FILIPI 1:1 - Zotung Bible 2016

¹ Jesu Khri see hae Paul te Timote nynh Filipi khua um hae paw, Jesu Khri kya-e mithyaa hae balyn, pastor hae te Khriccaaw piccan hae kalan ccaw kae ky oh.

FILIPI 1:1 Iomraidhean Croise

MARKA 13:34

Pawtemou aloku ci ze, khuaccong lan a cceihpaw ccungccapaw nynh a inn kha cciataw zah a see hae kha mih ryalaw raveih law lan pyasya hae zah thuakaw ngawtupaw kha thuakaw ngaw lan kaw a pyapaw te nynh aloku.

JOHAN 12:26

Humhung zemah ka rya a lahpaw tuh kae kha yn zui cih; ka umnaw kyakhe rya yn lawpahpaw mah a umbua cih; humhung zemah ka rya a lahpaw tuh ka Paaw nynh sawtuanaw a pya cih.

LOCCEIHTU 1:20

“Pawccecize Sam ccauh kyaze, ‘A inn tuh ccungccaw dae sah lah, a lungkhu kya hum sanmah um nan sah; a ryalaw kha mingccangpaw nynh lawkuh sah,’ cite azeikuh.

LOCCEIHTU 20:28

Tukeiccuze naemaw te naemaw kha raeringkute do-oihkuh oh lah, Pachia nynh a Ccapaw chii te a repaw Pachia khriccaawbuu kha do-oih khylan Thyaa Muisaw nynh nanning kha do-oihtu lang ae khangnua oh paw tuuphu hae balyn kha mah raeringte do-oih oh.

LOCCEIHTU 9:13

Ananias nynh, “Bawipaw, tuh-e paw nynh Jerusalem kya na mithyaa hae tungvaw kya hoyleinaw kha pawcih nynh a rae cipaw kha ccungccaw patae nynh a ho hae paw ka thae.

Romans 1:1

Jesu Khri seepaw, Pachia thehoypaw hanlan thoh phia thua zah locceihtu lang ko athuapaw kae, Paul nynh ccaw kae ky oh.

Romans 1:7

Pachia nynh sungsah hae zah mithyaa hae lang ko na thua oh paw, Rom khuaccaaw hae nae balyn tungvaw kyakhe ah Paaw Pachia te Bawipaw Jesu Khri kyate oun thuapaw thawccinaw te daenaw tuh la um vae sah.

1 KORIN 16:10

Nae kalan Timote yn thua ze, ri leite nae kya a umbua nawlan pe la ki oh; pawccecize aning tuh kamaw hawte Bawipaw rya a lahpaw nynh thua.

2 KORIN 1:1

Pachia rynaw liate Jesu Khri Locceihtu athuapaw Paul te kae unopaw Timote nynh Korin khua kya umpaw Pachia khriccaawbuu te Akhai ram balyn kya umpaw mithyaa hae balyn kalan ccaw kae ky oh:

GALATI 1:10

Pawccecize atu kae tuh ccungccaw kya-e maehoynaw tou ka ccungku? Tuhkhyhze Pachia kya-e tou? Tuhkhyhze ccungccaw hae lungrythuasah lan tou ka ccungku? Pawccecize ccungccaw hae lungrythuasah lan atu cia ka ccungku lanze, kae tuh Khri ryalahtu ka thua lan khyh.

GALATI 3:26

pawccecize nanning balyn tuh zynnaw liate Khri Jesu kya Pachia ccaaw hae nynh na thua oh.

GALATI 3:28

Khri kya Judah paw te Grikpaw ci um vae khyh, see te a luepaw ci um vae khyh, pise te nopi ci um vae khyh; pawccecize nanning balyn tuh Khri Jesu kya ccangkheitpaw nynh na thua vae oh.

EFESA 1:1

Pachia rynaw thyhte Khri Jesu locceihtu athuapaw Paul nynh Efesa khua e mithyaa hae te Khri Jesu kya lungzi hae paw kalan ccaw kae ky oh.

EFESA 1:15

Bawipaw Jesu na zynnaw oh paw te mithyaa hae balyn na sungsahnaw oh paw kha he ka thae tuh,

EFESA 6:24

Ah Bawipaw Jesu Khri kha tynkaring lan a sungsah hae paw balyn kya thawccinaw tuh la um sah. Amen.

FILIPI 2:19

Nae konglang kha he ka thae te ka ngaengan nawlan aro mawze Timote kha nae kalan saw lan Bawipaw Jesu kya ngaehoinaw ka hoi.

FILIPI 2:5

Khri Jesu kya a umpaw hynh-e tuanaw hynh nanning kya mah la um sah,

FILIPI 3:12

Kae nynh tuh-e tuh phe ka mue vae, tuhkhyhze eenaw kya phe ka thua vae cipaw thua khyh; thuasalama Khri Jesu nynh kae kha amaw kya-e lang yn raeku vae keiccuze kae nynh tuh-e tuh ccou kho nawlan palei ka zuaku.

FILIPI 3:3

Pawccecize aening tuh Muisaw kya Pachia beik hae paw, Khri Jesu kya lungtua hae paw, te pynsaw lante zynkunaw a hoi lei hae paw, vingdungawkuh ccaccing hae paw nynh ah thua oh.

FILIPI 3:8

Tuhpiaze, ka Bawipaw Khri Jesu nynaw asung-e huaccepaw keiccuze pawpaw balyn kha shungnawpaw lang ka tua. Khri keiccuze pawpaw balyn marya ka shung zah, amaw kha mue kho nawlan tuh-e hae tuh athupaw lang nynh ka ria,

1 THESALON 1:1

Paul, Silas te Timote nynh Paaw Pachia te Bawipaw Jesu Khri kya a umpaw Thesalon khua e khriccaawbuu kalan ccaw kae ky oh. Thawccinaw te daenaw tuh nae kya la um sah.

1 THESALON 2:2

Na ny vae oh hawte, kaening tuh Filipi khua kya teingnaw te maethyanaw kae mue salamah, rawsenaw patae laku te Pachia thehoypaw kha nae kalan ho khylan rawhoynaw kha ah Pachia kyate kae mue.

2 THESALON 1:1

Paul, Silas te Timote nynh ah Paaw Pachia te Bawipaw Jesu Khri kya um hae paw Thesalon khriccaawbuu kalan ccaw kae ky oh.

2 THESALON 1:10

amaw he yn thua te a mithyaa hae liate phu-esah athua cih zah, nanning kalan ccaekia kae khanpaw kha na zyn oh keiccuze a zyn hae paw balyn laku kya ngaeang thehoysah athua cih.

1 TIMOTE 1:2

Zynnaw kya ka ccaaw ccaccing na thuapaw Timote nang kha ccaw kae ky. Paaw Pachia te ah Bawipaw Khri Jesu kyate thawccinaw, ngaethyaumsahnaw te daenaw tuh na tungvaw la um sah.

1 TIMOTE 3:8

Tuhawte Khriccaaw piccan hae tuh sawtua lan umpaw athua cih hae, a lae pheipaw, misutui eih neihpaw te phua elang a karankuhpaw thua lan khyh hae.

TITU 1:1

Pachia rya a lahtu te Jesu Khri locceihtu athuapaw Paul nynh ccaw kae ky oh. Pachia nynh a popaw a ccungccaw hae zynnaw kha tynsah khylan te ah beiknaw nynh oun ccangpyapaw byaccing kalan cciakhae khylan popaw te sawpaw nynh ka thua,

TITU 1:7

Pastor tuh Pachia kya-e synriatu athua hawte ccaenaw um leipaw athua cih; amaw rynaw te um leipaw, a thindyn leipaw, misutui a ran leipaw, peku a mang leipaw, phua elang a karankuh leipaw athua cih,

FILEMON 1:1

Jesu Khri keiccu thong a ccahpaw Paul te kae unopaw Timote nynh kae sungsahpaw te rya kae lahkheihpaw Filemon kalan,

HEBRU 13:23

Ah unopaw Timote tuh a luesah vae hae cipaw la nyh oh. Aning tuh aro maw yn thua ze naemaw ryte kae muihkheih cih oh.

JAMES 1:1

Pachia te Bawipaw Jesu Khri ryalahtu kae James nynh pong pazaekuh lan a phiakuh hae paw Israel phin haw lae ning kha kae beihlang oh.

1 PETER 2:25

Pawccecize nanning tuh laanpi a meseipaw tuu hae hawte nynh na la thua oh; thuasalama atu tuh Tuurintu te nae muisaw a Do-oihtu kalan phe na ki vae oh.

2 PETER 1:1

Jesu Khri seepaw te locceihtupaw kae, Simon Peter nynh ah Pachia te Khumtu Jesu Khri kya-e dingnaw liate kae zynnaw te alokuhpaw, aphutepaw zynnaw a hoi hae paw kalan ccaw kae ky oh.

JUDE 1:1

Jesu Khri seepaw, James neitawpaw kae, Jude nynh Paaw Pachia sungsahnaw kya um hae paw, Jesu Khri thungkhawnaw kya um hae zah ko athua hae paw kalan ccaw kae ky oh.

BYAPHY 1:1

E ccauh tuh Jesu Khri kya-e byaphy nynh thua, aro mawze solei yn cyihkuh cih paw uccaw hae kha a ryalahtu hae kalan langsahpya khylan Pachia nynh Khri kalan a pyapaw byaphy nynh thua. Khri nynh a vaaw ccungccapaw kha saw zah a seepaw Johan kha tuh-e byaphy tuh a nysah.

BYAPHY 1:20

Ka ranglang kuih kya na muihpaw awsi ccangsari te sui maeekhuatung ccangsari nynh a ho rypaw byakhupaw tuh hynhte nynh thua: Awsi ccangsari tuh khriccaawbuu buu sari kya-e vaaw hae nynh thua; na muihpaw maeekhuatung ccangsari tuh khriccaawbuu buu sari kha nynh thua.

BYAPHY 19:10

Kae tuh amaw kha beik lan cite a cculeihpaw khe ka bakhung; aning nynh, “Hynhte cyih nan! Kae tuh nang te ryalahkheihtu nynh ka thua, Jesu kya-e ccaekia a hoi hae paw na uno hae ryte ryalahkheihtu nynh ka thua, Pachia palia kha beik! Pawccecize Jesu kya-e ccaekia tuh profehbya honaw kya-e muisaw nynh thua,” cite yn hopya.

BYAPHY 2:12

“Perkamum khua kya umpaw khriccaawbuu kya-e vaawpaw kalan hynhte zei: Kyn ning te ahepaw thaloi a hoitupaw nynh hynhte a ho.

BYAPHY 2:8

“Smyrna khua kya umpaw khriccaawbuu kya-e vaawpaw kalan hynhte zei: Chih zah bua a hiinpaw, masaty te nyathyakou athuapaw nynh hynhte a ho.

BYAPHY 22:9

Aning nynh, “Hynhte cyih nan! Kae tuh nang te ryalahkheihtu nynh ka thua, na uno hae profeh hae te hynh-e ccauh kya umpaw bya a zui hae paw ryte ryalahkheihtu nynh ka thua. Pachia palia kha beik,” yn cipya.