1 JOHAN 2:1 - Zotung Bible 2016

¹ Ka ccaaw taraw hae, nanning nynh na sei khyh ccaw oh cite hynh-e hae hynh nae kalan kae zei. Lukhakheit nynh a sei ze, aening oun bawmtupaw ah hoi oh; aning tuh Paaw ryte a umkheih hae paw adingpaw Jesu Khri nynh thua.

1 JOHAN 2:1 Iomraidhean Croise

The Psalms 4:4

Nae thin he aria ze, seinaw rae nan oh; e hynh nae ikhung kya daebabi lan um oh lah, tuatua oh.

EZEKIEL 3:21

Tuhzemah, miding kha a sei khyh nawlan raeringnaw na pya zah a sei khyh lanze, raeringnaw kha a lawku keiccuze a hiin ccaccing cih, te nang na hiinnaw tuh na khumku vae.

ZEKHARIAH 9:9

Pou Zion ccanung, na lung myarya tua sah! Pou Jerusalem ccanung, thawte siatua! Pawccecize na siapharan tuh na kalan yn cceih cciamang; aning tuh taetu thua zah taenaw te yn cceih, thinlung nepaw thua zah lann tungvaw a ccikuh, lann taraw tungvaw, lann a taw tungvaw ccikute yn cceih.

LUKA 10:22

Pawpaw balyn tuh Apang nynh kae kalan marya yn pya vae; Paaw laelan hum ccungccaw nynh sanmah Ccapaw hynh nyh khyh; Paaw hynh hum nynh thua cipaw kha Ccapaw te Ccapaw nynh a phypyapaw ccungccaw laelan hum nynh sanmah nyh khyh,” a ci.

JOHAN 10:15

Ka Paaw nynh kae kha yn ny hawte, kae nynh mah ka Paaw kha ka ny. Ka hiinnaw kha tuu hae hanlan ka pyaku.

JOHAN 13:33

Ka ccaaw hae, nae kya sosoh kyalya nynh ka um vae cih. Nanning nynh kae kha nae ccung cih oh; Judah hae kha, ‘Ka ccianaw lang na cceih kho lan khyh oh,’ cite ka hopya hae hawte, atu nanning mah kae hopya oh.

JOHAN 14:16

Kae nynh Paaw kha ka ngia cih zah nae kya zungzae a um cih paw ccangpaw Bawmtu kha ae pya cih oh.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

JOHAN 21:5

Jesu nynh minmin kha, “Ka ccaaw oh, ngasaw na kyng khyh oh tou?” cite a khia hae. Minmin nynh, “Kae kyng khyh,” cite a khung hae.

JOHAN 5:14

Tukoute Jesu nynh tuh-e paw tuh beikinn kya muih zah, “Dotua, nang tuh phe na dan vae! Na tungvaw kya houh athah huapaw uccaw a thua khyh nawlan la sei nan vae,” a cipya.

JOHAN 5:36

Thuasalama kae tuh Johan kya-e laeze ale huapaw ccaekia ka hoi; phe thang lan law lan cite Paaw nynh yn pyapaw ryalaw hae kha kae nynh ka law, tuh-e ryalaw hae nynh kae tuh Paaw nynh a sawpaw cipaw kha ccaekia a khan hae.

JOHAN 6:27

Arohthyapaw looh hanlan ryalah nan oh, Ccungccaw Ccapaw nynh nanning ae pya cih oh paw zungzae hiinnaw hanlan atynpaw looh elang ryalah oh; pawccecize Paaw Pachia nynh amaw kha tazeih phe khia vae paw nynh thua,” a ci.

JOHAN 8:11

Nopinung nynh, “Hum nynh san sei yn be khyh, Bawipaw,” a cipya. Jesu nynh, “Kae nynh mah sei kae be khyh; la cceih lah la sei nan vae,” a cipya.

LOCCEIHTU 7:52

Nae minpaaw hae nynh profeh hum kha mou tuaasah leite a nung hae? Adingpaw Ccungccapaw yn thuanaw lanpaw kong a hopah ty hae paw kha minmin nynh a chia hae; atu nanning tuh tuh-e Adingpaw a pheetu hae te a theihtu hae nynh na thua oh.

Romans 5:10

Pawccecize aening tuh Pachia rhaw hae ah thua lya oh khe, a Ccapaw chinaw liate Pachia te ah ccawkuthui vae oh, tuhte ccawkuthuinaw ah mue vae oh paw aening tuh a hiinnaw liate khum ah thua vae cih oh.

Romans 6:15

Tuhteze pawtemou? Aening tuh Kawbya zakaw um leite thawccinaw zakaw kya ah um vae oh keiccuze seinaw ah rae cih oh tou? Tuhte thua khyh!

Romans 8:34

Seibetupaw tuh hummou? Chih zah a chi kyalya thua leite thoothui zah Pachia ranglang a umpaw, aening hanlan oun ngiapahtupaw tuh Jesu Khri nynh thua.

1 KORIN 15:34

Nae lungkyhsakuh ccavae oh lah, sei nan vae oh; pawccecize abang ccungccaw tuh Pachia na nyh khyh oh. E hynh nae maethya ccaw cite nynh ka ho.

2 KORIN 5:21

Pawccecize Pachia nynh seinaw a hoi leipaw kha aening keiccuze seinaw a hoipaw lang a tangsah, tuhteze nynh aening tuh tuh-e paw kya Pachia miding lang ah tang kho cih oh.

GALATI 4:19

Ka ccaaw taraw hae, Khri kha nae lungkhu kya um zah atyn mawlaezung ccaaw a pui dyn e neitangia ccinaw hawte bua kae teingpya oh,

EFESA 2:18

Pawccecize aening minphuin phuin ning tuh Khri liate Muisaw ccangkheit kyakhe Paaw kalan thua khonaw ah hoi oh.

EFESA 4:26

Nae thinria salamah sei nan oh, nae thinrianaw khate khuanin ccawsah nan oh.

1 TIMOTE 2:5

Pawccecize Pachia ccangkheit nynh a um; Pachia te ccungccaw hae laku kya Hopiatu Ccungccapaw Khri Jesu lu kheit rou nynh a um.

1 TIMOTE 3:14

Aro mawze na kalan thua lan ka ngaehoi, thuasalama na kalan hynh-e ccaw kae zei rynawpaw tuh,

HEBRU 9:24

Pawccecize thanccingpaw pungsan athuapaw, kuih te raepaw beikinnthyaa lungkhu lang Khri tuh tee khyh; atu aening ccelang Pachia muihnaw kya langku khylan, vaawram lang nynh a tee.

JAMES 1:27

Paaw Pachia malang athyaapaw te anungsikuh leipaw beiknaw tuh e hynh nynh thua: Ngawraw hae te nomae hae kha mih vawsawnaw kya do-oihpaw te ahmaw mah laephi vaw e anungsikuhpaw kya kalouhku leite umpaw kha nynh thua.

JAMES 3:9

Tuh-e lae te ah Paaw Pachia kha the ah hoysah oh; Pachia muinsan alo lante raepaw ccungccaw hae kha tuh-e lae te thya ah law oh.

1 PETER 2:22

“Aning tuh seinaw rae khyh; a mung te hynbya ho boi khyh.”

1 PETER 3:18

Pawccecize Khri mah seinaw keiccu vaekheit te phe azaw lan a teing, aening kha Pachia kalan thuakhae khylan adingpaw tuh ading lei hae paw hanlan pynsaw kya chia athua zemah muisaw liate hiinsah athua.

1 JOHAN 3:18

Ka ccaaw hae, aening nynh ah bya te kyalya, khalang te kyalya sungsaku leite cyisahnaw te thanccingte sungsakuh oh sih.

1 JOHAN 3:5

Khri tuh ccungccaw seinaw cciakhae khylan nynh yn langku cipaw na ny oh, amaw kya seinaw um khyh.

1 JOHAN 3:7

Ka ccaaw hae, hum sanmah la lingsakuh nan oh. Khri tuh ading hawte dingnaw rya a lahpaw tuh miding nynh thua.

1 JOHAN 4:4

Ka ccaaw hae, nanning tuh Pachia kya-e na thua oh zah minmin kha phe na tae vae oh; pawccecize nae kya a umpaw Muisaw tuh laephi kya a umpaw muisaw laeze alehua.

1 JOHAN 5:17

Cyiseinaw miakaw tuh seinaw nynh thua, thuasalama chinaw kalan a phyasah leipaw seinaw a um.

1 JOHAN 5:21

Ka ccaaw hae, zohtuh hae kha la sibia oh. Amen.

3 JOHAN 1:4

Ka ccaaw hae nynh byaccing kya a hiin hae cipaw ka thaepaw lungtuanaw laeze ale huapaw lungtuanaw ka hoi khyh.