FILEMON 1:6 - Zotung Bible 2016

⁶ Khri hanlan aening kya umpaw ahoypaw uccaw miakaw kha nynaw liate na zynnaw na neethung hae paw tuh ccungkiapaw lang a tang nawlan saw kae sang.

FILEMON 1:6 Iomraidhean Croise

MATTHAI 25:16

Talent ccangpangaw a muepaw nynh cceih kangmaw zah kungku zah ccangpaw talent ccangpangaw amia a mue.

MATTHAI 5:16

Tuhawte nae awnaw kha ccungccaw hae malang khe awsah oh, tuhteze nynh ahoypaw nae ryalaw kha a muih cih hae zah vaawlang umpaw nae Paaw kha a phu-esah cih hae.

1 KORIN 14:25

A zyn leipaw nynh a lungkaw te a tuakupaw balyn kha alangkuh vae cih; te aning nynh Pachia malang bakhungte a beik cih zah, “Pachia tuh nae kya a um ccaccing,” cite a ho vae cih.

1 KORIN 16:9

Pawccecize athanepaw ryalaw elang akopaw thuakaw kha ka hanlan hungpya athua, rawsetu hae mah patae a um hae.

FILIPI 4:8

Nyathyakou lang uteno hae, ahmepaw, sawtua lan umpaw, adingpaw, athyaapaw, ry lan umpaw, thehoysah lan umpaw; ccangkhakheit tuh aphute lanze, thehoysah lan angaeku lanze tuh-e hae tuh nae thinlung kya la tua oh.

KOLOSE 1:9

Hynh-e keiccuze kaening mah tuh-e kae thae nin te nae hanlan saw palei kae sangpah oh, te muisaw lante hawnaw te thaethyanaw balyn kyakhe Pachia rynaw nynaw khate phe na bia nawlan oh kae ngiapya oh,

KOLOSE 3:10

Amaw a raetupaw muinsan thyhte, nynaw kya thawsah thui athuapaw ccungccaw thawpaw khate phe na ccaankuh vae oh.

TITU 3:14

Aening ah ccungccaw hae mah athae thae leipaw athua khyh nawlan hae, mih hanlan ahoboupaw kya mang lanpaw a hoi nawlan hae, ahoypaw ryalaw law lan la ccangkuh hae sah.

HEBRU 6:10

Pawccecize Pachia nynh nae ryalaw kha thuasah, mithyaa hae hanlan rya na lawpya vae oh paw te rya na lawpya ung oh paw kya amaw min hanlan na langsaku oh paw sungsahnaw kha thuasah kharouh ning lan ciate Pachia tuh a ding leipaw thua khyh.

JAMES 2:14

Ka u te ka neitaw hae, ccungccaw lu kheit nynh zynnaw ka hoi a ci zemah cyisahnaw a hoi khyh ze pawmou athane? Tuh-e zynnaw nynh amaw kha a khum kho cih tou?

JAMES 2:17

Tuhawte zynnaw mah cyisahnaw um leite, a makhaete tuh achihpaw nynh thua.

1 PETER 2:12

Zenta hae nynh nanning kha ahoy leipaw ryalahtu hae hawte thethya he ae ho oh ze, minmin nynh a muih hae paw ahoypaw nae ryalaw hae liate Pachia yn thua nin kya Pachia kha a phu-esah nawlan hae, Zenta hae laku ahoypaw ozia khate la hiin oh.

1 PETER 3:1

Tuhawte, zu hae nanning, nae vawpaw hae kalan pyakuh oh. Ou tuhte vawpaw lukhakheit nynh Pachia bya kha a ngae khyh zemah, bya hopya liate thua leite zu hae ozia liate thuasah,

1 PETER 3:16

ahoypaw mawtemaw nykunaw thinlung kha hoi oh; tuhteze nynh Khri kya ahoypaw nae ozia kha ae ccae oh zah thethya ae ho oh paw ccungccaw hae tuh mih maethah cih.

2 PETER 1:8

Pawccecize hynh-e uccaw hae hynh nanning kya um zah alungthung lanze, tuh-e hae nynh ah Bawipaw Jesu Khri nynaw kya athae thaesah leite, thanenaw pya leite ae nung lan khyh oh.