San Lucas 8:27 - Zapotec Mitla

²⁷ Cheni biäjt Jesús neṉ barcw baläjni lo yuj, gubig te bejṉ ni siääd guejdxga lojni. Agujc xchej yu' rebeṉdxab neṉ lastooni. Dini gacw xhajbni, dizani cuääz neṉ yu', alga rbäjzni cadro yu' rebaa.

San Lucas 8:27 Iomraidhean Croise

San Mateo 4:24

Biejn diajg rebeṉ Siria diidx xcuent ni cayujn Jesús. Sas biädnäreni guiraa rebeṉracxhuu ni cayajc guiraloj yäḻguijdx, yäḻnayan; guiraa reni rajc yejcreni, guiraa reni rajc malyäḻguijdx, reni rajc yäḻguidxbej, guiraareni abixu'ṉ tiejxhreni. Dxejcti basiajc Jesús rebejṉga.

San Marcos 5:15

Che bidzujṉreni cadro suga' Jesús, bahuiireni loj niguii nani guyu' rebeṉdxabga neṉ lastooni. Sobga'ni ro'c, najcwni xhajbni luxh nasa'c yejcni. Niguiire najc nani guyu' beṉdxab ni laa Legión neṉ lastooni. Bidxejbti rebejṉ nani bahuii lojni.

San Lucas 8:26

Bidzujṉtireni lo yuj xten Gadara ni tre' stelaad ro' nis nez loj reyuj xten Galilee.

San Lucas 8:28

Che bahuiini loj Jesús bazuxhijbni nez lojni, guredxa'ni räjpni: ―¿Xhicuent riädchu'lu loonu, luj, Jesús Xi'n Gueb Dios ni rbäjz xhaguibaa? Rniabduxhä lojlu, na'cru gusacsílu nuurnu.