San Lucas 14:17 - Zapotec Mitla

¹⁷ Che bidzujṉ oṟ ni gaureni, baxhaḻ dade'ga te xmosni chatejdxni rebejṉ ni abidoṉ, räjpni lojreni: “Coḻchäj, asuchee lo mex.”

San Lucas 14:17 Iomraidhean Croise

San Lucas 14:16

Dxejc räjp Jesús lojni: ―Guyu' te dade' ni bejn te laniro rolijzni. Gunibeeni bidoṉ xhidajl bejṉ te jiädtaunäjrenini.

San Lucas 14:18

Dxejc guiragajcreni gusloj cayäjb di gacdi chääreni. Tejni räjp: “Entis gusiä te la' yuj, luxh ṉaj nanab chahuiä xho najcni. Goslaa di gacdi jiäḻä.”

San Juan 7:37

Lult dxe lanij, ni najc dxero, gusulii Jesús dipduxh guniini, räjpni: ―Palga yu' chu cayojḻ, sujiäädni loä te yäni.

Hechos 13:26

Räjpza Pabl: ―Rniä lojtu sa'ä, rexagdoo toAbram, näjza lo chutis ni rajṉ Dios, loonu baxhaḻ Dios xtiidxni ni rusule' xho rudzucaj Jesucrist xtojḻnu, xho rusḻaani nuunu lo dojḻ.

2 Corintios 5:18

Guiraa dee siääd lo Dios, nani basiäjḻ lajzni xcuent Jesucrist, dxejcti baniidxni loonu rediidx xcuent xcäḻrusiäjḻ lajzni te gusule'nu rediidxga,