San Juan 4:10 - Zapotec Mitla

¹⁰ Räjp Jesús lojni: ―Paru najnlu xhini'c najc yäḻrulaslajz xten Dios, paru numbeelu chuni'c canab nis lojlu, luj siniablu lojni te laani guniidxni nisnabajṉ lojlu.

San Juan 4:10 Iomraidhean Croise

San Lucas 11:13

Palga la'tu, ni najc beṉdojḻ, rajc rudeedtu cossa'c loj rexi'ntu, aticaxh Dios ni yu' xhaguibaa sudeedni Sprit Dxan xtenni loj renani rniabni lojni.

San Juan 16:3

Guiraa recosre sujnreni sa'csi direni gumbeepac Xtadä, niclaza narä.

San Juan 17:3

Redee rajp yäḻnabajṉ par tejpas; numbeereni luj ni najc tejtis GuebDios, näjza narä Jesucrist nani baxhaḻlu lo guedxliujre.

San Juan 3:16

’Sa'csi huinälazduxh Dios rebejṉ guedxliuj, ni'cni badeedni biääd Xinxtebni lo guedxliuj, te guiraa renani chalilajz xtiidxni direni nit lo Dios, sa'csi sajpreni yäḻnabajṉ par tejpas.

San Juan 4:14

Luxh nani yä nis nani gudedä, diruni jiojḻ, sa'csi nis nani gudedä neṉ lastooni sajcni si'c te bisie nani rdatis nisni te gudeedni yäḻnabajṉ par tejpas.

San Juan 6:35

Dxejcti räjp Jesús lojreni: ―Narä nacä yätxtiil xten yäḻnabajṉ nani riäjḻ jiääd; chutis ni jiääd loä diruni guiliaan, niluxh chutis ni rililajz xtidxä diruni jiojḻ par tejpas.

San Juan 6:51

Narä nacä yätxtilbajṉ ni siääd xhaguibaa. Palga yu' chu gau yätxtiilre, sibajṉni par tejpas. Yätxtiil nani runidxä narä te xca' rebeṉ guedxliuj yäḻnabajṉ najc lagajc bältiexhä.

Hechos 9:11

Räjp Jesucrist lojni: ―Huistie te chäälu lo nezyuj ni laa Ladbee cad rbäjz Judas. Ro'c guiniabdiidxlu con te niguii ni laa Saulo, beṉ Tarso. Cabejdx, canabni loä ṉaj.

Romanos 8:32

Dios nani di nudxojn Xi'nni, nani cuäjb cuaj Xi'nni lo crujz te gujtni, te gudijxni xcuent xtojḻnu, ¿xho dini guniidx loonu xcuent Xi'nni guira'ti nani rquiinnu, ä?

1 Corintios 1:30

Lagajc Dios abachaag la'tu loj Dad Jesucrist; baxhaḻzani Jesucrist loonu te basanijni xcäriejnnu te ga'pnu yäḻnasiṉ xten Dios, te guibaṉsa'cnu nez loj Dios, te gacnaya lastoonu, näjza te quiixni rextojḻnu.

1 Corintios 10:4

Guiraazareni gu' nis ni badeed Dios, Dios bejn birii nisga cuä' te guilaj. Luxh Xprit Crist gusanäjreni cadrotis sääreni nez lo reyubidzroga. Luxh con xcäḻrnibeeni birii nis loj guilajga, Crist najc si'c guilaj ni huinäreni.

2 Corintios 9:15

¡Xquixtiosti Dios sa'csi baniidxni yäḻnasa'cduxhtej loonu!

Efesios 2:8

Sa'csi rulaslajz Dios nuure, ni'c basḻaani nuure neṉ dojḻ che huililajznu xtiidxni. Luxh et sa'csi yu' xhi biennu; dee najc nani banidx-xlia' Dios loonu.

Hebreos 6:4

Yu' bejṉ ni abianij xcäriejnni, ni acua' reyäḻnasa'c ni rudeed Dios, ni rbäjz Sprit Dxan xten Dios neṉ lastooreni,

1 Juan 5:20

Najnnu biääd Jesucrist Xi'n Dios lo guedxliuj. Baluiini nuunu rextidx Dios te jiembeenu Dios, nani najcpac Dios gulii. Nabaṉnäjnu Dios ni najc gulii, sa'csi nabaṉnäjnu Jesucrist. Laani najc Dios ni najc gulii. Caguniidxni loonu yäḻnabajṉ par tejpas.

Apocalipsis 21:6

Dxejcti najzani loä: ―Agujcni. Narä nacä A näjza Z, ni säloj nani rbaxtiej näjza nani ruluux. Lo chutis ni cayojl, sudedxlia'ä nis yäni, nalajznu yäḻnabajṉ par tejpas.

Apocalipsis 22:17

Sprit Dxan xten Dios näjza chääl Xiil canii, najreni: ―Coḻtaa. Suguiniiza nani riejn diajgreni diidxre, gäbreni: ―Coḻtaa. Sujiäädza chutis ni cayojḻ, sujiädyäxlia'ni nis yäḻnabajṉ par tejpas.

Apocalipsis 7:17

Sa'csi nani najc Xiil xten Dios ni sobga' galäii loj yagxhilro xten Dios, laani cayajpnireni si'c xilbäz, sinänireni cadro yu' nisya ni rudeed yäḻnabajṉ par tejpas. Suspijdz Dios nisbee balojreni, dirureni goon par tejpas.