30 Dxejc birii rebejṉguejdxga, bidzujṉtireni lojni.
Ni'cni reni biääd lult sajcreni tebloj con reni biääd ganid, luxh reni biääd ganid sajcreni tebloj con reni biääd lult.
―Coḻtaa, fiitu te niguii ni gunii loä guira'ti nani abenä. ¿La et laadi dee Crist ni cabääznu jiääd, ä?
Reni najc rexpejṉpacni canabduxhreni gau Jesús, räjpreni: ―Mastr, gudajw.
Xhidajl rebeṉ Samaria huililajz xtidx Jesús xcuent rediidx ni räjp gunaaga lojreni che räjpni: “Guniini loä guiralii nani abenä.”
Dxejc baxhaḻä chu biädxiilu. Xquixtiostelu biäädlu. N̲aj anadxagsa'nu ree nez loj Dios te jiejn diajgnu rextidx Dios ni baniidxni lojlu guiniilu loonu.
Gulujxti xtidx Pabl, biunejz rebejṉ. Che birinäj Pabl Bernabé biädnii rebejṉre lojreni, räjpreni: ―Jiädsactu ste xmaan te gusule'rutu rediidxre loonu.
Räjp Pabl lojreni: ―Coḻgacbee. N̲ajli sisiule' xtidx Dios lo rebeṉzijt ni di gac xpejṉ Israel te gusiejch lajzreni, te gudzucaj Dios xtojḻreni. Rniliä́pac lojtu, sililajzreni rextidx Dios.
Ni'cni badeed Dios xleii toMoisés, te guzeṉru dojḻ. Niluxh cadro guyuduxh dojḻ, ro'c nanabza chuduxhru xcäḻrulaslazduxh Dios,
