San Lucas 17:1 - Zapotec Mitla

¹ Räjp Jesús loj rexpejṉpacni: ―Siäädpac recos ni gun jiajb bejṉ lo dojḻ. Proobza bejṉ ni rujn riajb bejṉ lo dojḻ.

San Lucas 17:1 Iomraidhean Croise

San Mateo 16:23

Dxejc gubiré Jesús, räjpni lo Pedr: ―¡Gubicaj loä beṉdxab! Na'c rusiejytislu loä. Luj dilu gun xhigab xten Dios, alga xhigab xten rebeṉguedxliuj rujnlu.

San Mateo 18:7

Proobza guedxliuj sa'csi yuduxh xhigabguijdx lojni. Sa'csi nanabpac chu xhigabguijdx. Gunatiro, bejṉ ni ruzobloj rexhigabguijdxre, ni rujn riajbza lo dojḻ reni rililajz xtidxä, ni najc si'c biuxe're.

San Lucas 16:31

Dxejc räjp Abram lojni: “Palga direni gusobdiajg xtidx toMoisés näjza xtidx redade' ni gunii xtidx Dios, dizareni chalilajz xtidx te bejṉ ni guibaṉsac loj rebeṉgut.”

Romanos 14:13

Ni'cni na'cru cubeenu sa'nu. Maazru hueen jiennu xhigab neṉ lastoonu xhetliidi jiennu ni gun jiajb resa'nu lo dojḻ.

Romanos 16:17

Rebetzä, rniabduxhä lojtu ga'ptu cuidaad xcuent renani rujn biejy te guilia' sa' bejṉ, nani rlajz guntu guiraloj nani najc garenca loj yäḻruluii ni bisieedtu, coḻguibicaj lojreni,

1 Corintios 10:32

Na'c guche'chtu nicla rexpejṉ Israel niclaza rebeṉzijt, niclaza rexpejṉ xquidoo Dios.

1 Corintios 11:19

Pet naatu nanab guntu si'c te gacbeetu chureni'c sanälajzpac Dios, chureni'c sajcru lo xtzuun Dios.

1 Corintios 8:13

Ni'cni, palga narä runä riabsac betzä lo dojḻ xcuent ni rauä, hueenru dirunä gauä yäḻrajw ni gun jiajb betzä lo dojḻ stehuält.

1 Timoteo 4:1

Aguniipac Sprit Dxan siääd redxej che chu reni guṟo'n yäḻrililajz, sucuadiajgreni xtidx rebejṉ ni rusguee näj xtidx rebeṉdxab,

Apocalipsis 2:14

Niluxh yu' tiop-choṉ xtojḻtu. Lojtu nadxaag gaii bejṉ ni rujn si'c bejṉ toBalaam agujc xchero. Laani baseedni Balac xho gunni te jiajb rexpejṉ Israel neṉ dojḻ, baseednireni gaureni recos ni gurej lo dxan nez loj rebanäjb, baseedzani rexpejṉ Israel guesnäjreni chutis gunaa.

Apocalipsis 2:20

Niluxh yu' xhicuent rdxe'chä lojtu. Rcäjbtu riu'tu loj te gunaa ni laa Jezabel. Laani rniisini najcni te profe't, gunaa ni rnii xtidx Dios, rusgueetisni bejṉ. Luxh xcäḻruseedni cagusgueeni rexpeṉä nani ahuililajz xtidxä, te ṉaj rujnreni cosguijdx, si'c yäḻresnäj ni di gac chäälni, rajwzareni nani gurej lo dxan xten rebanäjb.