San Lucas 23:41 - Zapotec Mitla

⁴¹ Per nuurnu cayajcnu castiigw ni riäjḻ gacnu te guidiixnu redojḻ ni biennu. Luxh laani xhet dojḻdi bejnni.

San Lucas 23:41 Iomraidhean Croise

San Mateo 27:19

Laḻ ni sobga' Pila't lo yajgxhiil cadro rujnni yäḻguxhtis, baxhaḻ chäälni diidx lojni, räjpni: ―Xhet gundilu dade'ga ni xhet bejndi, sa'csi nuchej nadxuudx gunixcaḻä xcuentni.

San Mateo 27:24

Che bahuii Pila't xlia'si caniini, alga gusloj rebejṉ cayujn te bieiduxh, cua'ni nis, gudiibni ṉaani nez lojreni, räjpni: ―Dina xcaquiä xtiejn bejṉre ni xhet bejndi. La'tu coḻhuii xho guntu. Xcuenttitu najcni.

San Mateo 27:4

Räjpni: ―Banitduxhä lo Dios sa'csi bato'ä te bejṉ ni xhet bejndi. Dxejc räjpreni lojni: ―Xhixh gunnu. Ni'c najc xcuentlu; lujti najn.

San Mateo 27:54

Dxejc capitán xten resoldaad näjza resoldaad ni canäj Jesús, che bahuiireni xuduxh näjza guiraa recos ni gujc ro'c, bidxejbreni, räjpreni: ―Guliipacni najc dade're Xi'n Dios.

San Lucas 23:40

Per beṉguijdx ni najl lo crujz stelaadga gudidxa'ni loj stee beṉguijdx ni caniyaj Crist, räjpni: ―¿La dilu guidxejb Dios? ¡Ni cayajczalu tejsi castiigw!

San Lucas 23:42

Dxejc räjpni loj Jesús: ―Bazalajzlu narä che guidzujṉlu lo xcäḻrnibeelu.

1 Tesalonicenses 2:10

Lagajc la'tu nancheetu, sigajc nanchee Dios, laaca biennu che guyu'nu lojtu: gujcnu bejṉ ni raṉduxh Dios, gujcnu beṉdxojṉ, gujcnu beṉsa'c.

Santiago 4:7

Coḻjiu'pac lo xnezyuj Dios. Coḻsudzu'tzpac te di guntu ni rlajz beṉdxab, te guxuṉni lojtu.

1 Pedro 1:19

badeedni rejn ni sacduxh te basḻaani la'tu loj xtojḻtu. Rejn si'c xtiejn te xiil ni naya, xhetpac najcdini, xtiejn lagajc Jesucrist.

1 Pedro 2:23

Che guniyajreni lojni, dini nudzu' yäḻrniyajga. Che cadejdni trabajw, dini nudzu' diidx niluxh bateedni lagajc laani ladzṉaa Dios ni rujn yäḻguxhtissa'c.