1 JOHAN 4:4 - Zotung Bible 2016

⁴ Ka ccaaw hae, nanning tuh Pachia kya-e na thua oh zah minmin kha phe na tae vae oh; pawccecize nae kya a umpaw Muisaw tuh laephi kya a umpaw muisaw laeze alehua.

1 JOHAN 4:4 Iomraidhean Croise

JOHAN 12:31

Atu tuh hynh-e laephi hynh byapia ccyh nynh thua, atu hynh-e laephi a uktu tuh ccaring dee athua cih.

JOHAN 14:30

Nae kya bya patae ka ho vae lan khyh, pawccecize hynh-e laephi uktupaw tuh yn thua vae cih, tuhzemah aning nynh ka tungvaw kya pawsang mah kaw hoi khyh.

JOHAN 16:11

E laephi uktupaw tuh byapia athua vae keiccuze byapianaw kong kha a nysah cih.

JOHAN 17:23

minmin tuh ccangkheit ccaccing lang a tang nawlan hae, kae tuh minmin kya ka um zah nang tuh ka kya na um, tuhteze nynh nang nynh kae hynh nae saw cipaw te kae hynh nae sungsah hawte minmin kha mah na sungsah hae cipaw kha laephi nynh a nyh cih.

Romans 8:31

Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?

Romans 8:37

Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh.

1 KORIN 2:12

Atu aening nynh laephi muisaw kha ah mue khyh oh, Pachia nynh aening oun pyapaw lasung hae kha ah thaethya nawlan oh, Pachia kyate yn thuapaw Muisaw kha nynh ah mue oh.

1 KORIN 6:13

Looh tuh vue hanlan thua zah vue tuh looh hanlan nynh thua. Thuasalama Pachia nynh tuh-e hae tuh parouh mawte a roh cih. Pyn tuh ohhuakunaw hanlan thua khyh, Bawipaw hanlan nynh thua, Bawipaw tuh pyn hanlan nynh thua.

2 KORIN 4:4

Pachia muinsan athuapaw Khri kya-e aphu-epaw thehoypaw awnaw tuh a zyn lei hae paw kya a aw khyh nawlan, mih thinlung kha hynh-e laephi pachia nynh phe a mohsah.

2 KORIN 6:16

Pachia beikinn nynh zohtuh hae te paw nawccawnaw mou a hoi? Pawccecize Pachia nynh, “Minmin kya ka um cih zah minmin laku ka cceih cih, kae tuh mih Pachia ka thua cih zah minmin tuh ka ccungccaw hae athua cih hae,” a ci hawte, nanning tuh ahiinpaw Pachia beikinn nynh na thua oh.

EFESA 2:2

tuh-e seinaw hae kyakhe na la hiin oh zah hynh-e laephi laanpi hynh na la zui oh, khivae kya-e thungnaw a uktu, kawngae lei hae paw kya atu ryalahpaw muisaw nulang zuikute na la hiin oh.

EFESA 3:17

te nanning tuh sungsakunaw kya tharui sawte bing na thua oh zah, zynnaw liate Khri tuh nae thinlung kya a um nawlan saw ka sang.

EFESA 6:10

Nyathyakou ka uno hae, Bawipaw kya te a thungnaw thawzung kyakhe nae thawsae sah.

1 JOHAN 2:1

Ka ccaaw taraw hae, nanning nynh na sei khyh ccaw oh cite hynh-e hae hynh nae kalan kae zei. Lukhakheit nynh a sei ze, aening oun bawmtupaw ah hoi oh; aning tuh Paaw ryte a umkheih hae paw adingpaw Jesu Khri nynh thua.

1 JOHAN 2:13

Paaw hae, atakaw te a la um vae paw amaw kha na ny vae oh keiccuze nae kalan ccaw ka zei. Ccangvae hae, Satan kha na tae vae oh keiccuze nae kalan ccaw ka zei. Ka ccaaw hae, Paaw kha na ny vae oh keiccuze nae kalan ccaw ka zei.

1 JOHAN 3:20

Pawccecize ah thinlung nynh ahmaw kha sei oun be lanze, Pachia tuh aening thinlung laeze lesaehua zah pawpaw balyn kha pong a nyhpaw nynh thua.

1 JOHAN 3:24

Pachia kawbya a zuipaw ccungccaw tuh Pachia kya tyn zah Pachia mah tuh-e paw kya atyn. Aening oun pyapaw Thyaa Muisaw liate Pachia tuh aening kya atyn cipaw ah ny oh.

1 JOHAN 4:13

Pachia nynh a Muisaw kha aening oun pya vae keiccuze aening tuh Pachia kya ah um oh zah Pachia tuh aening kya a um cipaw ah ny oh.

1 JOHAN 4:16

Pachia nynh aening hanlan a hoipaw sungsahnaw kha aening nynh ah nyh oh zah ah zyn oh. Pachia tuh sungsakunaw nynh thua; sungsakunaw kya a tynpaw ccungccaw tuh Pachia kya tyn zah, Pachia mah tuh-e paw kya atyn.

1 JOHAN 4:6

Aening tuh Pachia kya-e nynh ah thua oh. Pachia a nyhpaw ccungccaw nynh ah bya kha a ngae. Pachia kya-e athua leipaw ccungccaw nynh tuh aening bya kha ngae khyh. Tuhcite aening nynh ahmepaw muisaw te ahynpaw muisaw kha ah ny oh.

1 JOHAN 5:19

Aening tuh Pachia kya-e nynh ah thua oh cipaw te laephi balyn tuh Satan kuih kya nynh a um cipaw ah ny oh.

1 JOHAN 5:4

Pawccecize Pachia kyate a puipaw miakaw nynh tuh laephi kha a tae. Laephi a tae khopaw taenaw tuh aening zynnaw nynh athua.

BYAPHY 12:11

Ah uno hae nynh Tuutaw chii liate thuasah, mih ccaekia tangnaw bya liate thuasah Satan kha a tae hae; minmin tuh chi ngan ciate mih hiinnaw kha a pyakuh hae.