FILIPI 2:3 - Zotung Bible 2016

³ Karankunaw, pooku minthaan rynaw te pawsang mah cyih nan oh, ming hae kha naemaw laeze ahoy huapaw lante zakawsangsakunaw thinlung te tua oh.

FILIPI 2:3 Iomraidhean Croise

PHUNGTANGBYA 13:10

Lysahkunaw nynh tuh pekumaekunaw kha a thuakhae, thuasalama hawnaw tuh tuanaw pyakupaw a lawkuh hae paw kyakhe a um.

LUKA 18:14

Nanning kae hopya oh, tuh-e paw tuh Farasipaw laeze thyaaccoute a inn lang a ki; pawccecize amaw te amaw a hangthungkuhpaw balyn tuh sawbung athua cih; thuasalama amaw te amaw zakaw a sangsakuhpaw tuh hangthung athua cih,” a ci.

Romans 12:10

u te neitaw ccaccing hawte lu kheit te lu kheit sungsakuh oh; sawtuakunaw kya lu kheit te lu kheit sawtuakuh kalang oh.

Romans 13:13

Poituakunaw te zu-aenaw, ruinaw, ccouseikunaw, ohhuaku rynaw, ziaku buakunaw te eiungkunaw kyakhe um leite, ninthu ccyh kya um hae paw hawte kou ngaekuh lante hiin oh sih.

Romans 2:8

Thuasalama mimaw hanlan kyalya tua hae zah byaccing kaw kha ngae leite hoyleinaw kaw a ngae hae paw tungvaw kya Pachia bungpawnaw te thinrianaw a um cih.

1 KORIN 15:9

Pawccecize kae tuh Pachia khriccaawbuu kha a tuaa a sahpaw ka thua keiccuze locceihtu cite ko lan angaekuh bua leipaw, locceihtu hae lakuze anyaa huapaw nynh ka thua.

1 KORIN 3:3

Pawccecize nanning tuh pynsaw ccungccaw hae nynh na thua ung oh. Pawccecize nanning laku eiungkunaw, pekunaw te phiakunaw phang a um lungkhu tuh pynsaw ccungccaw hae na thua khyh oh tou? Huatawpaw ccungccaw hae hawte na um khyh oh tou?

2 KORIN 12:20

He kae thua te, nanning kha ka ry hawte kae muih lan khyh oh paw te kae kha na ry oh hawte nae muih lan khyh oh paw kha ka thinphang; nae kya pekunaw, eiungkunaw, thinrianaw, karankunaw, thethya hokunaw, thanrynaw, tansakunaw, keisukeilae umnaw a umsei cih cipaw mah ka thinphang.

GALATI 5:15

Thuasalama lu kheit te lu kheit na teikuh oh zah na laangku oh ze, lu kheit te lu kheit na roku khyh nawlan oh la raeringkuh oh.

GALATI 5:26

Lysakunaw, lu kheit te lu kheit thinriasakunaw, lu kheit te lu kheit eiungkunaw kha sibia oh sih.

EFESA 4:2

Pawpaw balyn kya zakawsangsakunaw, lungnenaw, lungsaenaw te um oh, sungsakunaw kya lu kheit te lu kheit ngaesangnaw hoi oh,

EFESA 5:21

Pachia rawri sawtuanaw liate lu kheit te lu kheit nae rynaw zuipakuh oh.

FILIPI 2:14

Ccohku leite, eiku leite pawpaw balyn kha cyih oh,

KOLOSE 3:12

Nanning tuh Pachia nynh a popaw, athyaapaw te sungsahpaw na thua oh hawte, ngaethyaumsahnaw, thawccikunaw, zakawsangsakunaw, lungnenaw, lungsaenaw khate ccaankuh oh.

KOLOSE 3:8

Thuasalama atu hynh-e hae balyn—thinrianaw, bungpawnaw, thinlung hoy leipaw, thethya honaw, nae khalang kyate anungsikuhpaw bya hopaw kha la vua oh.

1 TIMOTE 6:4

aning tuh pawsang ny leite a lysakuhpaw nynh thua. Aning tuh byalungnaw te bya-eikunaw a rypaw nynh thua. Tuh-e hae kyate eiungnaw, pekunaw, thethyahonaw, ahoy leipaw lunghiinnaw,

1 PETER 3:8

Nyathyakou ka ho rypaw tuh: nanning balyn nynh alokuhpaw tuanaw hoi oh, thawccikunaw, uteno hawte sungsakunaw, ngaethyaumsakunaw te lungnenaw hoi oh.

1 PETER 5:5

Tuhawte anohua hae paw nanning, atanghua hae paw kaw kha ngae oh. Nae balynte lu kheit te lu kheit zakawsangsakunaw khate ccaankuh oh; pawccecize, “Pachia nynh a lysakuhpaw kha rawse zah, zakaw a sangsakuhpaw kha thaw a cci.”