1 JOHAN 3:1 - Zotung Bible 2016

¹ Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.

1 JOHAN 3:1 Iomraidhean Croise

2 SAMUEL 7:19

Thuasalama pou Bawipaw PACHIA, e hynh tuh nang na muihnaw kya uccaw dihpaw nynh thua; na ryalahtu innbyn kong hynh mah malang ccyh hynhsepi hanlan cia na hoty vae. Pou Bawipaw PACHIA, e hynh ccungccaw hae elang thuiheinaw thua vae sah!

The Psalms 31:19

Na raw a rih hae paw hanlan na la ccakhungpaw hoynaw te ccungccaw miakaw muihnaw kyakhe, na kya a rekuh hae paw hanlan na paccynpaw hoynaw tuh pawcih baban mou ahoy!

JEREMIAH 3:19

Nang kha ka ccaaw hae laku kya pawtemou kae nung cih cipaw te ram hoypaw, ram balyn kyaze apuithya huaccepaw rho kha pawtemou kae pya cih cipaw kha ka tua. Te nang nynh kae kha, Apang cite nae ko cih zah, kae nae zuinaw kyate ccanglang na cceihsei lan khyh cite ka tua.

HOSEA 1:10

Tuhzemah Israel hae tuh toutae leipaw te riatae leipaw rili laesia hawte athua cih hae; “Nanning tuh ka ccungccaw hae na thua khyh oh,” cite hopya athuanaw hae hmin kya mawkhe, “Ahiinpaw Pachia ccaaw hae,” cite hopya athua cih hae.

LUKA 20:36

Minmin tuh vaaw hae te lokuh hae zah chih kho vae khyh hae, thoothuinaw ccaaw hae athua vae hae keiccuze Pachia ccaaw hae nynh athua vae hae.

JOHAN 1:12

Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.

JOHAN 11:52

tuh-e minphuin hanlan kyalya thua leite, a phiakuh hae paw Pachia ccaaw hae kha pynkheihlan suelua khylan yn chih cih cipaw kha profehbya a hopaw nynh thua.

JOHAN 15:21

Thuasalama ka min keiccuze hynh-e hae balyn hynh nae tungvaw oun cyih cih hae, pawccecize kae yn sawtupaw kha nyh khyh hae.

JOHAN 16:3

Ka Paaw te kae hynh oun ny khyh hae keiccuze tuhcite oun cyih cih hae.

JOHAN 17:25

“Pou adingpaw Apang, laephi ccungccaw hae nynh namaw hynh ae nyh khyh hae, thuasalama kae nynh tuh kae ny; nang nynh kae hynh nae saw cipaw kha hynh-e hae nynh a ny hae.

JOHAN 3:16

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

Romans 5:8

Thuasalama aening tuh misei hae ah thua cciamang lya oh khe, Khri nynh aening hanlan oun chipyapaw tuh Pachia nynh aening kha pawcih nynh oun sungsah cipaw a langsakunawpaw nynh thua.

Romans 8:19

Pawccecize raepaw uccaw hae nynh Pachia ccaaw hae oun langku lan hae paw kha myarya ngaehoite a ngawdae hae.

Romans 8:21

raepaw uccaw hae maw mah ronaw seetangnaw kyate a lue cih hae zah, Pachia ccaaw hae kya-e aphu-epaw luenaw kha a ccoubua cih hae cite ngaehoinaw a um keiccu nynh thua.

Romans 8:32

A Ccapaw heize haang leite aening balyn hanlan oun pyatupaw Pachia nynh Ccapaw ryte pawpaw balyn kha alakawte oun pya lan khyh tou?

2 KORIN 6:18

Kae tuh nae Paaw ka thua cih zah nanning tuh ka ccapaw hae te ka ccanung hae na thua cih oh, cite Alesaepaw Bawipaw nynh a ci,” cite a ho.

GALATI 3:26

pawccecize nanning balyn tuh zynnaw liate Khri Jesu kya Pachia ccaaw hae nynh na thua oh.

GALATI 3:29

Nanning tuh Khri kya-e na thua oh ze, Abraham ciihan nynh na thua vae oh, te byakinpyakupaw thyhte rhoccoutu hae nynh na thua vae oh.

DEUTERONOMY 14:1

Nanning tuh Bawipaw nae Pachia ccaaw hae nynh na thua oh. Michi hanlan nae ngesaw na awkuh lan khyh oh, nae mitteky laku e nae ming kha na ngokuh lan khyh oh.

KOLOSE 3:3

Pawccecize nanning tuh na chih oh zah nae hiinnaw tuh Khri ryte Pachia kya thuruh athua.

1 JOHAN 3:10

Pachia ccaaw hae te Satan ccaaw hae tuh hynhcite alangkuh: Humhung zemah dingnaw rya a lah leipaw te a uno a sungsah leipaw ccungccaw tuh Pachia kya-e thua khyh.

1 JOHAN 3:2

Sungsah hae, atu aening tuh Pachia ccaaw hae nynh ah thua oh. Nyalang aening tuh pawte nynh ah thua cih oh cipaw langkuh loh khyh. Thuasalama Khri he yn langkuh te, aening tuh amaw te loku bua lan cipaw ah ny oh; pawccecize aening nynh amaw kha athuanaw thathyhte ah muih cih oh.

1 JOHAN 4:17

Aening nynh byapia nin kya rawhoynaw ah hoi nawlan oh, sungsakunaw kha aening kya a ccingsah vae. Pawccecize e laephi vawlan aening tuh Khri hawte ah hiinbua oh.

BYAPHY 21:7

A taetupaw tuh hynh-e rho hynh a ccou cih; kae tuh a Pachia ka thua cih zah aning tuh ka ccapaw athua cih.