FILIPI 2:2 - Zotung Bible 2016

² lunglokute alokuhpaw sungsakunaw hoi biate, nawccawkheihnaw te tuanaw ccangkheit hoi biate nanning nynh ka lungtuanaw kha yn ccingsah oh.

FILIPI 2:2 Iomraidhean Croise

The Psalms 122:8

Ka puizia hae te ka ban hae hanlan, “Na kya daenaw um sah,” cite Jerusalem kha ka hopah cih.

JOHAN 3:29

Akaenung liaccanung a hoitu tuh zudy ccangvaepaw nynh thua; zudy ccangvaepaw pe thadyn zah zudy ccangvaepaw roi a thaepaw a banpaw tuh a roi a thae keiccuze myarya a lungtua; tuhawte e ka lungtuanaw tuh accing.

LOCCEIHTU 1:14

E hae balyn tuh Jesu a nung Mary te a neitaw hae ry, nopi hae ryte lunglokute apaekuh lei lan saw a sang hae.

LOCCEIHTU 2:1

Pentekos nin yn thua tuh minmin balyn tuh ahmin san kheit kya pong a um hae.

LOCCEIHTU 2:46

Minmin tuh beikinn kya nin takyh tungkuh hae zah mih inn kyakhe sanlou iathungkute lungtuate hysahnaw thinlung te mih looh kha leih a aekheih hae.

LOCCEIHTU 5:12

Locceihtu hae nynh ccungccaw hae kya muihsahnaw te ngaeangnaw patae kha a langsaku hae. Minmin balyn tuh Solomon Maepaw kya a sueluakuh hae.

Romans 12:16

Lu kheit te lu kheit lunglokute la um oh. Lysaku nan oh, a nyaa hae paw ryte vaeccawtang oh. Ka haw cite tuakuh nan oh.

1 KORIN 1:10

Uteno hae, nae kya phiakunaw um leite nanning balyn nynh lunglokunaw na hoi oh zah, alokuhpaw tuanaw te alokuhpaw eenaw kya lungngingnaw na hoi nawlan oh, ah Bawipaw Jesu Khri min te kae ngia oh.

2 KORIN 13:11

Uteno hae, nyathyakou kya kae beihsya oh. Accingpaw lang tang lan zuakuh oh; kae ngia oh paw kha la ngae oh, lu kheit te lu kheit lungngingte um oh lah, lungdaete la um oh; sungsakunaw te daenaw Pachia tuh nanning ryte a um cih.

2 KORIN 2:3

He kae thua te, ka lung yn tuasah lan hae paw ccungccaw hae nynh ka ngae yn thyasah khyh nawlan hae nynh nae kalan khahcite ccaw ka zei; pawccecize ka lungtuanaw tuh nae balyn lungtuanaw nynh thua cipaw nae balyn konglang te ccaerarih lan ka zyn.

2 KORIN 7:7

Titu yn thuanaw liate kyalya thua khyh, Titu nynh nae kyate a muepaw ngaengannaw liate mah kaening tuh kae thawmuin; nae pekinaw, nae rawnaw te ka hanlan na zuakunaw oh kong kha aning nynh oun hopya keiccuze kae tuh ka lung houh tua.

FILIPI 1:4

saw ka sang takyhte nae balyn hanlan lungtuate tyty saw ka sang,

FILIPI 2:16

Hiinnaw bya kha varyng kyngkuh oh; tuhteze nynh kae tuh alakaw lan ka ccuehan khyh zah rya ka lahhan khyh cite Khri nin kya ka pookuh kho cih.

FILIPI 2:20

Aning hawte nanning thanenaw hanlan hoyte peki cih paw lu kheit san ka hoi khyh.

FILIPI 4:2

Euodia te Syntykhe nynh Bawipaw kya tuanaw a loku nawlan hae thawte ka ngia hae.

KOLOSE 2:5

Pawccecize kae tuh pynsaw lante nae kya ka umbua khyh zemah muisaw lante nae kya ka um. Nanning nynh angaekuh lante na cyi oh paw te Khri kya nae zynnaw a tynpaw kha ka muih zah ka lungtua.

2 THESALON 2:13

Thuasalama Bawipaw nynh a sungsah hae paw uteno hae, nanning hanlan Pachia tuh kae luung zungzae cih; pawccecize Muisaw nynh thyaasahnaw liate thuasah, byaccing kha zynnaw liate thuasah nanning tuh khumnaw mue khylan Pachia nynh atakaw lya mawte phe ae po vae oh.

2 TIMOTE 1:4

Na mitphi kha ka tuathui tuh lungtuanaw te phe ka bia nawlan nang kha muih lan myarya kae ry.

FILEMON 1:20

Athua, ka neitaw, na kyate thanenaw kha Bawipaw kya mue ka ry, Bawipaw min te nang nynh ka lung yn tuasah.

2 JOHAN 1:4

Paaw nynh kaw oun pya thyhawte na ccaaw hae abang nynh byaccing kya a hiin hae paw kha ka muih tuh myarya ka lungtua.

3 JOHAN 1:4

Ka ccaaw hae nynh byaccing kya a hiin hae cipaw ka thaepaw lungtuanaw laeze ale huapaw lungtuanaw ka hoi khyh.