FILIPI 3:1 - Zotung Bible 2016

¹ Uteno hae, nyathyakou ka ho rypaw tuh, Bawipaw kya nae lungtua sah. Phe alokuhpaw kha nae kalan bua zei lanpaw hynh kae ka hanlan pawtua-ung khyh zah nae hanlan khynnaw nynh thua.

FILIPI 3:1 Iomraidhean Croise

1 SHERIANAW 15:28

Tuhcite Israel hae balyn nynh sia biate, saki, mungkae, lanchi, tintang te tintang dihpaw kha khuakute myarya ccae lan hlawsah biate Bawipaw byakin thingkua kha a cciakhae hae.

1 SHERIANAW 16:10

A min thyaapaw kha phu-esah oh; Bawipaw a ccung hae paw thinlung tuh a lungtua sah.

1 SHERIANAW 29:22

tuin nin khe myarya lepaw lungpawnaw te Bawipaw malang khe ae hae zah a neih hae. David ccapaw Solomon kha siapharan lang vae ningnaw a khang hae; amaw kha Bawipaw kuihkaw e bawi lang chitui thuh hae zah, Zadok kha ranpibawi lang chitui a thuh hae.

NEHEMIAH 8:10

Te aning nynh minmin kha, “La cceih oh, looh athuathuapaw kha la ae oh lah, misutui a-epaw kha la neih oh, te pawpaw mah a hoi lei hae paw kha la neethungbua oh; pawccecize atunin tuh ah Bawipaw hanlan athyaapaw nin nynh thua; Bawipaw kya nae lungtuanaw tuh nae thawzung athua keiccuze nae ngaethah nan sah,” a cipya hae.

JOB 22:26

Athunghuapaw tungvaw na lungrythua cih zah, Pachia liate na lungtua cih.

The Psalms 149:2

Israel tuh amaw a Raetupaw tungvaw a lungtua sah; Zion ccaaw hae tuh mih Siapharan tungvaw mih lungtua sah.

The Psalms 32:11

Pou miding hae, Bawipaw kya nae lungtua sah lah, nae lungpaw sah, thinlung a ding hae paw balyn, lungtuate sia oh.

The Psalms 33:1

Pou miding hae nanning, Bawipaw kya nae lungtua sah, Thehoysahnaw tuh miding hae te angaekuhpaw nynh thua.

The Psalms 37:4

Bawipaw kya na lungryccing sah, na thinlung nynh a rypaw kha ae pya cih.

The Psalms 42:4

E uccaw hae hynh ka liathui, ka thinlung akoi: pawccecize ccungccaw patae ryte kae cceih zah, lungtuanaw roisawte, thehoysahnaw hlawsah biate, beiknaw poitua hae paw zapi hae kha Pachia inn lang ka cciakhae hae.

The Psalms 5:11

Na kya a rekuh hae paw balyn tuh mih lungtua sah; lungpawte hlawsah zungzae hae sah. Na min a sungsah hae paw tuh namaw liate mih lung atua nawlan, minmin kha thungkhaw hae.

The Psalms 97:1

Bawipaw tuh siapharan nynh thua! Laephi tuh a lungtua sah; tuikoih patae mah mih lungtua sah!

ISAIAH 41:16

Minmin kha na zaw cih hae zah khisan nynh a mung cih hae, khise nynh kaheikalah a nung cih hae. Tetuh Bawipaw kya na lungtua cih zah, Israel Pachia Athyaapaw kha the na hoysah cih.

ISAIAH 61:10

Bawipaw kya myaryamaw ka lungtua cih, ka muisaw tuh ka Pachia kya a lungpaw cih; pawccecize haetapawsi te a ccaankuhpaw zudy ccangvaepaw hawte thuasah, aphutepaw a uccaw te a ccaankuhpaw akaenung liaccanung hawte thuasah khumnaw boeining kha yn lawsakuh zah, dingnaw angkiccua kha yn kisahku vae.

ISAIAH 65:14

ka ryalahtu hae tuh lungpawte hlaw a sah cih hae, thuasalama nanning tuh thinlungccite na sia cih oh zah, lungriathaete na rah cih oh.

JOEL 2:23

Pou Zion ccaaw hae, Bawipaw nae Pachia tungvaw nae lungtua sah lah, nae lungpaw sah; pawccecize nanning thyaaccousah nawlan hawkhuaa kha a rawsah, langmawlya hawte nanning hanlan khuaatui te hawkhuaa kha patae a rawsah.

ZEFANIAH 3:14

Pou Zion ccanung, accae lante hlawsahtua. Pou Israel, siatua! Pou Jerusalem ccanung, na thinlung balyn te lungtua lungpawte umtua!

ZEFANIAH 3:17

Bawipaw na Pachia tuh na ngaelung kya a um, taenaw ae pyapaw athungpaw nynh thua; na tungvaw a lungtua cih zah a lungpaw cih, a sungsahnaw kyakhe nang kha ae thawsah thui cih; poi nin lya hawte phe ccae lan hlawsah te na tungvaw a lungtua cih,

ZEKHARIAH 10:7

Te Efraim ccungccaw hae tuh rhawkaw hae hawte athua cih hae zah, misutui neihpaw hawte mih lungtua cih. Mih ccaaw hae nynh tuh-e tuh a muih cih hae zah mih lungpaw cih, Bawipaw kya mih lungtua cih.

MATTHAI 5:12

Nae lungtua sah lah nae lungpaw sah, pawccecize vaawlang khua kya nae ryalaw mee tuh ale; pawccecize nanning maw e profeh hae kha mah minmin nynh tuhmaminte a tuaa a sah hae.

LUKA 1:47

ka hiinnaw tuh yn Khumtu Pachia kya a lungtua.

Romans 5:11

Tuh kyalya thua leite, ah Bawipaw Jesu Khri liate aening tuh ccawkuthuinaw atu ah mue vae oh zah, amaw liate Pachia kya ah lungtua.

2 KORIN 13:11

Uteno hae, nyathyakou kya kae beihsya oh. Accingpaw lang tang lan zuakuh oh; kae ngia oh paw kha la ngae oh, lu kheit te lu kheit lungngingte um oh lah, lungdaete la um oh; sungsakunaw te daenaw Pachia tuh nanning ryte a um cih.

EFESA 6:10

Nyathyakou ka uno hae, Bawipaw kya te a thungnaw thawzung kyakhe nae thawsae sah.

DEUTERONOMY 12:18

hynh-e hae hynh Bawipaw nae Pachia nynh a popaw hmin kya namaw ryte na ccanung te na ccapaw, na seenung hae te na seepaw hae, te nae khua kya umpaw Levi phin hae ryte Bawipaw nae Pachia malang khe na ae cih oh, na cyi oh paw balyn kya Bawipaw nae Pachia malang nae lungtua cih.

DEUTERONOMY 16:11

Bawipaw nae Pachia nynh amaw min a um nawlan a po cih paw hmin kyakhe, naemaw, nae ccapaw hae te nae ccanung hae, nae seenung hae te nae seepaw hae, nae khua kya umpaw Levi phin hae, nanning laku e mikhia hae, ngawraw hae te nomae hae nynh Bawipaw nae Pachia malang khe nae lungtua sah.

FILIPI 3:3

Pawccecize aening tuh Muisaw kya Pachia beik hae paw, Khri Jesu kya lungtua hae paw, te pynsaw lante zynkunaw a hoi lei hae paw, vingdungawkuh ccaccing hae paw nynh ah thua oh.

FILIPI 4:4

Bawipaw kya nae lungtua zungzae sah. Bua kae ho hin, nae lungtua sah.

FILIPI 4:8

Nyathyakou lang uteno hae, ahmepaw, sawtua lan umpaw, adingpaw, athyaapaw, ry lan umpaw, thehoysah lan umpaw; ccangkhakheit tuh aphute lanze, thehoysah lan angaeku lanze tuh-e hae tuh nae thinlung kya la tua oh.

1 THESALON 4:1

Nyathyakou, uteno hae, nanning nynh pawtemou hiin lan accan, Pachia kha pawtemou a lungrythuasah lan accan cipaw kha kae kyate na ccangku vae oh hawte, tuhcite houhouh na hiin nawlan oh, Bawipaw Jesu min te kae ngia oh zah kae hyy oh.

1 THESALON 5:16

Zungzae nae lungtua sah.

JAMES 1:2

Ka u te ka neitaw hae, syntawnaw aphuinphuin na tung vae oh ze, tuh-e tuh lungtua nawlan la ria oh;

1 PETER 3:8

Nyathyakou ka ho rypaw tuh: nanning balyn nynh alokuhpaw tuanaw hoi oh, thawccikunaw, uteno hawte sungsakunaw, ngaethyaumsakunaw te lungnenaw hoi oh.

1 PETER 4:13

Nanning tuh Khri teingnaw a neethungkuh bua hae paw na thua oh keiccuze nae lungtua sah, pawccecize a phu-enaw yn langkuh te, myarya nae lungpaw cih.

2 PETER 3:1

Sungsah hae paw, hynh-e vaeningnaw ccaky hynh atu nae kalan kae zei. Ccaky ccangning kyahin nanning kha bua nysah thui te athyaapaw nae thinlung kha kae thosah oh.

1 SAMUEL 2:1

Hannah nynh sawsang zah, “Ka thinlung tuh Bawipaw kya a lungtua; ka thawzung tuh ka Pachia kya hangthung athua. Ka taenaw kyakhe ka lungtua keiccuze ka khalang nynh ka rhaw hae kha a sarya hae.