San Juan 5:13 - Zapotec Mitla

¹³ Dxejcti beṉ racxhuu ni biajcga dini gaan, sa'csi gunitloj Jesús, biriini ro'c laḻ ni tre' xhidajl bejṉ lajtga.

San Juan 5:13 Iomraidhean Croise

San Lucas 24:31

Lagajc dxejc, baxhal Dios balojreni, biembeereni Jesús, dxejc laani gunitlojni lojreni.

San Lucas 4:30

Dxejc Jesús sigaj gudejdni galäiireni, sä'tini ste'ca lajt.

San Juan 14:9

Dxejcti räjp Jesús lojni: ―Felipe, ¿la gajdlu gumbee narä, luxh lacti xchej yu'ä lojtu, ä? Nani ruhuii loä, abahuiini lo Xtadä. ¿Xhicuent rniablu fiilu lo Xtadä, ä?

San Juan 5:12

Dxejc gunabdiidxreni lojni: ―¿Chuni'c naj lojlu “Guläs xta'lu, gusaj”?

San Juan 5:14

Che bidxaagni Jesús stehuält neṉ guidoro, räjp Jesús lojni: ―Ahuii, ṉaj ni abiajclu, na'c gunlu dojḻ stehuält, didi sajclu xhi stee ni najc cuentroru.

San Juan 8:59

Dxejcti cua'reni guij te nucuaareni yejc Jesús, per di Jesús niga', biriini neṉ guidoro, gudejdni galäiireni. Sä'tini.