San Mateo 26:39 - Zapotec Mitla

³⁹ Dxejc guzaj Jesús stla', guzuxhijbni dxejc basajb lojni lo yujli, gusloj cabedx-canabni lo Dios: ―Xtadä, palga sajcni, basanlaa tedcaj trabajwduxhre ni tedä, te na'c tedäni. Xhet si'cdi ni rlazä gacni; si'cpacni rlajzlu gac, si'c gacni.

San Mateo 26:39 Iomraidhean Croise

San Mateo 20:22

Dxejc räjp Jesús: ―¡Ditu gan xhini'c rniabtu! ¿La sajc tedtu yäḻrsacsí sa'ni tedä? ¿La sajc tedtu trabajwduxh sa' ni nanab tedä? Dxejc räjpreni: ―Sajc tednuni.

San Mateo 24:24

Siääd xhidajl niguii ni rusguee, gäbreni najcreni crist; sidzujṉza rebejṉ ni rusguee ni gäb xtiidxpac Dios rusule'reni; luxh sujnreni remilagwr sujnzareni senro, parsi gusgueereni, susgueduxhreni rebejṉ, niluxh rlajzreni gusgueezareni rebejṉ ni agule Dios, ni rililajz xtiidxni.

San Mateo 26:42

Gubi' Jesús stehuält, gurejdx-gunabni loj Dios, räjpni: ―Xtadä, palga digacdi tedcaj tedä trabajwre, sugacni si'ctis ni rlajzlu gacni.

San Marcos 13:22

Sa'csi su' bejṉ nani rniisi najcni Crist. Su'za reniguii nani rniisi rniireni xcuent Dios. Sujnzareni milaagwr, te gusgueereni, te palga sajcni, rlajzreni gusgueelireni renani agule Dios.

San Lucas 17:16

Bazuxhijbni nez loj Jesús, basajbni lojni lo yuj cagudeedni xquixtios loj Jesús. Luxh bejṉre najc te beṉzijt, te beṉ Samaria.

San Juan 11:41

Dxejcti badzucajreni guijga. Guläs Jesús lojni xhaguibaa, räjpni loj Xtadni: ―Xtadä, runidxä xquixtios lojlu sa'csi abiejn diajglu xtidxä.

San Juan 14:31

riäjḻ gac recosre te gacbee rebeṉ guedxliuj sanälazä Xtadä, rusobäza xtidx Xtadä, runä nani gunibeeni. Coḻchastie, coḻcho' jiunejznu ree.

San Juan 18:11

Dxejcti räjp Jesús lo Pedr: ―Guluchee spaad xtenlu neṉ xpaguinni. ¿La dina tedä trabajwduxh nani agunibee Xtadä tedä, ä?

San Juan 5:19

Badzu' Jesús diidxre räjpni lojreni: ―Rniliä, rniliä́pac lojtu. Di gacdi gun Xi'n Dios dzuun xtebni, palga dini fixgaa rujn Xtadni dzuunga, sa'csi guira'tis dzuun ni rujn Xtadni, dzuunga rujnza Xi'nni sigajc rujn Xtadni.

San Juan 5:30

’Xhet rajcdi runä lagajcsi narä. Sigajc ni riejn diagä, sigajcza runä yäḻguxhtis. Luxh yäḻguxhtis ni runä laaca najcni sa'csi dina quilä gunä nani rlazätis, rguilätis gunä si'c ni rlajz Dad nani baxhaḻ narä.

San Juan 6:38

Sa'csi narä siälä xhaguibaali te gunä si'c ni rlajz Xtadä, xhet si'cdi ni rlazädi.

Hechos 10:25

Che bidzujṉ Pedr ro yu', huichagloj Cornelni, bazuxhijbni lo Pedr.

Filipenses 2:8

Che gujcni si'ctis beṉ guedxliuj, gujcni beṉ nadolajz, beṉ nasobdiidx. Basoobni xtidx Dios, gujtni lo crujz, luxh yäḻrejt lo crujz najc te yäḻrtuiduxh.

Hebreos 5:7

Cheni gubajṉ Jesucrist lo guedxliujre, gurejdx-gunabzani lo Dios, guredxa'ni biinzani lo Dios nani sajc nudzucajni lo yäḻgujt; Dios bacuadiajg xtiidxni sa'csi huinälajz Jesucrist Dios.

Apocalipsis 19:10

Dxejcti bazuxhibä lojni te gaṉäni, dxejc laani najni loä: ―Na'c gunlu si'c, sa'csi narä nacä sigajc najclu, nacä te ni rujn xtzuun Dios, näjza bejtzlu ni rusule' xtidx Jesucrist. Bazuxhijb lo Diostis sa'csi Dios rudeed gusule' bejṉ xcuent Jesucrist, gusule'zareni xtidx Dios.