San Mateo 3:11 - Zapotec Mitla

¹¹ Narä guliicani rustiobnisä con nis si'c te seen cheni abasiechlajztu, abaxhobdojḻtu. Niluxh nani siääd detzä sutiobnisni la'tu con Sprit Dxan xten Dios näjza con guiboo. Rnibeeruni loä. Beṉsacduxhni. Nicla xcura'chni digacdi chanää́.

San Mateo 3:11 Iomraidhean Croise

San Mateo 3:6

Che ruxhobdojḻreni xtojḻreni, rutiobnis Juanreni ro' gueu Jordán.

San Marcos 1:4

Biricaj Juan ni rutiobnis nez loj reyubijdzga. Räpgajcni nanabpac gusiechlajzreni, tiobnisgajcreni, te jia xtojḻreni.

San Lucas 1:17

Juanre sinijdni loj Dad, sujni lagajc xhigab, sajpni lagajc yäḻrnibee ni gojp profe't Elías, te che jiejn diajgreni xtiidxni susiechlajz redad, susiäjḻzareni diidx con rexi'nreni. Sigajcza rebejṉ ni di gusoob xtidx Dios sisieedreni gusoobreni xtidx Dios, te si'c jiädsucheeni lastoo rebejṉ te chalilajzreni xtidx Dad ni jiääd.

San Lucas 3:16

Dxejc badzu' Juan diidxre, räjpni loj guiraa rebejṉ: ―Guliipac rutiobnisä la'tu con nis, luxh siääd tej ni sajcru loä, nani nicla gac surloä, cuää xcura'chni. Laani sutiobnisni con Sprit Dxan xten Dios te cuääzni neṉ lastootu näjza con guiboo, sa'csi rajpruni yäḻrnibee loä.

San Lucas 3:3

Ni'c cuanzaj Juan guideb nez reyuj xten gueu Jordán, ro'c basule'ni xcuent yäḻrusiechlajz, yäḻrobnis ni nanab gunreni te gudzucaj Dios xtojḻreni.

San Juan 1:15

Juan gunii xcuent Jesús. Guredxa'ni, räjpni: ―Laa dee ni rniä, nani siääd detzä sajcruni loä, sa'csi laani ganidni nabajṉni loä.

San Juan 1:30

Lagajc xcuent dee ni rniä cheni guniä lojtu: “Detzä siääd te niguii ni sajcru loä, sa'csi ganidli narä agac nabajṉni.”

Hechos 1:5

Juan batiobnis con nis, luxh ṉaj guxii dxej cayäädx dxejcru siääd Sprit Dxan xten Dios te cuääzni neṉ lastootu. Si'c guirobnistu ―räjpni.

Hechos 19:4

Dxejcti räjp Pabl lojreni: ―Guliica bastiobnis Juan che basiejch lajz rebejṉ xtojḻreni. Räjpza Juan lo rebejṉ: “Coḻchalilajz xtidx bejṉ ni siääd detzä.” Bejṉ ni basä'tni najc Jesucrist ―räjp Pabl.

Hechos 8:36

Laḻ ni sääreni lo nezyuj, bidzujṉreni te lajt cadro yu' nis. Dxejc räjp dade'ga lo Felipe: ―¡Bahuii, ree yu' nis! ¿Xhi rudxojn tiobnisä?

Hechos 8:38

Dxejc gunibee dade'ga gusudxi gaṟe't, sas biäjt guiro'preni, biu'reni neṉ nis, ro'c batiobnis Felipe dade'ga.

1 Corintios 12:13

Guiraanu, mase najcnu rexpejṉ Israel o beṉ griegw, mase najcnu mos o mastr, gurobnisnu con laj Sprit Dxan che huililajznu xtidx Dios, te gujcnu si'c tejsi tiejxh, luxh tejsi Sprit Dxan xten Dios biädläjz neṉ lastoonu.

Efesios 3:8

Luxh masä guxiiru sacä lo guiraa rexpejṉni, loä baniidxni xcäḻracnäjni te lo rebeṉzijt gusule'ä xtiidxni, nalajznu redidxcoob xcuent xcäḻnasa'c Jesucrist,

Tito 3:5

dxejc basḻaa Dios nuurnu lo dojḻ, xhet sa'csi yu'di xhi dzunsa'c biennu, alga sa'csi balaslajzni nuurnu. Basḻaa Dios nuurnu lo dojḻ sa'csi bidiib lastoonu, te biäjt xtojḻnu te najcnu beṉcoob, sa'csi bascoobza Xsprit Dxan xten Dios xcäriejnnu.

1 Pedro 5:5

Sigajcza la'tu ni najc bi'n, coḻgusobdiajg xtidx rebeṉgool. Guiraatu coḻjiu xtidx sa'tu, coḻguluii sa'tu guideb nadolajz. Sa'csi: Dios rbälaz rebejṉ ni runnaro lagajc laareni, niluxh racnäjni rebejṉ ni najc nadolajz.