GENESIS 1:1 - Zotung Bible 2016

¹ Athotakaw kya Pachia nynh vaaw te lae kha a rae,

GENESIS 1:1 Iomraidhean Croise

2 SIAPHARAN 19:15

Hezekiah nynh Bawipaw kalan sawsang zah a hopaw tuh: “Pou vaaw Bawipaw , cherubim vawlan a haungpaw, Israel Pachia, nang tuh Pachia nynh na thua, laephi vaw e peenaw balyn kyaze nang rou nynh Pachia na thua; vaaw te lae kha na rae.

1 SHERIANAW 16:26

Minphuin ccangpaw hae kya-e pachia hae tuh zohtuh hae nynh thua, thuasalama Bawipaw nynh vaawlui kha a rae.

2 SHERIANAW 2:11

Tetuh Tair siapharan Huram nynh Solomon kha ccaw te leih zah, “Bawipaw nynh a ccungccaw hae kha a sungsah hae keiccuze nang kha siapharan lang ae khang,” a cipya.

NEHEMIAH 9:6

Te Ezra nynh: “Nang rou nynh Bawipaw na thua; vaaw kha na rae, vaaw te vaaw kya um hae paw vaaw rhawkaw hae balyn thuasah, laephi te laephi vawlan umpaw balyn thuasah, rili te rili lungkhu umpaw balyn thuasah na rae. Mih balyn mawte hiinnaw na pya hae zah vaaw kya um hae paw nynh nang kha ae beik hae.

JOB 26:13

A hy khate vaawlui kha thyaasah zah, a ccue cciamangpaw hupaw kha a kuih te a thuing.

JOB 38:4

“Laephi thotakawnaw ka la rae lya kha teimou na um? Na ny ze yn hopya tua.

JOB 9:8

a makhaete vaawlui kha daw zah, Rili tuileih kha a syde;

The Psalms 102:25

Langmawlya te laephi athonaw aleihpaw kha na tynsah, vaawlang hae tuh na kuih te na raepaw nynh thua.

The Psalms 104:24

Pou Bawipaw , na rae hae paw hynh pawcih baban mou alung! tuh-e hae balyn kha hawnaw te na rae vae; laephi tuh na raepaw te phe abeih.

The Psalms 104:30

Na muisaw kha he na sawpah hae te, minmin tuh a hiin hae; te laephi mitmae kha na thawsah thui.

The Psalms 115:15

Vaaw te lae a raetu Bawipaw nynh hythua ae pya vae oh sah.

The Psalms 121:2

Ka hanlan bawmnaw tuh vaaw te lae a raetu Bawipaw kyate nynh yn thua.

The Psalms 124:8

Vaaw te lae a raepaw Bawipaw min liate aening tuh bawmnaw ah mue oh.

The Psalms 134:3

Vaaw te lae a raetupaw Bawipaw nynh Zion kyate hythua ae pya vae oh sah.

The Psalms 136:5

a sungsahnaw tuh zungzae atyn keiccuze a hawnaw liate vaawlui kha a rae;

The Psalms 146:6

tuh-e Pachia tuh vaaw te lae, rili te tuh-e hae kya a umpaw balyn kha a raetu thua zah, zungzae a lungzipaw nynh thua,

The Psalms 33:6

Vaawlui tuh Bawipaw bya liate rae thua zah, vaawlui kya umpaw balyn tuh a khalang kya-e hy liate rae athua.

The Psalms 33:9

Pawccecize Bawipaw nynh ho zah, laephi tuh yn um; kaw a pya thyhte tynkaring lan a thadyn.

The Psalms 8:3

Na kuihdung nynh a raepaw vaawlui te na tynsah hae paw sawpaw te awsi hae kha he ka do tuh,

The Psalms 8:4

ccungccaw hynh paw athua keiccu mou na peki? Ccungccaw maesae hung athuapaw hynh pawccemou na do-oih?

The Psalms 90:2

Mua hae na rae mawze, laephi pynpi na rae mawze nang tuh athonaw kyate athangnaw kyacia Pachia nynh na thua.

The Psalms 96:5

Minphuin ccangpaw hae kya-e pachia hae tuh zohtuh hae nynh thua, thuasalama Bawipaw nynh vaawlui kha a rae.

EXODUS 20:11

Pawccecize Bawipaw nynh vaawram, laephi, rili te tuh-e hae lungkhu a umpaw balyn kha nin taruh lungkhu rae zah nin sarinaw nin khe a haeung, tukeiccuze Bawipaw nynh sabbath nin kha hythuapya zah a thyaasah.

EXODUS 31:18

Pachia nynh Moses kha Sinai Mua vawlan khe bya he a hopah koute, byakinnaw lungphe phe ning, Pachia kuihdung te a zeipaw lungphe hae kha Moses kalan a pya.

PHUNGTANGBYA 16:4

Bawipaw nynh atyn-are kha mimaw eenaw raveih hanlan a rae, ccungccaw hoylei hae paw heize vawsawnaw nin hanlan a rae hae.

PHUNGTANGBYA 3:19

Bawipaw nynh hawnaw khate laephi kha rae zah, nythyanaw khate vaawlui kha a tynsah;

PHUNGHOTU 12:1

Vawsaw ccyh yn thua maw, te “Lungtuanaw ka hoi khyh,” na ci ccyh athua maw, na zawthaw lyakhe nang ae Raetu kha nytua;

ISAIAH 37:16

“Cherubim vawlan a haungpaw, pou vaaw Bawipaw , Israel Pachia, nang tuh Pachia nynh na thua, laephi vaw e peenaw balyn kyaze nang rou nynh Pachia na thua; vaaw te lae kha na rae.

ISAIAH 40:21

Na nyh khyh oh tou? Na thae khyh oh tou? Langmawlya te ae hopah khyh oh tou? Laephi athotakaw lya mawte na thaethya khyh oh tou?

ISAIAH 40:26

Ahangnaw langkhe dothung oh lah, muihtua oh: Khuh-e hae khuh hummou a rae? Mih phupi kha a cciakhaetu hae paw nynh minmin kha accanlu phe ria hae zah, mih min te pong a ko hae; a thungnaw tuh myaryamaw le zah, huhan te phe abia keiccuze ccangkheit sanmah zo khyh.

ISAIAH 40:28

Na nyh khyh oh tou? Na thae khyh oh tou? Bawipaw tuh zungzae tynpaw Pachia nynh thua, laephi adianaw cia Raetu nynh thua. Aning tuh a thawbang khyh zah a thawzya khyh; a hawnaw tuh nythya kho thua khyh.

ISAIAH 42:5

Vaawlui kha rae zah tharae a dawtupaw, laephi te laephi kyate yn thuapaw miakaw kha a pazaesakuhtupaw, laephi vaw e ccungccaw hae kha hiinnaw hy a pyatupaw te laephi vawlan a cceihthya hae paw kha muisaw a pyatupaw Bawipaw Pachia nynh a hopaw tuh:

ISAIAH 44:24

Nang ae Shawkhawtu, vue lungkhu kya nang ae raetupaw Bawipaw nynh a hopaw tuh: Kae tuh atyn-are a raetu Bawipaw nynh ka thua, vaawlui kha ka makhaete tharae ka daw zah, laephi kha kamaw ccaccei nynh ka rae.

ISAIAH 45:18

Vaawlui a raetupaw Bawipaw , laephi kha rae zah a tynsahpaw, laephi kha alakaw lan rae leite, ahysuepaw nynh a um nawlan a raetupaw Pachia nynh a hopaw tuh: Kae tuh Bawipaw nynh ka thua, kamaw laelan ccangpaw Pachia um khyh.

ISAIAH 51:13

Vaawlui kha tharae daw zah laephi thonaw aleihpaw a bingtu, nang ae Raetupaw Bawipaw kha phe na ning vae. Nang ae tuaasahtupaw a thinrianaw te nang kha ro khylan a paccynkuhtupaw keiccuze nang tuh anin ninlang po na rih. Thuasalama nang ae tuaasahtupaw a thinrianaw tuh teimou a um vae?

ISAIAH 51:16

Ka bya kha na mung kya ka nung zah, nang kha ka kuih a mynlyh kya kae thuruh vae, vaawlui kha tharae ka daw zah, laephi aleihpaw kha ka tynsah, te Zion kha, “Nang tuh ka minphuin nynh na thua,” ka cipya.

ISAIAH 65:17

Vaaw thawpaw te laephi thawpaw kha ka rae cih; langmawlya e uccaw hae kha liathui thua vae lan khyh, tuathui mah thua vae lan khyh.

JEREMIAH 10:12

Bawipaw nynh laephi kha a huhan te a rae, laephipi kha a hawnaw te tynsah zah, vaawlui kha a thyanaw te tharae a dawsaku.

JEREMIAH 32:17

Pou Bawipaw PACHIA, alesaepaw na huhan te na dyngpaw na kuih khate vaaw te lae hynh na rae! Na hanlan myaryamaw arupaw pawpaw mah um khyh.

JEREMIAH 51:15

Laephi kha a huhan te a raetupaw, laephipi kha a hawnaw te a thadynsahtupaw, vaawlui kha a thyanaw te tharae a dawtupaw tuh namaw nynh na thua.

ZEKHARIAH 12:1

Hodaebya. Israel te asekuhpaw Bawipaw bya: Vaawlui kha tharae daw zah laephi kha mah rae zah ccungccaw lungkhu kya muisaw a raetupaw Bawipaw nynh hynhte a ho:

MATTHAI 11:25

Tuh ccyh lyakhe Jesu nynh tho zah, “Vaaw te laephi Bawipaw, pou Apang, na kalan lungtuabya ka ho; pawccecize e uccaw hae hynh a haw hae paw te a thya hae paw kyate na thuruh zah nosi hae kha na phypya hae.

MARKA 13:19

Pawccecize Pachia nynh a raepaw raenaw athotakawnaw kyate atu ccyh cia a la um boi leipaw te nyalang mah a um vae cih leipaw teingnaw tuh tuin ccyh kya yn thua cih.

LOCCEIHTU 14:15

“Ruiban hae, pawccemou hynhte na cyi oh? Kaening tuh naemaw hawte ccungccaw hae nynh kae thua, nanning nynh hynh-e accakaepaw uccaw hae kyate vaaw te lae te rili te tuh-e hae kya a umpaw balyn a raetu, a hiinpaw Pachia kalan na paleihku oh ccaw cite nae kalan thehoypaw kae hopaw nynh kae thua.

LOCCEIHTU 17:24

Laephi te tuin kya umpaw atyn-are a raetu Pachia tuh vaaw te lae Bawipaw thua zah, ccungccaw kuih te raepaw beikinn kya um khyh.

LOCCEIHTU 4:24

Minmin nynh tuh-e bya he a thae hae te, Pachia kalan pynkheihlan roisaw hae zah, “Bawipaw, nang tuh vaaw te laephi te rili te tuh-e hae kya umpaw miakaw a raetupaw nynh na thua.

Romans 11:36

Pawccecize pawpaw tynre balyn tuh amaw kyate, amaw liate, amaw hanlan nynh thua. Amaw kya phu-enaw zungzae um sah. Amen.

1 KORIN 8:6

aening hanlan tuh Paaw, Pachia ccangkheit rou nynh a um, pawpaw balyn tuh amaw kyate oun um zah, aening tuh amaw hanlan nynh ah hiin oh. Bawipaw lu kheit, Jesu Khri rou nynh a um. Pawpaw balyn tuh amaw liate um zah, aening mah amaw liate nynh ah um oh.

EFESA 3:9

pawpaw balyn a raetupaw Pachia kya langmaw she te thuruh athuapaw byakhupaw te asekuhpaw paccynnaw tuh pawmou athua cipaw kha ccungccaw miakaw muihsah khylan hynh-e thawccinaw hynh kamaw yn pya;

HEBRU 1:10

Tukoute, “Pou Bawipaw, athotakaw kya laephi kha na bing, te vaawlang hae tuh na kuih te na raepaw nynh thua.

HEBRU 1:2

hynh-e nyathyakou ccyh kya tuh a Ccapaw kyate nynh aening kha bya oun hopya vae. Tuh-e Ccapaw tuh pawpaw balyn rhoccoutu lang khang zah, amaw liate vaaw te lae hynh mah a rae.

HEBRU 11:3

Laephi tuh Pachia bya liate rae athua cipaw kha zynnaw liate ah thaethya oh; muihpaw uccaw hae hynh muih leipaw uccaw hae kyate raepaw nynh thua hae.

HEBRU 3:4

Pawccecize inn miakaw tuh ccungccaw lukhakheit nynh a sakpaw nynh thua, thuasalama pawpaw balyn a saktupaw tuh Pachia nynh thua.

2 PETER 3:5

Pawccecize langmawlya Pachia bya liate vaawlang tuh la um zah, laephi hynh mah tui kyate yn langkuh zah tui te raepaw nynh thua,

1 JOHAN 1:1

Athotakawnaw kyate a um vae paw, kaening nynh kae thaepaw, kae mit te kae muihpaw, hoyte kae do zah kae kuih te phe kae haetuapaw hiinnaw Bya te asekuhpaw uccaw kha kae hopya oh.

BYAPHY 10:6

vaawlang te vaawlang kya umpaw uccaw hae, laephi te laephi kya umpaw uccaw hae, rili te rili kya umpaw uccaw hae a raetupaw, zungzae te zungzae cia a hiinpaw min phyate thyalawkuh zah, “Accyh ro vae lan khyh.

BYAPHY 14:7

Aning nynh roi accae lante ho zah, “Pachia raw kha rih oh lah, thehoysah oh; pawccecize a byapianaw ccyh tuh yn thua vae; vaawlang, laephi, rili te tuidy a raetupaw kha beik oh,” a ci.

BYAPHY 21:6

Aning nynh kamaw kha, “Phe athang vae! Kae tuh Alfa te Omega, athonaw te athangnaw nynh ka thua. A tuihawpaw ccungccaw tuh hiinnaw tuidy kya-e tui kha amee leite ka pya cih.

BYAPHY 22:13

Kae tuh Alfa te Omega, athonaw te athangnaw, masaty te nyathyakou nynh ka thua,” a ci.

BYAPHY 3:14

“Laodisia khua kya umpaw khriccaawbuu kya-e vaawpaw kalan hynhte zei: Pachia kya-e raenaw athonaw athuapaw, a lungzipaw te ahmepaw ccaekia athuapaw Amen nynh hynhte a ho.

BYAPHY 4:11

“Pou Bawipaw, nang tuh phu-enaw, sawtuanaw te huhan kha mue lan na ngaekuh; pawccecize pawpaw balyn kha na rae vae, tuh-e hae tuh na rynaw hawte rae thua zah a um hae,” a ci hae.