1 JOHAN 3:3 - Zotung Bible 2016

³ Khri kya ngaehoinaw a hoipaw miakaw tuh Khri nynh ccipapya lan a um hawte ccipapya lan nynh a umbua.

1 JOHAN 3:3 Iomraidhean Croise

2 SAMUEL 22:27

Athyaapaw ccungccaw kya thyaanaw kha na langsaku; ccungccaw hoyleipaw kya rawsenaw kha na langsah.

MATTHAI 5:48

Tukeiccuze vaawlang umpaw nae Paaw tuh accing hawte nanning mah la ccing oh.

LUKA 6:36

Tukeiccuze nae Paaw nynh ngaethyaumsahnaw a hoi hawte nanning mah ngaethyaumsahnaw hoi oh.

JOHAN 17:19

Minmin mah byaccing te thyaasah athua nawlan hae, minmin elang kamaw te kamaw kha ka thyaasaku.

LOCCEIHTU 15:9

Zynnaw liate Pachia nynh mih thinlung kha thyaasah hae zah, aening te minmin laku laesahnaw umsah khyh.

Romans 15:12

Isaiah nynh, “Jessi tharui tuh yn pou cih, aning tuh Zenta hae uk khylan yn langkuh cih paw nynh thua; Zenta hae nynh amaw kha a ngaehoikuh cih hae,” bua a ci.

2 KORIN 7:1

Sungsah hae, hynh-e byakinpyakupaw hae hynh ah hoi oh keiccuze pynsaw te muisaw nungsikunaw miakaw kyate ahmaw te ahmaw hynh ccikankuh oh sih lah, Pachia rawri te thyaanaw kha ccingsah oh sih.

KOLOSE 1:5

vaawlang khua kya nae hanlan nungpya athuapaw ngaehoinaw keiccu nynh thua. E ngaehoinaw kong hynh nae kalan yn thuapaw byaccing bya athuapaw thehoypaw kya langmawlya phe na thae vae oh.

2 THESALON 2:16

Aening kha oun sungsah zah thawccinaw liate zungzae ngaengannaw te ahoypaw ngaehoinaw oun pyatupaw, ah Paaw Pachia te ah Bawipaw Jesu Khri amaw ccaccei nynh,

TITU 3:7

Tuhcite a thawccinaw liate thyaaccousah ah thua oh zah, zungzae hiinnaw ngaehoinaw thyhte rhoccoutu hae ah thua nawlan oh nynh thua.

HEBRU 12:14

Ccungccaw miakaw te daenaw te um lanpaw te thyaararih lante um lanpaw kha zuakuh oh; thyaanaw leite hum nynh sanmah Bawipaw kha muih lan khyh.

HEBRU 6:18

Khynnaw ah mue vae oh paw aening nynh tuh ah malang oun nungpyapaw ngaehoinaw kha kyngku khylan, alepaw thawzung pyanaw ah hoi kho nawlan oh, hynbya a ho kho leipaw Pachia nynh arulaekuh kho leipaw uccaw ccangning kya hynhte a cyi.

HEBRU 7:26

Pawccecize athyaapaw, seibe lan accan leipaw, anungsikuh leipaw, misei hae kyate a phiakuhpaw, te vaawlang hae laeze ahanghua lan hangthung athuapaw tuh-e Ranpibawi Lupi tuh aening hanlan angaekuhpaw nynh thua.

JAMES 4:8

Pachia kalan naekuh oh lah, aning mah nae kalan a naekuh cih. Misei hae, nae kuih kha ccikankuh oh, thinlung aphei hae paw, nae thinlung kha thyaasakuh oh.

1 PETER 1:15

Nanning ae ko oh paw tuh athyaa hawte, nanning mah nae umtu ziazae balyn kya thyaa oh.

1 PETER 1:3

Pachia te ah Bawipaw Jesu Khri a Paaw tuh thehoyte um sah! Myarya lepaw a ngaethyaumsahnaw thyhte, Jesu Khri tuh chinaw kyate a thoothuinaw liate ahiinpaw ngaehoinaw kalan aening kha bua oun puisah vae.

2 PETER 1:4

Tuh-e phu-enaw te hoynaw liate aphutepaw te myarya alesaepaw byakinpyakunaw hae kha aening oun pya vae; tuh-e byakinpyakunaw liate nanning tuh chiisaw rynaw keiccu laephi kya a umpaw ronaw kyate na lue oh zah, Pachia thuanaw a neethungkuh bua hae paw na thua nawlan oh nynh thua.

2 PETER 3:14

Tukeiccuze sungsah hae, tuh-e uccaw hae tuh na ngaw oh keiccuze athupaw um leite, ccaenaw hoi leite daenaw kya amaw nynh ae muih nawlan oh thawte zuakuh oh.

1 JOHAN 2:6

Pachia kya ka um cite a hopaw nynh tuh Jesu Khri a hiin hawte a hiinbua aho.

1 JOHAN 4:17

Aening nynh byapia nin kya rawhoynaw ah hoi nawlan oh, sungsakunaw kha aening kya a ccingsah vae. Pawccecize e laephi vawlan aening tuh Khri hawte ah hiinbua oh.