FILIPI 3:3 - Zotung Bible 2016

³ Pawccecize aening tuh Muisaw kya Pachia beik hae paw, Khri Jesu kya lungtua hae paw, te pynsaw lante zynkunaw a hoi lei hae paw, vingdungawkuh ccaccing hae paw nynh ah thua oh.

FILIPI 3:3 Iomraidhean Croise

The Psalms 105:3

A min thyaapaw kha phu-esah oh; Bawipaw a ccung hae paw thinlung tuh a lungtua sah.

ISAIAH 45:25

Bawipaw liate Israel ciihan balyn tuh taenaw a mue cih hae zah mih phu-e cih.

JEREMIAH 4:4

Pou Judah hae te Jerusalem um hae paw, Bawipaw hanlan vingdungawkuh oh lah, nae thinlung vingdung kha awkuh oh, tuhkhyhze tuh na rae oh paw hoyleinaw keiccuze ka thinrianaw tuh maee lang arua cih zah, humhung nynh mah the kho lei lan ciate arua cih.

MALAKHI 1:11

Khuanin a thuanaw kyate a ccawnaw kyacia ka min tuh minphuin hae laku kya alesae, khyzawvawkaw kya mynkhuhpaw te athyaapaw pyapaw uccaw tuh ka min te a pya hae; ka min tuh minphuin hae kya myarya alesae, cite vaaw Bawipaw nynh a ci.

Romans 1:9

A Ccapaw kya-e thehoypaw kha hote ka thinlung balyn te rya ka lawpyapaw Pachia tuh ka sawsangnaw kya nanning kha zungzae kae lia oh cipaw a nyhtu ka ccaekia nynh thua.

Romans 15:17

Tukeiccuze Pachia hanlan rya ka lawnaw kya Jesu Khri liate ka pookunaw lanpaw a um.

Romans 7:6

Thuasalama atu tuh aening oun khiipaw Kawbya kya ah chih vae oh zah tuh-e Kawbya kyate ah lue vae oh; tukeiccuze azeikuhpaw Kawbya rynpaw kya thua leite, Muisaw kya-e hiinnaw thawpaw kya rya ah lah cih oh.

Romans 8:15

Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. “Ka Paaw! Ka Paaw!” cite aening nynh ah sia vae oh ze,

Romans 8:39

ahangnaw thuasah, akhunaw thuasah, raepaw uccaw hae balyn kya-e pawpaw uccaw nynh mah thuasah, ah Bawipaw Jesu Khri kya umpaw Pachia sungsakunaw kyate aening kha oun phia kho lan khyh cipaw ccaerarih lan ka ny.

Romans 9:6

Pachia bya tuh tyn khyh cite ka ho rypaw thua khyh. Pawccecize Israel hae balyn hynh Israel ccaccing marya thua khyh hae.

2 KORIN 11:18

Ccungccaw patae nynh pynsaw lante a pooku hae keiccuze kae mah ka pookuh bua cih.

GALATI 5:25

Aening tuh Muisaw liate ah hiin oh athua ze, Muisaw cciakhaenaw thyhte cceih oh sih.

GALATI 6:16

Hynh-e phung thyhte a zuipaw ccungccaw hae balyn tungvaw kya thuasah, Pachia kya-e Israel hae tungvaw kya thuasah, daenaw te ngaethyaumsahnaw tuh la um vae sah.

EFESA 6:18

Sawsangnaw te ngianaw phuin balyn khate Muisaw kya sawsang zungzae oh. Mithyaa hae balyn hanlan ngia oh lah, lungthang leite zuaku biate raeringkute um oh.

DEUTERONOMY 10:16

Oute nae thinlung vingdung kha awkuh oh lah, nae lungkhung nan vae sah.

DEUTERONOMY 30:6

Tuhpiaze, nanning hiin khylan Bawipaw nae Pachia kha nae thinlung balyn te, nae tuanaw balyn te na sungsah oh ccaw cite, Bawipaw nae Pachia nynh nae thinlung te nae ciihan hae thinlung vingdung kha a aw cih.

FILIPI 1:1

Jesu Khri see hae Paul te Timote nynh Filipi khua um hae paw, Jesu Khri kya-e mithyaa hae balyn, pastor hae te Khriccaaw piccan hae kalan ccaw kae ky oh.

FILIPI 3:12

Kae nynh tuh-e tuh phe ka mue vae, tuhkhyhze eenaw kya phe ka thua vae cipaw thua khyh; thuasalama Khri Jesu nynh kae kha amaw kya-e lang yn raeku vae keiccuze kae nynh tuh-e tuh ccou kho nawlan palei ka zuaku.

FILIPI 3:14

Khri Jesu liate Pachia nynh vaawlang oun konaw te asekuhpaw lasung kha mue khylan eenaw kuetung kalan ka ccuebua.

KOLOSE 2:11

Khri kya-e vingdungawkunaw liate chiisaw te asekuhpaw pyn kha khahkute, kuih te rae leipaw vingdungawkunaw khate nanning mah amaw kya vingdungaw na thua oh.

JUDE 1:20

Thuasalama ka sungsah hae, nanning tuh athyaa huaccepaw nae zynnaw vawlan khe palei lethung oh lah, Thyaa Muisaw kya sawsang oh.