San Lucas 8:48 - Zapotec Mitla

⁴⁸ Dxejc räjp Jesús lojni: ―Huij. Gulecdxilajzlu, xinda'pä. Abiajclu sa'csi huililajzlu.

San Lucas 8:48 Iomraidhean Croise

San Mateo 12:20

Dini qui'ch nicla te nijt ni cabiejc, dizani gusuii te duxiil ni cayujn guxh, dxejli che gunni gaan guinibeeni yäḻguxhtis.

San Mateo 8:13

Dxejcti räjp Jesús loj capitán: ―Gubi' rolijzlu. Sigajcni huililajzlu, sigajcza gacni. Dxejc lagajc oṟga biajc xmosni.

San Mateo 9:2

Ro'c biädnäreni lojni te bejṉ nani abixu'ṉ ṉaani, ni'ni. Naga'ni lo te da'. Che bahuii Jesús lacti rililajzreni, räjpni loj beṉracxhuuga: ―¡Baspaa lajzlu xi'nä! Agubicaj rextojḻlu.

San Mateo 9:22

Dxejc gubiré Jesús bahuiini loj gunaaga, dxejc räjpni: ―Gulecdxilajzlu xindxa'pä. Yäḻrililajz xtenlu abasiajclu. Luxh lagajc dxejc biajc gunaaga.

San Marcos 5:34

Dxejc räjp Jesús lojni: ―Xindxa'pä, abiajclu sa'csi huililajzlu. Gulecdxi lajzlu, huij rolijzlu, abiajc xcäḻracxhuulu.

San Lucas 17:19

Dxejc räjp Jesús loj bejṉre: ―¡Huisulii, huij! Abiajclu sa'csi huililajzlu.

San Lucas 18:42

Dxejc räjp Jesús lojni: ―¡Sujieṉ balojlu! Abiajclu sa'csi huililajzlu.

San Lucas 7:50

Räjp Jesús loj gunaaga: ―Aguḻaalu lo xtojḻlu sa'csi ahuililajzlu; huij ṉaj, bascuedxi lajzlu.

San Lucas 8:47

Che gucbee gunaaga anajn Jesús gudajnni xhajbni, bidxejbni, racsejslini gubigni loj Jesús, bazuxhijbni lojni. nez loj guiraa rebejṉ räjpni xhicuent gudajnni xhajbni näjza xho biacgajcni.

Hechos 14:9

Cagucuadiajg niguiiga xtidx Pabl. Che bahuii Pabl lojni, gucbee Pabl rililajz niguiiga xtidx Dios, rililajzzani sajc gusiajc Diosni.

2 Corintios 6:18

Dxejc la'tu sajctu rexinganä, rexindxa'pä, luxh narä gacä xtadtu, si'c naj Gueb Dios ni rajp guiralii yäḻrnibee.

Hebreos 4:2

Sa'csi nuure abiejn diaagzanu diidx ni rusia dojḻ, sigajc biejn diajg rebejṉga; niluxh xlia'si biejn diajgreni diidxga sa'csi bacuadiajgrenini niluxh direni nililajzni.