1 JOHAN 4:1 - Zotung Bible 2016

¹ Ka sungsah hae, muisaw miakaw kha la zyn nan oh; muisaw hae kha Pachia kyate yn thuapaw tou, yn thua leipaw tou cipaw kha la syntawtua oh; pawccecize lingthya profeh hae patae tuh laephi vawlan oun langkuh vae hae.

1 JOHAN 4:1 Iomraidhean Croise

1 SIAPHARAN 13:18

Te aning nynh tuh-e paw tuh, “Kae mah nang hawte profeh nynh ka thua; vaawpaw nynh Bawipaw bya thyhte yn hopah zah: Aning nynh looh ae zah tui mah a nia ccaw, na inn lang kikhae, yn cipya,” cite a hopya. Thuasalama aning nynh tuh-e paw kha a lingpaw nynh thua.

PHUNGTANGBYA 14:15

Tuanaw a zyapaw nynh tuh atyn-are kha a zyn, thuasalama a hawpaw nynh tuh a ccianaw laanpi kha hoyte a doku.

JEREMIAH 14:14

Te Bawipaw nynh kae yn hopyapaw tuh: Profeh hae nynh ka min te hynbya kha a ho hae; minmin kha ka saw khyh hae, kaw ka pya khyh hae, ho mah ka hopah khyh hae. Minmin nynh nanning kha ahme leipaw vizin, ccungkia leipaw khozi bahkuhpaw bya, mimaw tuanaw te a hyn hae paw bya kha ae hopya oh.

JEREMIAH 23:16

Vaaw Bawipaw nynh hynhte a ho: Nanning kya profehbya a ho hae paw profeh hae bya kha ngae nan oh; minmin nynh nanning kha ae ling oh. Bawipaw khalang kyate apou leipaw, mih tuanaw kya-e vizin kha ae hopya oh.

JEREMIAH 5:31

profeh hae nynh ahme leipaw bya kha ho hae zah, ranpibawi hae nynh mah profeh hae bya thyhte a uk hae; ka ccungccaw hae nynh mah tuhcihawpaw tuh a ry hae, thuasalama athangnaw he yn thua te, pawtemou na um cih oh?

MARKA 13:21

Tuin ccyh kyakhe lukhakheit nynh nanning kha, ‘Dotua! Messiah tuh hein kya nynh a um!’ Tuhkhyhze, ‘Dotua! Khuin kya nynh a um,’ ae cipya oh ze la zyn nan oh.

LUKA 12:57

“Pawccemou naemaw ccaccei nynh ahmepaw kha cyi lan bya na paeku khyh oh?

LUKA 21:8

Jesu nynh, “Nanning kha ae ling khyh nawlan oh la raeringkuh oh, pawccecize ccungccaw patae nynh ka min te oun thua cih hae zah, ‘Kae tuh amaw nynh ka thua! Accyh a anae vae!’ oun ci cih hae; minmin nulang la zuikuh nan oh.

LOCCEIHTU 17:11

Berea khuaccaaw hae tuh Thesalonika khuaccaaw hae hawte mih lungping khyh, thehoypaw kha pekite ngae hae zah, tuh-e bya tuh akyh kyh khyh cipaw ny nawlan nin takyhte Ccathyaa te a dokhia hae.

LOCCEIHTU 20:29

Pawccecize ka cceih koute arepaw suizaw hae nynh tuuphu hae kha ngaethyaumsah leite nae laku lang oun tee cih hae cipaw kha ka ny.

1 KORIN 12:10

Mingccangpaw kha ngaeangnaw rae khonaw pya zah, mingccangpaw kha profehbya ho khonaw a pya, mingccangpaw kha muisaw hae phiathyanaw a pya; mingccangpaw kha bya hae aphuinphuin hothyanaw a pya, mingccangpaw kha bya hae asuilan ccaesah thyanaw a pya.

1 KORIN 14:29

Profeh hae lu ning khyhze lu thum nynh ho hae sah lah, mingccang hae nynh hoyte tuase hae sah.

1 THESALON 5:20

Profehbya honaw kha pawlangria leite um nan oh.

1 THESALON 5:21

Pawpaw balyn kha syntawtua oh lah, ahoypaw kha tynkaring lan kyngkuh oh;

2 THESALON 2:2

Bawipaw Nin tuh phe a thua vae paw hawte muisaw te thuasah, bya te thuasah, kaening kyate yn thuapaw ccaky o-ang lante thuasah oun ho hae ze, bungzounaw te siikunaw palou na hoi khyh nawlan oh kae ngia oh.

1 TIMOTE 4:1

Nyalang ccyh kya ccungccaw abang nynh lingthyapaw muisaw hae te raerangsaro hae ccangpyanaw kha oun ngae cih hae zah zynnaw kha oun vua cih hae cite Muisaw nynh ccaerarih lan a ho.

2 TIMOTE 3:13

Thuasalama ccungccaw hoylei hae te a hynhupaw ccungccaw hae tuh ahoy leipaw lang houhouh a tang cih hae; ming hae kha a phee cih hae zah mimaw mah phee athua cih hae.

2 PETER 2:1

Thuasalama Israel hae laku kya lingthya profeh hae mah a la um hae, tuhawte ahme leipaw ccangpahtu hae mah nae kya oun langkuh cih hae. Minmin nynh ccungccaw arosah thyapaw ahme leipaw ccangpyakunaw kha aphiruh lante yn teekhae cih hae; mimaw a shawkhawtu hae paw Bawipaw kha heize phe vuate, mimaw tungvaw arangte ronaw kha a thuakhaekuh cih hae.

1 JOHAN 2:18

Ka ccaaw hae, atu ccyh tuh nyathyakou ccyh nynh thua. Antikhri yn thua cih cite na thae vae oh hawte, atu lya antikhri patae um vae hae; tukeiccuze atu ccyh tuh nyathyakou ccyh nynh thua cipaw ah ny oh.

1 JOHAN 2:7

Ka sungsah hae, nae kalan kawbya thawpaw kha ka zei khyh; atakaw te na hoi vae oh paw kawbya rynpaw kha nynh ka zei. Kawbya rynpaw tuh atakaw te na thae vae oh paw bya kha nynh thua.

2 JOHAN 1:7

Pawccecize ccungccaw lingtu hae patae tuh laephi vawlan oun langkuh vae hae; minmin nynh Jesu Khri tuh pynsaw lante yn thua cipaw ccaekiakhan khyh hae; khahcihawpaw ccungccaw tuh ccungccaw a lingtu te antikhri nynh thua.

3 JOHAN 1:11

Ka sungsahpaw, ahoy leipaw kha kaheihlawku leite ahoypaw kha lawkuh. Ahoypaw rya a lahpaw ccungccaw tuh Pachia kya-e nynh thua, ahoy leipaw rya a lahpaw tuh Pachia kha muih khyh.

BYAPHY 2:2

“Na ryalaw hae, thawte rya na lawpaw te na ngaesangnaw hae kha ka ny, ccungccaw hoylei hae paw kha na ngaesangpah khyh hae cipaw kha thuasah, locceihtu hae nynh kae thua a ci hae zemah locceihtu athua lei hae paw kha akaw-aleih bya na khia hae zah mihyn hae nynh athua hae cipaw kha thuasah nang nynh phe na muih cipaw ka ny;