San Juan 4:34 - Zapotec Mitla

³⁴ Räjp Jesús: ―Yäḻrajw xtenä najc gunä si'cni rlajz nani baxhaḻ narä, näj guluxä xtzuunni.

San Juan 4:34 Iomraidhean Croise

San Mateo 26:39

Dxejc guzaj Jesús stla', guzuxhijbni dxejc basajb lojni lo yujli, gusloj cabedx-canabni lo Dios: ―Xtadä, palga sajcni, basanlaa tedcaj trabajwduxhre ni tedä, te na'c tedäni. Xhet si'cdi ni rlazä gacni; si'cpacni rlajzlu gac, si'c gacni.

San Mateo 3:15

Dxejc räjp Jesús lojni: ―Basaan gacni si'c ṉaj, sa'csi nanab gusoobnu guiraa ni rlajz Dios gac. Dxejctiru batiobnis Juan Jesús.

San Mateo 9:19

Dxejcti huisu Jesús, sanäni Jairo. Näj rexpejṉpacni sanajlrenini.

San Lucas 15:10

Rniäza lojtu, sigajcza sibalajz rexangl Dios xhaguibaa xcuent te beṉdojḻ ni rusiechlajzni.

San Lucas 19:10

Pues Xi'n Dios ni gujc Niguii biädtiil rebeṉdojḻ te gusḻaani rebejṉga ni gunijt neṉ dojḻ.

San Lucas 2:49

Dxejcti räjp Jesús lojreni: ―¿Xhicuent caguiiltu narä? ¿La ditu gan riäjḻ gunä xtzun Xtadä, ä?

San Juan 17:4

’Narä gulä'pä xpala'nlu lo guedxliujre, abaluxä dzuun nani baniidxlu gunä ree.

San Juan 19:28

Ni'cni, sa'csi najn Jesús alagujc guiraa recos ni nanab gac te soob rextidx Dios, räjpni: ―Cayoḻä nis.

San Juan 19:30

Che gulujx gu' Jesús vinagrga, räjpni: ―Agulujxni. Dxejcti basajb yejcni, basḻaani xaimni.

San Juan 4:32

Laani räjpni: ―Narä rapä xhi gauä nani ditu gumbee.

San Juan 5:30

’Xhet rajcdi runä lagajcsi narä. Sigajc ni riejn diagä, sigajcza runä yäḻguxhtis. Luxh yäḻguxhtis ni runä laaca najcni sa'csi dina quilä gunä nani rlazätis, rguilätis gunä si'c ni rlajz Dad nani baxhaḻ narä.

San Juan 5:36

Luxh narä rapä xhi ruluilojru chu nacä lo diidx ni gunii Juan; sa'csi lagajc dzuun nani baniidx Xtadä gunä, lagajc redzuun ni runä, huenliisi ruluilojreni Xtadä Dios baxhaḻ narä.

San Juan 6:33

Sa'csi yätxtiil xten Dios najc bejṉ ni siääd xhaguibaa, niluxh laani rudeedni yäḻnabajṉ par tejpas loj rebeṉ guedxliuj.

San Juan 6:38

Sa'csi narä siälä xhaguibaali te gunä si'c ni rlajz Xtadä, xhet si'cdi ni rlazädi.

San Juan 8:29

Nani baxhaḻ narä suganäjni narä. Gajd Dad gusanxteb narä, sa'csi runätis ganax redzuun nani rchaglajzni.

Hechos 20:35

Si'c benä te filojtu xho guntu dzuun te gacnäjtu sa'tu ni xhet rajpdi, te guinaj lajztu xtidx Jesucrist che najni: “Huenru guideednu lo bejṉ quela xcaxlia'nu xhi cos” ―räjpni.

Hebreos 12:2

Do'o guihuidzu'tz nez loj Dad Jesucrist nani guläxtiej, nani guluuxza xcäḻrililajznu. Jesucrist gudejd trabajw lo crujz, dini nitujy gujtni lo sa' yäḻgujtga, sa'csi najnni cheni agudejdni trabajw, sica'ni yäḻrbalajz; ṉaj agurejni xladbee Dios cadro rnibeeni.