San Lucas 6:27 - Zapotec Mitla

²⁷ Räjpzani: ―La'tu ni cacuadiajgtu rextidxä rniä diidxre lojtu: coḻchanälajz rebejṉ ni rdxe'ch lojtu, coḻyujn dzunsa'c loj rebejṉ ni rdxechlajz lojtu.

San Lucas 6:27 Iomraidhean Croise

San Marcos 4:24

Räjpza Jesús lojreni: ―Coḻyunxgaa xhigab rediidx ni riejn diajgtu. Nani rusäḻtu loj xhigabtu, ni'cza guniidx Dios xca'tu, luxh sisiojbru yejc ni xca'tu.

San Lucas 23:34

Cheni cagucuaa rebejṉ reni lo crujz, gunii Jesús, räjpni: ―Xtadä, badzucaj xtojḻ rebejṉre, sa'csi direni gan xhini'c cayujnreni. Dxejc gudzujt resoldaad daad yejc xhajbni, te gudisreni xhajbni cua'renini.

San Lucas 6:22

’Chicbaatu, bejṉ nani rdxechlajz bejṉ lojtu, rbääreni la'tu te laad, rniyajreni la'tu, luxh rbälazreni lajtu si'c te cos guijdx sa'csi rililajztu xtidx Xi'n Dios ni gujc Niguii.

San Lucas 6:35

La'tu, nanab chanälajztu rebejṉ ni rdxe'ch lojtu, guntu hueen lojreni, gudedlaatu loj rebejṉ, na'c gunlojtu xcasactu recos ni rudedlaatu, te si'c guroob gac nani guzalajz Dios lojtu; te si'c gactu xi'n Gueb Dios ni nabajṉ xhaguibaa. Sa'csi si'cza najc Dios huenduxh loj reni di gudeed xquixtios lojni, näjza loj rebeṉdojḻ.

San Lucas 8:15

Binij ni riajb lo reyusa'c najc si'c rebejṉ nani rucuadiajg xtidx Dios, ni rililajz diidxga guideb te lastoya ni najc hueen. Randzu'tzreni xtidx Dios, dxejc rudeedreni te yälnasa'c, nalajznu ruzoobreni xtidx Dios, rujnreni xtzunsa'c Dios.

San Lucas 8:18

’Ni'cni coḻcuadiagsa'c diidx; sa'csi guiraa rebejṉ ni rajp yäḻracbee, sajprureni yäḻnajn. Luxh reni di ninuu nucuadiajg xtidx Dios, lojni sibicaj näj ni abacuadiajgni, ni rchaloni najnni.

San Lucas 8:8

Yu'za lajt bitejb binijga lo yusa'c, ro'c gucduxhni. Cheni guroobni, yu' binijga gujc te gayuu xob loj tejga binij ni gule'c dade'ga. Che gulujx guniini scree, dxejc guniini dip räjpni: ―Palga sajc gucuadiajgtu rediidxga, coḻcuadiagsa'cni.

Hechos 10:38

Nancheetu xho badeed Dios yäḻrnibee loj Jesucrist, beṉ Nazare't. Badeedza Dios Sprit Dxan xtenni te cuääzni neṉ lastooni. Nancheetu xho bejnni redzunro, remilagwr, basiajcni rebejṉ nani caguteed beṉdxab trabajwduxh. Redzunroga bejnni sa'csi bennäj Diosni dzuun.

Hechos 16:28

Dxejc guredxa' Pabl, räjpni lo guixhajgga: ―Na'c gunlu si'c. Bahuii, guiraliinu suga'nu ree.

Hechos 7:60

Dxejcti biajb Esteban, bazuxhijbni, guredxa'ni räjpni: ―Dad Jesucrist, na'c gudzuublu dojḻre yejc rebejṉre, na'c gucuaquijlureni. Gulujxsi guniini si'c, gujtni.

Gálatas 6:10

Ni'cni nanab laḻ ni sajcni, gacnäjnu chutis bejṉ, ganiddoo resa'nu ni ahuililajz.

1 Tesalonicenses 5:15

Coḻhuii di chu tejtu gunza doḻguijdx lo rebejṉ ni rujn doḻguijdx. Laaca guntu ganax dzunsa'c lo sa'tu, sigajcza lo chutis bejṉ.

3 Juan 1:11

Sa'ä ni rinälazä, na'c gunlu redzunguijdx, bejn redzunsa'c. Nani rujn dzunsa'c ni'c najc Xi'n Dios. Chutis tej ni rujn redzunsa'c najc xpejṉ Dios. Chutis tej ni rujn redzunguijdx, di ni'c gumbee Dios.