San Lucas 23:2 - Zapotec Mitla

² Ro'c guslojreni cabe'creni xquejni, räjpreni: ―Bidxälnu bejṉre cayujnni biejy lo rexpejṉnu. Räjpzani xhet nanabdi quiixnu impuest lo ṟeii César. Caniizani laani najcni Crist, nalajznu najczani ṟeii.

San Lucas 23:2 Iomraidhean Croise

San Mateo 17:27

Luxh te di guidxe'chreni, huij ro' nisdoo, bacuaa ansuel, gulää bäjl ni guiniazxgaalu. Ro' bäjlga sidxällu te melpla't ni sajl te chatijxlu impuest xcuentä näjza xcuentlu.

San Mateo 22:21

Dxejc räjpreni: ―Loj César. Dxejc räjp Jesús lojreni: ―Coḻgudeed lo César ni riäjl xca' César, coḻgudeedza lo Dios ni riäjl xca' Dios.

San Mateo 27:11

Bidzuṉnäjreni Jesús loj Pila't ni najc gubernadoor. Dxejc gunabdiidxni, räjpni lo Jesús: ―¿La luj najc ṟeii xten rexpejṉ Israel, ä? Räjp Jesús lojni: ―Najcni si'cni najlu.

San Marcos 12:17

Dxejc räjp Jesús lojreni: ―Coḻdeed nani najc xten César loj César; coḻdeedza nani najc xten Dios loj Dios. Baschelojni rebejṉga con xtiidxni.

San Marcos 15:2

Dxejc gunabdiidx Pila't loj Jesús räjpni: ―¿La luj ni najc ṟeii xten rexpejṉ Israel, ä? Räjp Jesús lojni: ―Si'cni guniilu, si'c najcni.

San Lucas 23:14

Dxejc räjpni lojreni: ―La'tu biädnätu bejṉre loä, najtu caguquiḻni rebejṉ gunreni biejy, luxh narä agunabdiidxä guiraloj lojni nez lojtu, luxh abahuiitu dina nidxälä nicla tej dojḻ ni cagucuaquijtuni.

San Lucas 23:5

Niluxh laareni sanuutis caniireni, dipru caniireni, räjpreni: ―Guiraa rebeṉ Judea cayu' yärsia' xcuent xcäḻruluiini. Guslojni guedx Galilee, luxh reeli sanuu caguluiinini.

San Juan 18:29

Ni'cni birii Pila't lojreni räjpni lojreni: ―¿Xhi yäḻquij xten niguiire siädle'ctu loä?

San Juan 18:30

Dxejcti räjpreni lojni: ―Paru di niguiire niajc te beṉ latsiaj, dinu niopnäni ladzṉaa guejblu.

San Juan 19:12

Ni'cni gudiil Pila't xho nusḻaani Jesús, niluxh rexpejṉ Israel rbedxaduxhrureni, räjpreni: ―Palga luj gusḻaaluni, dilu gac xamiigw ṟeii César, sa'csi chutis ni rnii najcni ṟeii, najcni xcontraar César.

Hechos 24:13

Agule'creni quej xtenä lo guejblu, niluxh nicla tej redzuunga dina niunä. Di gacdi guluipacreni lo guejblu gulii najc xtiidxreni.

Hechos 24:5

Agucbeenu xho najc niguiire. Beṉguidxduxhni. Cadrotis ṟijni rujnni biejy lo rexpejṉ Israel. Laani rnibee te cuaa ni laa nasareṉ, nalajznu rebejṉ nani rililajz xtidx Jesucrist ni biääd guedx Nasare't.

Romanos 13:7

Coḻgudeed lo guiraa bejṉ nani riäjl xca'reni. Coḻquiix loj renani nazääbtu; coḻquijx impuest loj ni riäjl xca'ni; coḻchanälajz renani riäjl chanälajztu; coḻguiliä'p xpala'n renani riäjl chä'p xpala'reni.