1 JOHAN 3:2 - Zotung Bible 2016

² Sungsah hae, atu aening tuh Pachia ccaaw hae nynh ah thua oh. Nyalang aening tuh pawte nynh ah thua cih oh cipaw langkuh loh khyh. Thuasalama Khri he yn langkuh te, aening tuh amaw te loku bua lan cipaw ah ny oh; pawccecize aening nynh amaw kha athuanaw thathyhte ah muih cih oh.

1 JOHAN 3:2 Iomraidhean Croise

JOB 19:26

ka ving tuh phe aro vae zemah e ka ngesaw maw hynhte Pachia kha ka muih cih,

The Psalms 16:11

Kae kha hiinnaw laanpi nae muihsah. Na umnaw kya lungtuanaw ccing zah, na ranglang kuih kya hoysahnaw zungzae a um.

The Psalms 17:15

Kae nynh tuh na mae kha dingnaw kya ka muih cih; he ka thaekuh te, na muinsan kha muihte ka lungccing cih.

The Psalms 31:19

Na raw a rih hae paw hanlan na la ccakhungpaw hoynaw te ccungccaw miakaw muihnaw kyakhe, na kya a rekuh hae paw hanlan na paccynpaw hoynaw tuh pawcih baban mou ahoy!

ISAIAH 56:5

ccanung ccapaw hae laeze aphute huapaw liathuinawpaw uccaw te min kha ka inn te ka khualungrua lungkhu khe ka pya cih hae; azo kho leipaw zungzae tynpaw min kha ka pya cih hae.

MALAKHI 3:2

Aning yn thua nin tuh hummou a teing kho cih? Aning he yn langkuh te hummou a thadyn kho cih? Tuh-e zeccuetu tuh sivaw thyaasahtu kya-e somaee te boeisuhtu kya-e saepia hawte nynh thua;

MATTHAI 5:8

Thinlung athyaa hae paw tuh lungtua hae paw nynh thua; pawccecize minmin tuh Pachia kha a muih cih hae.

LUKA 17:30

Ccungccaw Ccapaw yn langku nin mah tuhawte yn cyihkuh cih.

LUKA 20:36

Minmin tuh vaaw hae te lokuh hae zah chih kho vae khyh hae, thoothuinaw ccaaw hae athua vae hae keiccuze Pachia ccaaw hae nynh athua vae hae.

JOHAN 1:12

Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.

JOHAN 11:52

tuh-e minphuin hanlan kyalya thua leite, a phiakuh hae paw Pachia ccaaw hae kha pynkheihlan suelua khylan yn chih cih cipaw kha profehbya a hopaw nynh thua.

JOHAN 17:24

Apang, laephi a um mawze nae sungsah zah nae pyapaw ka phu-enaw hynh nae pyapaw ccungccaw hae nynh a muih ccaw hae, ka umnaw kya kamaw ryte um hae sah ci ka ry.

Romans 8:16

aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan.

Romans 8:18

Pawccecize atu lya ah teing oh paw hynh aening kya yn langkuh cih paw phu-enaw te khinkhia lanze hosyn um khyh cite ka tua.

Romans 8:19

Pawccecize raepaw uccaw hae nynh Pachia ccaaw hae oun langku lan hae paw kha myarya ngaehoite a ngawdae hae.

Romans 8:29

Pawccecize Pachia nynh a Ccapaw kha uno hae patae laku kya ccatawccaw lang a tang ccaw cite Pachia nynh a ny typaw ccungccaw hae kha a Ccapaw muinsan te losaku khylan ccangte a nung hae.

1 KORIN 13:12

Pawccecize atu aening tuh muinsado kya valyvaly te nynh ah muih oh; thuasalama tuin ccyh vae tuh mitmae hawiliakute muih lan vae. Atu kae tuh abang-asung nynh ka ny, thuasalama tuin ccyh vae tuh Pachia nynh kae hynh phe ccing lan yn ny hawte kae mah phe ccing lan ka nyh vae cih.

1 KORIN 15:49

Aening tuh laenoi te raepaw ccungccapaw muinsan ah ke oh hawte, vaawlang te yn thuapaw ccungccapaw muinsan mah ah ke cih oh.

1 KORIN 2:9

Thuasalama Ccathyaa kyaze, “Pachia nynh amaw a sungsah hae paw hanlan a paccynpaw uccaw hae kha mit nynh muih boi khyh, nakaring nynh thae boi khyh, ccungccaw thinlung nynh mah tua boi khyh,” cite azeiku hawte nynh thua.

2 KORIN 3:18

Aening balyn tuh ah mae bongku leite muinsado kya lang hawte Bawipaw phu-enaw kha ah langsah oh, aening tuh phu-enaw ccangkheit kyate ccangkheit kalan lethungte amaw muinsan alo lante rulae ah thua oh; pawccecize tuh-e rulaenaw tuh Muisaw athuapaw Bawipaw kyate yn thuapaw nynh thua.

2 KORIN 4:17

Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya.

GALATI 3:26

pawccecize nanning balyn tuh zynnaw liate Khri Jesu kya Pachia ccaaw hae nynh na thua oh.

GALATI 4:6

Nanning tuh ccaaw hae na thua oh keiccuze, “Abba! Ka Paaw!” cite a kopaw a Ccapaw kya-e Muisaw kha aening thinlung kalan Pachia nynh a saw vae.

FILIPI 3:21

Pawpaw balyn kha amaw zakaw nung khonawpaw thungnaw liate, anyaapaw aening pyn hynh aphu-epaw amaw pyn alo lante oun rulae cih.

KOLOSE 3:4

Aening hiinnaw athuapaw Khri he yn langkuh te, nanning mah phu-enaw kya amaw ryte nae langkuh bua cih oh.

HEBRU 9:28

Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.

2 PETER 1:4

Tuh-e phu-enaw te hoynaw liate aphutepaw te myarya alesaepaw byakinpyakunaw hae kha aening oun pya vae; tuh-e byakinpyakunaw liate nanning tuh chiisaw rynaw keiccu laephi kya a umpaw ronaw kyate na lue oh zah, Pachia thuanaw a neethungkuh bua hae paw na thua nawlan oh nynh thua.

1 JOHAN 2:28

Ka ccaaw hae, atu Ccapaw kya la tyn oh, tuhteze tuh Ccapaw he yn langku vae ze aening nynh zynkunaw ah hoi cih oh zah, he yn thua vae ze amaw malang maethyanaw ah ccou lan khyh oh.

1 JOHAN 2:7

Ka sungsah hae, nae kalan kawbya thawpaw kha ka zei khyh; atakaw te na hoi vae oh paw kawbya rynpaw kha nynh ka zei. Kawbya rynpaw tuh atakaw te na thae vae oh paw bya kha nynh thua.

1 JOHAN 3:1

Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.

1 JOHAN 3:10

Pachia ccaaw hae te Satan ccaaw hae tuh hynhcite alangkuh: Humhung zemah dingnaw rya a lah leipaw te a uno a sungsah leipaw ccungccaw tuh Pachia kya-e thua khyh.

1 JOHAN 3:21

Ka sungsah hae, ah thinlung nynh ahmaw hynh sei oun be khyh ze, Pachia malang zynkunaw ah hoi oh.

1 JOHAN 5:1

Humhung zemah Jesu tuh Khri nynh thua cite a zynpaw miakaw tuh Pachia ccaaw nynh thua. A saahtupaw Paaw kha a sungsahpaw miakaw nynh tuh Paaw kyate yn puipaw ccaaw kha mah a sungsah.

BYAPHY 2:28

tuh-e paw tuh nizy awsi kha mah ka pya cih.

BYAPHY 22:4

Minmin nynh amaw mae kha a muih cih hae zah amaw min tuh mih terui kya zei athua cih.