San Mateo 10:19 - Zapotec Mitla

¹⁹ Cheni chanäreni la'tu nez loj reguxhtis, na'c guntu xhigab xho guiniitu, niclaza guntu xhigab xhicha ni'c guiniitu, sa'csi lagajc Dios suniidx diidx guiniitu oṟga.

San Mateo 10:19 Iomraidhean Croise

San Mateo 10:18

Sinäzareni la'tu nez loj regubier, nez loj reṟeii xcuent rextidxä, te gusule'tu xtidxä nez lojreni näjza nez loj rebejṉ nani di gumbee Dios.

San Mateo 6:25

’Ni'cni rniä lojtu, na'c chutu yärsia' por xcäḻnabajṉtu, xhicha gautu, xhicha yätu, niclaza naatu xhicha lajd gajcwtu. Yäḻnabajṉ sajcru lo yäḻrajw, luxh sajcru tiejxhtu lo xhajbtu.

San Mateo 6:31

Ni'cni na'c chutu yärsia' guntu xhigab: “¿Xhicha guidaunu, xhicha guiduṉnu, xhicha gacwnu?”

San Mateo 6:34

Ni'cni na'c gunduxhtu xhigab xho tedtu dxej guixee. Combast tedtu trabajw nani riääd dxej con dxej.

San Lucas 12:11

’Cheni chanäreni la'tu nez loj rebeṉ guidobäz o nez loj reguxhtis, na'c guntu xhigab xhi gudzu'tu diidx o xhini'c guiniitu,

San Lucas 12:12

sa'csi che guidzujṉ oṟ ni guiniitu, Sprit Dxan xten Dios suluiini xhini'c guiniitu.

Hechos 6:10

Reniguiire di niajcdi nuzejcreni diidx lo Esteban, sa'csi nasiṉduxhni, luxh cayacnäj Sprit Dxan xten Diosni.

Filipenses 4:6

Na'c guidxejbtu, coḻnabtis lo Dad guira'ti, coḻgudeedza xquixtios lojni laḻ ni cabedx-canabtu lojni.

2 Timoteo 4:17

Niluxh Dad ni yu' xhaguibaa gucnäj narä, baniidxni yäḻnadip te gujc guniä guiraa xtidx Dios te biejn diajg reni digac xpeṉ Israel xtidx Dios. Luxh gucnäj Dios narä gulääni narä ladzṉaareni, si'c ro' te beedz.

Santiago 1:5

Palga yu' tejtu ni cayäädx xcäḻnajnni, suguiniabnini lo Dios, sa'csi Dios rudeedduxhni yäḻnajn loj guira'ti bejṉ, luxh dini guinii didxlaa lojni. Palga guiniab bejṉni, sudeedza Diosni.