1 JOHAN 4:2 - Zotung Bible 2016

² Pachia Muisaw tuh hynhte na nyh cih oh: Jesu Khri tuh pynsaw lante nynh yn thua cite ccaekia a khanpaw muisaw miakaw tuh Pachia kya-e nynh thua.

1 JOHAN 4:2 Iomraidhean Croise

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

1 KORIN 12:3

Tukeiccuze Pachia Muisaw liate a hopaw ccungccaw nynh tuh, “Jesu tuh thyalawnaw tung sah!” cite ho boi khyh, te Thyaa Muisaw liate holeite hum nynh sanmah, “Jesu tuh Bawipaw nynh thua,” cite ho kho khyh cipaw kha thaethya oh ci ka ry.

1 TIMOTE 3:16

Ah beiknaw kya-e byakhupaw alenaw zia hynh eiku lanpaw um khyh: Pachia tuh pynsaw lante yn langkuh vae zah, Muisaw liate thyaaccousah athua vae, vaaw hae nynh a muih vae hae. Zenta hae kya ho athua vae, laephi pynpi kya amaw kha a zyn vae hae. Phu-enaw te vaawlang lawthung athua vae.

1 JOHAN 1:2

Tuh-e hiinnaw tuh yn langkuh vae, kaening nynh kae muih zah ccaekia kae khan vae; Paaw ryte la um hae zah kaening kya yn langkuhpaw tuh-e zungzae hiinnaw kong tuh nae kalan kae langsahpya oh.

1 JOHAN 2:23

Humhung zemah Ccapaw a eipaw ccungccaw tuh Paaw kha hoi khyh. Ccapaw kha a lehkhanpaw tuh Paaw kha mah a hoi.

1 JOHAN 4:15

Humhung zemah Jesu tuh Pachia Ccapaw nynh thua cite ccaekia a khanpaw tuh a kya Pachia um zah aning mah Pachia kya a um.

1 JOHAN 4:3

Jesu Khri tuh pynsaw lante nynh yn thua cite ccaekia a khan leipaw muisaw miakaw tuh Pachia kya-e thua khyh. Tuh-e muisaw tuh antikhri kya-e nynh thua; antikhri tuh yn thua cih cite na thae vae oh hawte atu laephi kya a um vae.

1 JOHAN 5:1

Humhung zemah Jesu tuh Khri nynh thua cite a zynpaw miakaw tuh Pachia ccaaw nynh thua. A saahtupaw Paaw kha a sungsahpaw miakaw nynh tuh Paaw kyate yn puipaw ccaaw kha mah a sungsah.

2 JOHAN 1:7

Pawccecize ccungccaw lingtu hae patae tuh laephi vawlan oun langkuh vae hae; minmin nynh Jesu Khri tuh pynsaw lante yn thua cipaw ccaekiakhan khyh hae; khahcihawpaw ccungccaw tuh ccungccaw a lingtu te antikhri nynh thua.