1 JOHAN 2:4 - Zotung Bible 2016

⁴ Amaw kha ka nyh cite ho zah a kawbya hae a zui leipaw ccungccaw tuh mihynpaw nynh thua; tuh-e paw kya byaccing um khyh.

1 JOHAN 2:4 Iomraidhean Croise

JOHAN 8:44

Nanning tuh nae paaw Satan kya-e na thua oh zah, nae paaw rynaw kha na cyi ry oh. Aning tuh atakaw lya mawte ccungccaw theihtupaw thua zah byaccing kya tyn khyh. Pawccecize amaw kya byaccing um khyh. Hynbya a ho vae ze amaw thuanaw kha nynh a ho; pawccecize aning tuh a hynpaw thua zah hynbya a paaw nynh thua.

TITU 1:10

Pawccecize kawngae lei hae paw, accakaepaw bya a hotu hae te lingtu hae patae a um hae. Abyapi lante vingdungawkuh hae paw nynh thua hae.

TITU 1:16

Minmin nynh Pachia kae nyh cite ho hae salamah mih cyisahnaw te Pachia kha a vua hae; pawccecize minmin tuh luathua-ae-ui lan um hae paw, kawngae lei hae paw te ahoypaw ryalaw miakaw kya ccungkia lei hae paw nynh thua.

1 JOHAN 1:10

Aening nynh ah sei khyh oh cite ah ho oh ze, Pachia tuh hynbya a hopaw lang ah tangsah oh zah, a bya tuh aening kya um khyh.

1 JOHAN 1:6

Aening nynh amaw ryte vaeccawkunaw ah hoi oh cite ah ho oh zah mohnaw kya ah um oh ze, ah hyn oh paw thua zah byaccing kya ah hiin khyh oh.

1 JOHAN 1:8

Aening nynh seinaw ah hoi khyh oh cite ah ho oh ze, ahmaw te ahmaw ah lingkuh oh paw thua zah, byaccing tuh aening kya um khyh.

1 JOHAN 2:3

Aening nynh a kawbya hae kha ah zui oh ze, amaw kha ah ny oh cipaw phe ria lan ah ho kho oh.

1 JOHAN 2:9

Awnaw kya nynh ka um ci zah a uno kha a huapaw tuh mohnaw kya nynh a um ung.

1 JOHAN 3:6

Khri kya atynpaw miakaw tuh seinaw rae khyh; seinaw palei a raepaw miakaw tuh Khri kha muih khyh zah ny mah nyh khyh.

1 JOHAN 4:20

Ccungccaw lu kheit nynh, “Pachia ka sungsah,” ci zah, a uno kha a hua lanze, aning tuh mihynpaw nynh thua. Pawccecize phang a muihpaw a uno kha a sungsah leipaw ccungccaw nynh a muih leipaw Pachia kha pawtemou a sungsah kho cih?

1 JOHAN 4:7

Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny.