San Lucas 21:7 - Zapotec Mitla

⁷ Dxejc gunabdiidx rexpejṉpacni lojni, räjpreni: ―Dad, Mastr, ¿guc gacni? ¿Xhi seen chu che gac recosga?

San Lucas 21:7 Iomraidhean Croise

San Mateo 24:3

Dxejcti huijreni yejc te dajn ni laa Oliib. Che gurej Jesús ro'c, biääd rexpejṉpacni lojni te xhiga'tz gunabdiidxreni lojni: ―Rlaaznu guiniilu loonu guc gac guiraa recosre. ¿Xhi seen guluiloj ameer jiäädlu näjza che ameer nitloj guedxliuj?

San Marcos 13:14

’Che fiitu loj nani najc yäḻrdxechlajz, nani najc yäḻrunitloj, nani gunii Daniel ni gunii xtidx Dios. Che fiitu nani suga' cadro di nunyäjḻ suuni, dxejcti suguxuṉ renani yu' nez Judea chääreni nez neṉ redajn. (Nani goḻ guijtzre sugacbeenini.)

San Lucas 21:32

’Rniliä́pac lojtu, guiraa recosre sajc ansde guet rebejṉ ni yu' ṉaj.

San Lucas 21:6

―Sidzujṉ dxej sibijḻ guiralii ni cahuiitu, nicla tej guij di jia'n yejc sa'ni, guiragajcni sibijḻ.

San Lucas 21:8

Räjp Jesús lojreni: ―¡Coḻsusiṉ te na'c gusgueereni la'tu! Sa'csi xhidajl reni jiääd sinii: “Narä nacä Crist”, o “Asiädgajxh redxej che jiäädni”, per na'c chalilajztu xtiidxreni, na'cza chanajltureni.