FILIPI 2:1 - Zotung Bible 2016

¹ Tukeiccuze Khri kya thawzung pyakunaw ccangkhakheit, sungsakunaw kya-e ngaengannaw ccangkhakheit te Muisaw kya-e vaeccawkunaw ccangkhakheit, thawccikunaw te ngaethyaumsakunaw ccangkhakheit a um ze,

FILIPI 2:1 Iomraidhean Croise

The Psalms 133:1

Uno hae nynh lungngingte pynkheihlan um tuh pawcih baban mou hoy zah lungrythua lan a um!

ISAIAH 16:11

Tukeiccuze ka bung tuh Moab hanlan, ka vue ka ring tuh Kir-heres hanlan, tintang hawte accae.

LUKA 2:25

A min Simeon a ci hae paw ccungccaw lu kheit tuh Jerusalem kya a um. Aning tuh adingpaw te beiknaw lang a zuakuhpaw nynh thua, Israel hae ngaengannaw kha a ngaehoipaw thua zah Thyaa Muisaw tuh amaw kya a um.

JOHAN 14:18

“Ngawraw hae hawte kae cciataw lan khyh oh; nae kalan bua kae thua cih.

JOHAN 14:27

Nae kya daenaw kae cciatawpya oh, ka kya-e daenaw kha kae pya oh; laephi ccungccaw hae nynh a pya hae hawte kae pya khyh oh. Lungvawsaw lungriathaete um nan oh, ri mah rih nan oh.

JOHAN 17:13

Atu na kalan kae cceih vae cih zah ka kya-e lungtuanaw hynh mih kya phe beih lan a hoi nawlan hae, hynh-e bya hynh laephi kya ka ho.

LOCCEIHTU 2:46

Minmin tuh beikinn kya nin takyh tungkuh hae zah mih inn kyakhe sanlou iathungkute lungtuate hysahnaw thinlung te mih looh kha leih a aekheih hae.

LOCCEIHTU 4:32

Zyntu hae balyn tuh thinlung ccangkheit te tuanaw ccangkheit kyalya hoi hae zah hum nynh sanmah a uccaw hankhakheit kha ka uccaw nynh thua ci vae khyh; a hoi hae paw uccaw miakaw kha a mangkheih hae.

Romans 5:5

ngaehoinaw nynh lungronaw kha oun pya khyh, pawccecize Pachia nynh aening oun pyapaw Thyaa Muisaw liate a sungsahnaw kha ah thinlung kya oun bu vae.

Romans 8:26

Tuhawte aening ah thawzyanaw kya Muisaw nynh oun bawm; pawccecize aening nynh pawtemou sawsang lan accan cipaw kha ah nyh khyh oh; thuasalama bya te ho kho leipaw hawkhaekunaw khate Muisaw amaw ccaccei nynh aening hanlan oun ngiapya.

1 KORIN 12:13

Pawccecize Judah thuasah, Grik thuasah, see thuasah, aluepaw ccungccaw thuasah, aening balyn tuh Muisaw ccangkheit liate pyn pynkheit lungkhu lang baptisma insah ah thua oh; ah balynte Muisaw ccangkheit kha nia lan pya ah thua oh.

1 KORIN 15:31

Uteno hae, kae tuh nin takyhte ka chih! Nanning hanlan ah Bawipaw Khri Jesu kya ka pookunaw liate kae nynh hynhte ka honawpaw athua.

1 KORIN 3:16

Nanning tuh Pachia beikinn na thua oh paw te Pachia Muisaw nae kya a umpaw kha na nyh khyh oh tou?

2 KORIN 13:14

Bawipaw Jesu Khri thawccinaw, Pachia sungsahnaw te Thyaa Muisaw vaeccawkunaw tuh nae balyn tungvaw kya la um sah. Amen.

2 KORIN 2:14

Khri kya aening kha taenaw kalan zungzae oun cciakhaepaw te aening kha mangte amaw nynaw mynkhuhpaw kha hmin takyh kya a zeihsakuhpaw Pachia kya thehoynaw um sah.

GALATI 4:6

Nanning tuh ccaaw hae na thua oh keiccuze, “Abba! Ka Paaw!” cite a kopaw a Ccapaw kya-e Muisaw kha aening thinlung kalan Pachia nynh a saw vae.

GALATI 5:22

Muisaw thae tuh sungsakunaw, lungpawnaw, daenaw, lungsaenaw, ngaethyaumsakunaw, hoynaw, lungzinaw,

EFESA 4:4

Nanning ae konuathe oh paw ngaehoinaw tuh ccangkheit kyalya athua hawte, pyn pynkheit, Muisaw ccangkheit kyalya nynh a um,

FILIPI 1:8

Pawccecize Jesu Khri thawccinaw te nanning balyn kha pawcih baban nynh kae ngae oh cipaw Pachia tuh ka ccaekia nynh thua.

FILIPI 3:3

Pawccecize aening tuh Muisaw kya Pachia beik hae paw, Khri Jesu kya lungtua hae paw, te pynsaw lante zynkunaw a hoi lei hae paw, vingdungawkuh ccaccing hae paw nynh ah thua oh.

KOLOSE 2:2

Minmin nynh Pachia kya-e byakhupaw athuapaw Khri amaw ccaccei kha ccaerarih lan thaethya hae zah hoyte a ny nawlan hae, sungsakunaw kya sueluakuh hae zah mih thinlung tuh thawzung pya athua nawlan ka ry,

KOLOSE 3:12

Nanning tuh Pachia nynh a popaw, athyaapaw te sungsahpaw na thua oh hawte, ngaethyaumsahnaw, thawccikunaw, zakawsangsakunaw, lungnenaw, lungsaenaw khate ccaankuh oh.

HEBRU 6:18

Khynnaw ah mue vae oh paw aening nynh tuh ah malang oun nungpyapaw ngaehoinaw kha kyngku khylan, alepaw thawzung pyanaw ah hoi kho nawlan oh, hynbya a ho kho leipaw Pachia nynh arulaekuh kho leipaw uccaw ccangning kya hynhte a cyi.

1 PETER 1:2

Jesu Khri kaw na ngae nawlan oh te a chiise te theipaw na thua nawlan oh, Muisaw liate thyaasah thua hae zah Paaw Pachia paccynnaw thyhte po hae paw: Thawccinaw te daenaw tuh nae kya la lungthung sah.

1 JOHAN 3:24

Pachia kawbya a zuipaw ccungccaw tuh Pachia kya tyn zah Pachia mah tuh-e paw kya atyn. Aening oun pyapaw Thyaa Muisaw liate Pachia tuh aening kya atyn cipaw ah ny oh.

1 JOHAN 4:12

Hum nynh sanmah Pachia kha muih boi khyh. Aening nynh lu kheit te lu kheit ah sungsaku oh ze, Pachia tuh aening kya um zah, a sungsahnaw tuh aening kya accing.

1 JOHAN 4:16

Pachia nynh aening hanlan a hoipaw sungsahnaw kha aening nynh ah nyh oh zah ah zyn oh. Pachia tuh sungsakunaw nynh thua; sungsakunaw kya a tynpaw ccungccaw tuh Pachia kya tyn zah, Pachia mah tuh-e paw kya atyn.