San Mateo 10:5 - Zapotec Mitla

⁵ Guitzubitio'p rebejṉre baxhaḻ Jesús. Balijdxnireni räjpni: ―Na'c chäätu nez cad yu' rebejṉ ni di gumbee Dios. Na'c jiu'tu lajdx rebeṉ samaritaṉ.

San Mateo 10:5 Iomraidhean Croise

San Mateo 22:3

Baxhaḻni rexmosni te saxiireni regolnejdx chääreni sa', niluxh rebejṉre di rlajzdireni.

San Mateo 4:15

Lajdx Zabulón, lajdx Neftalí, nezyuj ni rij nez ro' nisdoo, stelaad gueu Jordán, Galilee cadro rbäjz rebejṉ nani di gac rexpeṉ Israel.

San Marcos 6:7

Dxejcru gurejdxni guitzubitio'p xpejṉpacni. Gusloj caguxhaḻni tiopgajreni; badeedzani yäḻrnibee lojreni te guinibeereni loj rebeṉdxab.

San Lucas 10:1

Che gulujx reni'c, gule Jesús gayoṉbitzuu bejṉ, baxhaḻnireni tio'pgajreni te basnijdnireni lojni loj reguejdx cadro nanab tedni.

San Lucas 10:33

Dxejcti te beṉ Samaria, laḻni sääni biaj, gudejdni nezyujga, bidzujṉni cadro naga' bejṉga. Che bahuiini lojni, balaslajznini.

San Lucas 17:16

Bazuxhijbni nez loj Jesús, basajbni lojni lo yuj cagudeedni xquixtios loj Jesús. Luxh bejṉre najc te beṉzijt, te beṉ Samaria.

San Lucas 9:1

Batie' Jesús guitzubitio'p rexpejṉpacni te badeedni yäḻrnibee lojreni te cuääreni rebeṉdxab lastoo rebejṉ, näjza te gusiajcreni rebeṉracxhuu.

San Lucas 9:2

Baxhaḻnireni te gusule'reni diidx xcuent xcäḻrnibee Dios näjza te gusiajcreni rebeṉracxhuu.

San Juan 17:18

Sigajc ni baxhaḻlu narä lo guedxliujre, sigajcza ruxhaḻäreni te chääreni guideb guedxliuj.

San Juan 20:21

Dxejc räjp Jesús lojreni stehuält: ―Suchu yäḻrbedxi lastootu. Si'c ni baxhaḻ Xtadä narä, si'cza ruxhaḻä la'tu.

San Juan 4:20

Retoxtadgoldoonu gojṉreni Dios lo dajnre, luxh la'tu rniitu guedx Jerusalén najc cadro nanab ganni Dios.

San Juan 4:5

Ni'c bidzujṉni te guedxro xten Samaria ni laa Sicar, gajxh nejz loj te la' yuj ni badeed toJacoob lo xi'nni toJosé.

San Juan 4:9

Räjpti guna samaritaṉga lo Jesús: ―¿Xho mood rniablu nis loä, luj ni najc te beṉ Israel luxh narä nacä gunaa samaritaṉ? (Sa'csi di rexpejṉ Israel chanä sa'reni rebejṉ Samaria.)

San Juan 7:35

Ni'c gunii rexpejṉ Israel lo sa'reni; räjpreni: ―¿Cacharo chääni ni'c di gacdi guidxälnuni? ¿Xhaa sijni loj rexpejṉ Israel nani nare'ch nez lajdx regriegos te guluiini regriegos?

San Juan 8:48

Dxejcti badzu' rexpejṉ Israel diidxre, räjpreni lojni: ―Laaca rniinu luj najclu te bejṉ ni siääd Samaria, beṉdxab yu' lastoolu.

Hechos 1:8

La'tu sica'tu yäḻrnibee che abiääd Sprit Dxan xten Dios neṉ lastootu. Dxejc chatie'chtu xtidxä näjza rextzunä neṉ guedx Jerusalén, neṉ guiraa reguedx Judea, neṉ guiraa reguedx Samaria, näjza neṉ guideb guedxliuj ―räjpni.

Hechos 10:45

Bidxeloj guiraa rexpejṉ Israel nani huinä Pedr sa'csi biädläjz Sprit Dxan xten Dios neṉ lastoo renani najc beṉzijt.

Hechos 8:1

Rbaduxh lajz Saulo bagu'treni Esteban. Lagajc dxejga gusloj gudejd rexpejṉ Jesucrist trabajwduxh neṉ guedx Jerusalén. Dxejcti bire'ch rexpejṉ Jesucrist. Biunejzreni ro'c sääreni nez guiraa reguedx Judea näjza nez guiraa reguedx Samaria. Xtebtis reapost bia'n Jerusalén, direni nire'ch.

1 Tesalonicenses 2:16

Che rlajznu gulijdxnu reni digac rexpeṉ Israel, te näjza laareni ḻaareni lo dojḻ, direni gusaan, si'ctis cagutajḻreni xtojḻreni. Niluxh ṉaj abiäädpac yäḻrdxe'ch xten Dios yejcreni.