1 JOHAN 1:3 - Zotung Bible 2016

³ Nanning mah kaening ryte vaeccawkunaw na hoibua ccaw oh cite kae muihpaw te kae thaepaw kha kae hopya oh; kaening tuh Paaw te a Ccapaw Jesu Khri ryte vaeccawkunaw kae hoi.

1 JOHAN 1:3 Iomraidhean Croise

JOB 13:1

“Dotua, e balyn hynh ka mit nynh phe muih vae, ka nakaring nynh mah thae zah a ny vae.

The Psalms 2:7

Bawipaw phunglang kha ka ho cih: Aning nynh kae kha, “Nang tuh ka ccapaw nynh na thua; atunin nang kha kae saah vae.

The Psalms 22:22

Na min kha ka uno hae kya ka hopah cih hae; a pumkuh hae paw ngaelung kya nang kha kae thehoysah cih:

ISAIAH 66:19

minmin laku khe syntawnaw ccangkheit ka nung cih. Minmin kya-e a hiinhy hae paw kha Tarshish ram, Put ram te the kaw a thya hae paw Lud ram, Tubal ram te Javan ram, ka minthaannaw kha thae leite ka phu-enaw kha mah a nyh lei hae paw asawnaw rili khunglang e ram hae kalan ka saw cih hae; minmin nynh ka phu-enaw kha minphuin hae kya a siakhae cih hae.

NAMBAR 10:32

Tuh apiaze, kaening ryte na cciabua lanze, Bawipaw nynh kaening elang hoynaw a rae thyhte namaw elang hoynaw kha kae raepah cih,” a cipya.

JOHAN 17:11

Atu te laephi kya ka um vae lan khyh, thuasalama minmin tuh laephi kya nynh a um hae, kae tuh namaw kalan kae cceih cih. Athyaapaw Apang, aening tuh ccangkheit ah thua hawte, nae pyapaw ccungccaw hae nynh ccangkheit athua nawlan hae minmin kha na min te khynsah hae.

JOHAN 17:21

Mih balynte ccangkheit athua nawlan hae saw ka sang. Apang, nang tuh ka kya na um zah kae mah na kya ka um hawte, minmin mah aening kya umbua hae sah. Nang nynh kae hynh nae saw cipaw laephi nynh a zyn nawlan minmin tuh ccangkheit lang beih tang hae sah.

JOHAN 17:25

“Pou adingpaw Apang, laephi ccungccaw hae nynh namaw hynh ae nyh khyh hae, thuasalama kae nynh tuh kae ny; nang nynh kae hynh nae saw cipaw kha hynh-e hae nynh a ny hae.

JOHAN 17:3

Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

JOHAN 19:35

(Tuh-e konglang tuh na zyn nawlan oh a muihtupaw nynh ccaekia a khan. A ccaekia tuh hme zah byaccing nynh ka ho cipaw a nyku).

LOCCEIHTU 13:32

Pachia nynh ah minpaaw hae kya bya a kinkupaw thehoypaw bya kha nae kalan kae phupya oh.

LOCCEIHTU 13:41

‘Dotua oh, ccungccaw a sarya hae paw nanning, nae ngaeangthua sah lah, roh oh! Pawccecize lukhakheit nynh ae hopya oh zemah, kharouh na zyn lei lan oh paw ryalaw ccangkheit kha nae she kya ka lah cih,’ acikuh,” cite Paul nynh a hopya hae.

LOCCEIHTU 2:42

Minmin tuh locceihtu hae ccangpyanaw kha ngae hae zah vaeccawkunaw, sanlou mangkheihnaw te sawsangnaw kha po a rae hae.

LOCCEIHTU 20:27

Pawccecize Pachia paccynnaw balyn kha nae kalan phy lan ka synkuh khyh.

LOCCEIHTU 4:20

pawccecize kaening tuh kae muihpaw te kae thaepaw kong kha ho leite kae um kho khyh,” cite a khung hae.

Romans 15:27

Tuhte a cyi hae paw kya mih lungrythua, minmin tuh Judah hae kya laebah a um ccaccing hae; pawccecize Zenta hae nynh Judah hae kya-e muisaw hythuanaw hae kha a ccoubua hae ze, pynsaw hythuanaw hae kya mah minmin nynh Judah hae kha a neethungbua hae aho.

1 KORIN 1:30

Khri Jesu kya atynpaw nae hiinnaw a thotakawnaw tuh Pachia nynh thua. Khri tuh aening hanlan hawnaw, dingnaw, thyaapapingnaw te shawkhawnaw lang Pachia nynh a rae vae.

1 KORIN 1:9

A Ccapaw, ah Bawipaw Jesu Khri kya-e vaeccawkunaw kalan nanning ae ko oh paw Pachia tuh a lungzipaw nynh thua.

1 KORIN 15:1

Uteno hae, phe kae hopya vae oh paw thehoypaw kha atu kya nysah thui kae ry oh; tuh-e thehoypaw tuh na lawkuh oh zah tuh-e kya na thadyn oh;

2 KORIN 13:14

Bawipaw Jesu Khri thawccinaw, Pachia sungsahnaw te Thyaa Muisaw vaeccawkunaw tuh nae balyn tungvaw kya la um sah. Amen.

EFESA 3:6

Tuh-e tuh: Thehoypaw liate Zenta hae mah rho a ccou buapaw lang a tang hae, pyn pynkheit kya-e hae thua hae zah byakinpyakunaw kha Khri Jesu kya a neethungkuh bua hae paw nynh thua hae.

FILIPI 1:7

Nanning balyn konglang hynhte ka tuapaw tuh ka hanlan accanpaw nynh thua, pawccecize thehoypaw kong thong ka ccawnaw kya thuasah, thehoypaw ka thadynkhaenaw kya thuasah, thehoypaw ka tynsahnaw kya thuasah nanning balyn tuh kamaw ryte Pachia thawccinaw a neethungkuh bua hae paw na thua oh keiccu nanning tuh ka thinlung kya na um oh.

FILIPI 2:1

Tukeiccuze Khri kya thawzung pyakunaw ccangkhakheit, sungsakunaw kya-e ngaengannaw ccangkhakheit te Muisaw kya-e vaeccawkunaw ccangkhakheit, thawccikunaw te ngaethyaumsakunaw ccangkhakheit a um ze,

FILIPI 3:10

Ka rypaw tuh Khri te a thoothuinaw kya-e thungnaw kha nyte, a teingnaw kha neethungkubua te a chinaw kya chibua kha nynh thua.

KOLOSE 1:13

Aning nynh aening kha mohnaw huhan kyate oun luesah zah a sungsahpaw a Ccapaw kya-e peenaw lungkhu lang oun teesah.

1 THESALON 1:10

yn thua lanpaw thinrianaw kyate aening kha yn luesahtupaw Jesu, Pachia nynh chinaw kyate a thoosahpaw, vaawlang kyate yn thua cih paw a Ccapaw ngaw lanpaw kha thuasah a ho hae.

1 TIMOTE 6:2

See hae nynh zyntu athua hae paw mih bawi hae kha uteno nynh kae thua cite pawlangria leite um nan hae sah. Thanenaw a ccou hae paw tuh zyntu hae te sungsah hae paw athua hae keiccu mih bawi hae kha houh ryalawpah hae sah. Hynh-e uccaw hae hynh la ccangpah hae lah la hyy hae.

HEBRU 2:12

Aning nynh, “Ka uno hae kya na min kha ka siakhae cih, a pumkuh hae paw ngaelung kya namaw thehoysahnaw hlaw kha ka sah cih,” acikuh.

HEBRU 3:1

Tukeiccuze vaawlang te asekuhpaw konaw kya a pabua hae paw athyaapaw uteno hae, aening nynh ccaekia ah khan oh paw Locceihtu te Ranpibawi Lupi athuapaw Jesu kong kha tuatua oh.

HEBRU 3:14

Pawccecize aening nynh atakaw e ah zynkunaw oh kha athangnaw cia tynkaring lan ah kyngku oh ze, aening tuh Khri a ruiban hae ah thua vae oh.

1 PETER 5:1

Pastor athua buapaw, Khri teingnaw hae kong ccaekia athuapaw te yn langkuh cih paw phu-enaw a neethungkuh buapaw mah athuapaw, kae nynh nanning laku e pastor hae kha thawte kae hyy oh:

2 PETER 1:16

Pawccecize ah Bawipaw Jesu Khri a thungnaw te yn thuanaw kong kha nae kalan he kae hopya vae oh ze, thyaruhhahi lante rae huatawpaw phungpaw hae kha kae mang khyh, kaening tuh amaw a lesaenaw kong kha mit te a muih hae paw ccaekia hae nynh kae thua.

1 JOHAN 1:1

Athotakawnaw kyate a um vae paw, kaening nynh kae thaepaw, kae mit te kae muihpaw, hoyte kae do zah kae kuih te phe kae haetuapaw hiinnaw Bya te asekuhpaw uccaw kha kae hopya oh.

1 JOHAN 1:5

Amaw kyate kae thae zah nae kalan kae hopya oh paw bya tuh hynh-e nynh thua: Pachia tuh awnaw thua zah amaw kya mohnaw kharouh um khyh.

1 JOHAN 1:7

Thuasalama Pachia tuh awnaw kya a um hawte, aening nynh awnaw kya ah um oh ze, aening tuh lu kheit te lu kheit vaeccawkunaw ah hoi oh zah, a Ccapaw Jesu Khri chiise nynh seinaw balyn kyate oun thyaasah.