San Lucas 18:14 - Zapotec Mitla

¹⁴ Rniliä́pac lojtu, ni rusquijx impuest rbaali lajzni gubi'ni rolijzni sa'csi badzucaj Dios rextojḻni, niluxh di Dios nudzucaj rextojḻ beṉ farisee. Sa'csi guiraa rebejṉ ni rlajz guiliä'p lagajc xpala'nni, susanxtiujy Diosreni, dxejc reni di rlajz guiliä'p lagajc xpala'nreni, siliä'p Dios xpala'nreni.

San Lucas 18:14 Iomraidhean Croise

San Mateo 23:12

Sa'csi chutis ni rchaloni najcni beṉro lo sa'ni, ni'c sustuiyä lojni, chutis ni najc nadolajz loj Dios, ni'c sunäni beṉro lo sa'ni.

San Mateo 5:3

―Sibaalajz rebejṉ nani nanchee rquinduxhreni xcäḻracnäj Dios, sa'csi laareni nungäjḻreni xcäḻrnibee Dios.

San Lucas 1:52

Abasajbni reni rnibee, per rebeṉnadolajz bejnni gacreni beṉro.

San Lucas 10:29

Per mastr xten leii, rlajzni nidedbiani ni'cni gunabdiidxni loj Jesús räjpni: ―¿Chuni'c najc resa'ä?

San Lucas 14:11

Sa'csi ni rlajz chä'p xpala'nni nez loj rebejṉ, sianxtujyni nez lojreni. Luxh bejṉ ni najc nadolajz, sä'p xpala'nni nez loj guiraa rebejṉ.

San Lucas 16:15

Dxejcti räjp Jesús lojreni: ―La'tu najctu bejṉ ni ruhuii rebejṉ lojtu, naareni beṉsacduxhtu, niluxh acanajn Dios xhi xhigab rujntu neṉ lastootu. Sa'csi guiraa ni rchalojtu najc yäḻnasacduxh, guiraa ni'c rbixhlajz Diosni.

Romanos 3:20

Sa'csi mase gusoob bejṉ guira'ti diidx ni caj lo leii, di leiiga gudzucaj xtojḻ bejṉga, sa'csi leiiga najc nani guluii dojḻ ni yu' neṉ lastooni.

Romanos 4:5

Luxh nani rililajztis xtidx Dios ni rusḻaa bejṉ lo dojḻ, lacuaa naani yu' xhi dzuun sajc gunni te guibicaj xtojḻni, bejṉga najc te beṉnaya nez loj Dios, sa'csi huililajzni xtiidxni.

Romanos 5:1

Ni'cni che rililajznu xtidx Dios rudzucaj Jesucrist xtojḻnu rajcnu beṉnaya nez loj Dios, ni'cni ruscuecdxini lajznu.

Romanos 8:33

¿Chuni'c sajc cue'c xhi xcäḻquij reni agule Dios nez lo Dios, ä? Ni lagajc Dios najc nani rnii najcnu beṉnaya nez lojni.

Gálatas 2:16

Anadonnu rut chu tejti bejṉ sajc guibicaj xtojḻni che gunni si'cni caj lo leii, sa'csi nanab chalilajznu xtidx Jesucrist. Ni'cni biolilaaznu xtidx Jesucrist te jia xtojḻnu sa'csi rililajznu, xhet sa'csi riennu si'cni caj loj leii. Di gacdi jia xtojḻ bejṉ xcuent yäḻrusoob xleii toMoisés.

Santiago 4:10

Coḻyajc si'c bejṉ ni xhetliidi sajc nez loj Dad Jesucrist, te laani guiliäsni la'tu gunni la'tu beṉro.

Santiago 4:6

Niluxh runiidxru Dios xcäḻracnäjni loonu. Ni'cni rnii xtiidxni scree: “Dios rdxechnäj renani runnaro lagajc laareni, niluxh rudeedruni xcäḻracnäjni lo rebeṉnadolajz.”