FILIPI 3:2 - Zotung Bible 2016

² Ui hae kha la raeringkuh oh, ahoy leipaw rya a lahtu hae kha la raeringkuh oh, mih vingdung a awkuh hae paw kha la raeringkuh oh.

FILIPI 3:2 Iomraidhean Croise

The Psalms 119:115

Hoyleinaw a rae hae paw nanning, ka Pachia kawbya kha ka zui nawlan, ka kyate asawkunaw lang cceih oh.

The Psalms 22:16

Ui hae nynh yn koihlu hae; Ccungccaw hoylei hae paw phu nynh kae kha yn koihlu hae. Ka kuih te ka ccu kha yn bou hae.

The Psalms 22:20

Ka hiinnaw hynh thaloi kyate thuasah, e ui hae kyate thuasah yn khumtua!

PHUNGTANGBYA 26:11

A ngaeenaw kha buabua a langsakuhpaw mingaee tuh, a lua a kinuapaw ui te nynh aloku.

MATTHAI 24:10

Te ccungccaw patae nynh mih zynnaw kha oun vua cih hae, lu kheit te lu kheit yn pheekuh cih hae zah lu kheit te lu kheit yn huakuh cih hae.

MATTHAI 7:15

“Tuu phua bongkute nae kalan oun thua hae paw lingthya profeh hae kha la raeringkuh oh; pawccecize minmin tuh alungkhu langte tuh arepaw suizaw hae nynh thua hae.

MATTHAI 7:6

“Athyaapaw uccaw kha ui hae pya nan oh; nae kya-e palee hae kha voh hae malang sawpah nan oh, tuhte na cyi oh ze mih ccu te a sydehan cih hae, te naemaw kha ae paleihnuakuh cih oh zah ae bou cih oh.

Romans 2:28

Pawccecize atolang te kyalya Judah athuapaw tuh Judah ccungccaw ccaccing thua khyh; ngesaw kya atolang te kyalya vingdungawkunaw mah vingdungawkunaw ccaccing thua khyh.

2 KORIN 11:13

Pawccecize khahcite a pookuh hae paw tuh ahme leipaw locceihtu hae, ahynpaw ryalahtu hae, Khri locceihtu hae lang mimaw te mimaw a umsakuh hae paw nynh thua hae.

GALATI 5:13

Uteno hae, nanning tuh luenaw kalan ko na thua vae oh, thuasalama tuh-e nae luenaw tuh pynsaw rynaw ccyhhoypaw hanlan mang nan oh, sungsakunaw liate lu kheit te lu kheit ryalawpakuh oh.

GALATI 5:15

Thuasalama lu kheit te lu kheit na teikuh oh zah na laangku oh ze, lu kheit te lu kheit na roku khyh nawlan oh la raeringkuh oh.

GALATI 5:6

Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.

FILIPI 3:19

Tuh-e hae athangnaw tuh ronaw nynh thua; mih pachia tuh mih vuebua nynh thua, maethya lan umpaw kyakhe a pookuh hae, mih thinlung kya laephi uccaw hae kha nynh a um.

FILIPI 3:3

Pawccecize aening tuh Muisaw kya Pachia beik hae paw, Khri Jesu kya lungtua hae paw, te pynsaw lante zynkunaw a hoi lei hae paw, vingdungawkuh ccaccing hae paw nynh ah thua oh.

1 TIMOTE 1:19

Zynnaw te ahoypaw mawtemaw nykunaw kha varyng la kyngkuh. Ccungccaw abang nynh tuh-e nykunaw tuh a vua hae keiccuze zynnaw kya arohpaw sanphalung hawte nynh thua hae.

TITU 1:16

Minmin nynh Pachia kae nyh cite ho hae salamah mih cyisahnaw te Pachia kha a vua hae; pawccecize minmin tuh luathua-ae-ui lan um hae paw, kawngae lei hae paw te ahoypaw ryalaw miakaw kya ccungkia lei hae paw nynh thua.

2 PETER 2:22

Thuasalama, “Ui nynh amaw a lua kha bua a ae,” te, “Voh tuh sing koute tuiccua kya bua a ohkuh,” a ci hae paw ahmepaw phungtangbya thyhte minmin kya acyikuh.

JUDE 1:4

Pawccecize ccungccaw abang tuh aphirute oun tee vae hae, minmin tuh Pachia thawccinaw kha ohhuaku rynaw lang a rulae hae paw, Pachia pawlangria lei hae paw te a makhae kyalyapaw Bawipaw te ah Bawipaw Jesu Khri kha a vua hae paw thua hae zah, langmawpi te byapianaw teing lan nungdae athua hae paw nynh thua hae.

BYAPHY 2:9

“Na vawsawnaw te na ryachinaw kha ka ny. Thuasalama nang tuh a hoirumpaw nynh na thua. Judah hae nynh kae thua a ci hae zemah athua lei hae paw, Satan ccungccaw athua hae paw nynh na thethya ae ho hae paw kha ka ny.

BYAPHY 21:8

Thuasalama mih rawthah hae paw, a zyn lei hae paw, luathua-ae-ui lan um hae paw, ccungccaw theih hae paw, a ohhuakuh hae paw, naawthya hae paw, zohtuh beik hae paw te a hyn hae paw balyn tuh kemaee te aruapaw maee tuili kyakhe nynh mih hanpaw a hoi cih hae, tuh-e tuh vaening chinaw nynh thua,” yn cipya.

BYAPHY 22:15

Tuhzemah atolang tuh ui hae, naawthya hae paw, a ohhuakuh hae paw, ccungccaw theih hae paw, zohtuh beik hae paw te hynbya kha sungsah zah a hopaw miakaw nynh a um hae.

BYAPHY 3:9

Dotua, Judah hae nynh kae thua cite ho hae zah athua lei hae paw mihyn hae kha Satan ccungccaw hae lang ka rae cih hae. Dotua, na cculeihpaw kya bakhung sah khylan te nang kha kae sungsah cipaw nysah khylan minmin kha na kalan kae thuasah cih hae.