San Mateo 19:23 - Zapotec Mitla

²³ Sas Jesús räjp loj rexpejṉpacni: ―Rniliä́pac lojtu, naganduxh jiu' te beṉ rajp loj xcäḻrnibee Dios.

San Mateo 19:23 Iomraidhean Croise

San Mateo 13:22

Rebinij nani gurej neṉ reyaguejch säloj rebejṉ nani rucuadiajg rextidx Dios rujnrureni te gunreni dzuun te ga'preni yäḻnasa'c ni yu' lo guedxliujre. Dxejcti rexcäḻnasa'c xten guedxliujre rusgueereni. Guiraa recosre rutau lo xtidx Dios neṉ lastoo rebejṉre, dini gusaan gac te cosechsa'c neṉ lastoo rebejṉre.

San Mateo 18:3

dxejc räjpni: ―Rniliä́pac lojtu, palga ditu gusiechlajztu, palga ditu gac nadolajz si'c te biuxbäz, ditu jiu' lajdx Dios xhaguibaa.

San Mateo 19:22

Cheni biejn diajg bi'nga rediidxre, guc-huinduxh lajzni sa'csi rajpni xhidalduxh xhixtenni.

San Mateo 21:31

Loj guiro'preni, ¿chuni'c bejn si'cni rlajz xtadni? Dxejc räjpreni: ―Xingangalooni. Dxejcti räjp Jesús lojreni: ―Rniliä́pac lojtu, reni ruquijx guiraloj, näjza regunabdxab ganidreni jiu'reni lojtu loj xcäḻrnibee Dios,

San Mateo 5:20

Ni'cni rniä lojtu, palga ditu gunsa'cru xtzun Dios, ditu guibaṉsa'cru loj reni najn xcuent xleii toMoisés, näjza loj rebeṉ guidoo ni laa farisee, dipactu jiu' lajdx Dios xhaguibaa.

San Marcos 10:23

Dxejc bahuii Jesús guideb gabi lojreni, räjpni loj rexpejṉpacni: ―Naganduxh jiu' rebejṉ nani yu'duxh xhixtenni lo xcäḻrnibee Dios.

San Lucas 18:24

Dxejc rdxelojtis Jesús lojni, guc-huinza lajzni räjpni: ―Naganduxh jiu' rebeṉrajp lo xcäḻrnibee Dios.

San Juan 3:3

Dxejcti räjp Jesús lojni: ―Rniliä́pac lojlu, nani di gaal stehuält, di gacdi fiini xcäḻrnibee Dios xhaguibaa.

San Juan 3:5

Badzu' Jesús diidxre räjpni: ―Rniliä́pac lojlu, nani di gaal con nis, näjza con Sprit Dxan xten Dios, di gacdi jiu'ni lo xcäḻrnibee Dios xhaguibaa.

Hechos 14:22

Balijdxreni rebejṉ nani huililajz xtidx Dios, gucnäjreni rebejṉga te batiplajz rebejṉga, räjpreni lo rexpejṉ Jesucrist: ―Coḻsnaj lajztu xtidx Dios. Susacsí rebejṉ la'tu, sidejdtu trabajw te jiu'tu cadro rnibee Dios.

1 Corintios 1:26

Coḻhuii la'tu, betzä ni ahuililajz xtidx Dios, xho gule Dios la'tu, coḻyejn xhigab guxiitu najctu beṉ nasiṉ loj rebeṉ guedxliuj, guxiiza rajptu yäḻrnibee, guxiizatu najctu bejṉ ni agojl guiga'tu beṉsa'c.

Santiago 2:6

Niluxh la'tu agulälaztu rebejṉ nani xhet rajpdi. ¿Xhixh xhet laadi rebejṉ ni rajp ni rusacsítu, li rgobxhajxhreni la'tu, rinäreni la'tu loj reguxhtis, ä?