San Lucas 23:42 - Zapotec Mitla

⁴² Dxejc räjpni loj Jesús: ―Bazalajzlu narä che guidzujṉlu lo xcäḻrnibeelu.

San Lucas 23:42 Iomraidhean Croise

San Lucas 12:8

Räjpzani: ―Rniä lojtu, guiraa rebejṉ nani rcäjp rililajzni xtidxä nez loj rebejṉ, narä Xi'n Dios ni gujc Niguii sicäpä najcni xpeṉä nez loj rexangl Dios.

San Lucas 18:13

Niluxh bejṉ ni rusquijx impuest, zijtru suga'ni, dini guiliäs lojni xhaguibaa. Catiälṉaatisni lastooni, caniini lo Dios, räjpni: “Dad, Dios, ¡balaslajz narä, nacä te beṉdojḻ!”

San Lucas 23:41

Per nuurnu cayajcnu castiigw ni riäjḻ gacnu te guidiixnu redojḻ ni biennu. Luxh laani xhet dojḻdi bejnni.

San Lucas 23:43

Dxejc badzu' Jesús diidxre, räjpni lojni: ―Rniliä́pac lojlu, lagajc nadxej chunäjlu narä xhaguibaa.

San Lucas 24:26

¿La di nungäjḻ tedxgaa Crist retrabajwduxhre dxejcti jiu'ni lo xcäḻrdimbicha' Dios, ä?

San Juan 1:49

Badzu' Natanael diidxre, räjpni: ―Mastr, luj najc Xi'n Dios, luj najc Reii xten rexpeṉ Israel.

San Juan 20:28

Dxejcti räjp Tomás lojni: ―¡Xtadä, Xtioozä!

Hechos 16:31

Räjp Pabl näjza Silas lo guixhajg: ―Huililajztis xtidx Dios xcuent Jesucrist, luj näjza guiraa reni yu' rolijzlu, te gusḻaa Diostu lo dojḻ.

Hechos 20:21

Basule'ä xtidx Dios lo rexpejṉ Israel näjza lo rebeṉzijt ni di gac xpejṉ Israel. Räpä lojreni nanab gusiechlajzreni, gusa'nreni xtojḻreni, nanab chalilajzreni xtidx Jesucrist te gudzucaj Dios xtojḻreni.

1 Pedro 1:11

te rlajzreni gacbeereni chu bejṉ o gucpac gac nani cagusä't Sprit xten Crist ni yu' neṉ lastooreni che gunixgaani xho nungäjḻ ted Jesucrist trabajw, dxejcru xcasacni yäḻrnibee.

1 Juan 5:1

Chutis ni rililajz Jesús najc Crist nani baxhaḻ Dios, ni'c najc Xi'n Dios. Palga rinälaaznu Xtadnu Dios, sigajcza sinälaaznu renani najc Xi'n Dios.