

PHUNGTANGBYA 8:24

Akhupaw rili a um maw, tui te phe beihpaw tuidy hae a um mawkhe kae tuh ka pui vae.

ISAIAH 31:5

Pavaw nynh a taw kha thungkhaw khylan a bu luki a zou bungthung hawte, vaaw Bawipaw nynh Jerusalem kha a thungkhaw cih; Jerusalem kha a thungkhaw cih zah a luesah cih, a haang cih zah a khum cih.

ISAIAH 45:18

Vaawlui a raetupaw Bawipaw , laephi kha rae zah a tynsahpaw, laephi kha alakaw lan rae leite, ahysuepaw nynh a um nawlan a raetupaw Pachia nynh a hopaw tuh: Kae tuh Bawipaw nynh ka thua, kamaw laelan ccangpaw Pachia um khyh.

JEREMIAH 4:23

Laephi kha ka do zah pawpaw mah um leite accawnghan; vaawlui kha mah ka do zah awnaw um khyh.

NAHUM 2:10

Nineveh tuh aroh vae, ccungccaw daetedae zah, paw sanmah um vae khyh! Mih thinlung tuh a rawthah zah mih ccukharu a thyngkuh, mih thawthang zah, mih mae tuh dawkadae lan acih!

2 KORIN 4:6

Pawccecize, “Mohnaw kyate awnaw tuh phaephae aw sah,” cite a hotupaw Pachia nynh Jesu Khri mae kyakhe Pachia phu-enaw nynawpaw awnaw kha pya khylan, ah thinlung kya phaephae a awsah vae.

DEUTERONOMY 32:11

Mosipi nynh a bu kha hy zah, a taw luki khe a zou bungthung; a sake kha daw zah, a taw hae kha lawte, a sake khate ahangnaw kya a zoukhae hae hawte,