1 JOHAN 1:2 - Zotung Bible 2016

² Tuh-e hiinnaw tuh yn langkuh vae, kaening nynh kae muih zah ccaekia kae khan vae; Paaw ryte la um hae zah kaening kya yn langkuhpaw tuh-e zungzae hiinnaw kong tuh nae kalan kae langsahpya oh.

1 JOHAN 1:2 Iomraidhean Croise

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 1:4

Amaw kya tuh hiinnaw um zah, hiinnaw tuh ccungccaw hae awnaw nynh thua.

JOHAN 10:28

Minmin kha zungzae hiinnaw ka pya hae zah, minmin tuh papin chih vae lan khyh hae. Hum nynh sanmah minmin kha ka kuih kyate yn lua kho vae lan khyh.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

JOHAN 15:27

Atakaw te kamaw ryte na um oh keiccuze nanning mah ccaekia na la khan cih oh.

JOHAN 16:28

Ka Paaw kyate kae thua zah laephi kalan kae thua vae; tukoute laephi hynh ka cciataw cih zah ka Paaw kalan ka cceih cih,” a cipya hae.

JOHAN 17:3

Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

JOHAN 17:5

Pou Apang, laephi a um mawze namaw te pynkheihlan ka hoibua vae paw phu-enaw kha na malang hin atu yn pyatua.

JOHAN 19:35

(Tuh-e konglang tuh na zyn nawlan oh a muihtupaw nynh ccaekia a khan. A ccaekia tuh hme zah byaccing nynh ka ho cipaw a nyku).

JOHAN 21:14

E tuh Jesu chinaw kyate a thoothui koute a zuitu hae kya vae thumnaw a langkunaw nynh thua.

JOHAN 3:13

Vaawlang te yn rungbungpaw Ccungccaw Ccapaw holeite hum sanmah vaawlang a kaepaw um boi khyh.

JOHAN 7:29

Thuasalama kae tuh amaw kha ka ny; pawccecize kae tuh amaw kyate kae thuapaw thua zah, aning nynh kae hynh yn saw,” a ci.

JOHAN 8:38

Kae tuh ka Paaw kya ka muihpaw kha ka ho; nanning tuh nae paaw nynh ae hopya oh paw kha na cyi oh,” a ci.

LOCCEIHTU 10:41

ccungccaw balyn kya langsakuh khyh, thuasalama Pachia nynh ccaekia lang oun popaw kaening kya nynh a langku; chinaw kyate a thoothui koute amaw ryte kae aekheih zah kae neihkheih.

LOCCEIHTU 2:32

Hynh-e Jesu hynh Pachia nynh phe thoosah vae, hynh-e konglang kaening balyn tuh ccaekia hae nynh kae thua.

LOCCEIHTU 3:15

Pachia nynh chinaw kyate a thoosahpaw hiinnaw Bawipaw kha na chia oh. Tuh-e konglang te kaening tuh ccaekia hae nynh kae thua.

LOCCEIHTU 5:32

Kaening tuh hynh-e uccaw hae konglang a ccaekia hae nynh kae thua; Pachia nynh amaw kaw a ngaepaw ccungccaw hae kalan a pya hae paw Thyaa Muisaw mah ccaekia nynh athuabua,” a cipya hae.

Romans 8:3

Pawccecize pynsaw keiccuze a thawzyapaw Kawbya nynh a cyi kho leipaw kha Pachia nynh a cyi. A seipaw pynsaw muinsan lante seinaw hanlan a Ccapaw kha yn saw zah, pynsaw kya umpaw seinaw kha sei a be.

GALATI 4:4

Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw.

1 TIMOTE 3:16

Ah beiknaw kya-e byakhupaw alenaw zia hynh eiku lanpaw um khyh: Pachia tuh pynsaw lante yn langkuh vae zah, Muisaw liate thyaaccousah athua vae, vaaw hae nynh a muih vae hae. Zenta hae kya ho athua vae, laephi pynpi kya amaw kha a zyn vae hae. Phu-enaw te vaawlang lawthung athua vae.

2 TIMOTE 1:10

Tuh-e thawccinaw tuh aening oun Khumtu Khri Jesu yn langkunaw liate atu alangkuh vae. Tuh-e Jesu nynh chinaw kha zosah zah hiinnaw te chi kho leinaw kha thehoypaw liate awnaw kalan a thuakhae.

TITU 1:2

tuh-e ah beiknaw tuh zungzae hiinnaw ngaehoinaw kya a bingkuhpaw nynh thua; a hyn boi leipaw Pachia nynh hynh-e hiinnaw tuh laephi thotakaw mawte bya oun kinpyakupaw thua zah,

1 PETER 5:1

Pastor athua buapaw, Khri teingnaw hae kong ccaekia athuapaw te yn langkuh cih paw phu-enaw a neethungkuh buapaw mah athuapaw, kae nynh nanning laku e pastor hae kha thawte kae hyy oh:

1 JOHAN 1:1

Athotakawnaw kyate a um vae paw, kaening nynh kae thaepaw, kae mit te kae muihpaw, hoyte kae do zah kae kuih te phe kae haetuapaw hiinnaw Bya te asekuhpaw uccaw kha kae hopya oh.

1 JOHAN 2:25

Khri nynh aening oun kinpyakupaw tuh zungzae hiinnaw nynh thua.

1 JOHAN 3:5

Khri tuh ccungccaw seinaw cciakhae khylan nynh yn langku cipaw na ny oh, amaw kya seinaw um khyh.

1 JOHAN 3:8

Seinaw a raepaw ccungccaw tuh Satan kya-e nynh thua, pawccecize Satan tuh atakaw te palei a seipaw nynh thua. Pachia Ccapaw yn langkupaw tuh Satan ryalaw kha ro khylan nynh thua.

1 JOHAN 4:14

Paaw nynh Ccapaw kha laephi Khumtu lang yn saw cipaw kaening nynh kae muih zah ccaekia kae khan.

1 JOHAN 4:2

Pachia Muisaw tuh hynhte na nyh cih oh: Jesu Khri tuh pynsaw lante nynh yn thua cite ccaekia a khanpaw muisaw miakaw tuh Pachia kya-e nynh thua.

1 JOHAN 5:11

Ccaekia tuh e hynh nynh thua: Pachia nynh aening kha zungzae hiinnaw oun pya vae, tuh-e hiinnaw tuh a Ccapaw kya nynh a um.

1 JOHAN 5:13

Pachia Ccapaw min na zyn oh paw nanning nynh zungzae hiinnaw na hoi oh paw kha na nyku nawlan oh, hynh-e ccaw hynh nae kalan kae zei.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.