1 JOHAN 2:3 - Zotung Bible 2016

³ Aening nynh a kawbya hae kha ah zui oh ze, amaw kha ah ny oh cipaw phe ria lan ah ho kho oh.

1 JOHAN 2:3 Iomraidhean Croise

The Psalms 119:32

Thaethyanaw houhouh nae pya keiccuze, na kawbya laanpi kyakhe ka ccue.

The Psalms 119:6

Tetuh na kawbya balyn kha hoyte dokute, maethyanaw ka mue lan khyh.

ISAIAH 53:11

Vawsawnaw a teing koute awnaw kha a muih cih; a nynaw liate lungryccingnaw a mue cih. Ka ryalahtu midingpaw nynh ccungccaw patae kha miding lang a rae cih hae zah, mih hoyleinaw kha a phupah cih hae.

LUKA 6:46

“Ka hopaw kha na cyih lei oh pite, pawccemou ‘Bawipaw, Bawipaw,’ cite nae ko oh?

JOHAN 14:15

“Kae hynh nae sungsah oh ze ka kawbya hae kha na zui cih oh.

JOHAN 15:10

Kae nynh ka Paaw kawbya hae kha ka zui zah a sungsahnaw kya ka tyn hawte nanning nynh ka kawbya hae hynh na zui oh ze ka sungsahnaw kya na tyn cih oh.

JOHAN 15:14

Kaw kae pya oh paw kha na cyi oh ze nanning tuh ka ban hae nynh na thua oh.

JOHAN 17:3

Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

2 KORIN 4:6

Pawccecize, “Mohnaw kyate awnaw tuh phaephae aw sah,” cite a hotupaw Pachia nynh Jesu Khri mae kyakhe Pachia phu-enaw nynawpaw awnaw kha pya khylan, ah thinlung kya phaephae a awsah vae.

HEBRU 5:9

Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.

1 JOHAN 2:13

Paaw hae, atakaw te a la um vae paw amaw kha na ny vae oh keiccuze nae kalan ccaw ka zei. Ccangvae hae, Satan kha na tae vae oh keiccuze nae kalan ccaw ka zei. Ka ccaaw hae, Paaw kha na ny vae oh keiccuze nae kalan ccaw ka zei.

1 JOHAN 3:14

Aening nynh ah uno hae kha ah sungsah oh keiccuze chinaw kyate hiinnaw kalan ah thua vae oh cipaw ah ny oh. A uno a sungsah leipaw ccungccaw tuh chinaw kya nynh atyn.

1 JOHAN 3:19

Tuhteze nynh aening tuh byaccing te ah sekuh oh cipaw ah nyh cih oh zah Pachia malang ah thinlung zynkunaw ah hoi cih oh.

1 JOHAN 3:6

Khri kya atynpaw miakaw tuh seinaw rae khyh; seinaw palei a raepaw miakaw tuh Khri kha muih khyh zah ny mah nyh khyh.

1 JOHAN 4:13

Pachia nynh a Muisaw kha aening oun pya vae keiccuze aening tuh Pachia kya ah um oh zah Pachia tuh aening kya a um cipaw ah ny oh.

1 JOHAN 4:7

Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny.

1 JOHAN 5:19

Aening tuh Pachia kya-e nynh ah thua oh cipaw te laephi balyn tuh Satan kuih kya nynh a um cipaw ah ny oh.

1 JOHAN 5:2

Aening nynh Pachia kha ah sungsah oh zah a kawbya hae kha ah zui oh ze, Pachia ccaaw hae kha ah sungsah oh cipaw ah ny oh.

1 JOHAN 5:3

Pawccecize Pachia sungsah cipaw tuh aening nynh a kawbya hae kha ah zui oh paw hynh nynh thua. A kawbya hae tuh phuripaw thua khyh.

BYAPHY 12:17

Nakaa-hupi tuh nopinung elang myarya a thinria zah, nopinung ciihan a laehy hae paw kha rhawtuk khylan po a cceih; tuh-e hae tuh Pachia kawbya a zui hae paw te Jesu Khri kya-e ccaekia a hoi hae paw nynh thua.

BYAPHY 14:12

Hynh-e kyahin Pachia kawbya zui hae zah Jesu kya zynnaw a hoi hae paw mithyaa hae tuh ngaesangnaw a hoi hae.

BYAPHY 22:14

A kawbya hae kha zui hae zah, hiinnaw thingku kya-e athae aenaw kaw a hoi hae paw te khuapi lungkhu lang koikua hae kyate teenaw kaw a hoi hae paw tuh hythua a ccou hae paw nynh thua.