San Juan 21:12 - Zapotec Mitla

¹² Dxejcti räjp Jesús lojreni: ―Coḻtaa te gauxharejntu. Nicla tej rexpejṉpacni dini niabdiidx lojni: “¿Chu luj?” sa'csi anajnreni laa Jesúsni.

San Juan 21:12 Iomraidhean Croise

San Mateo 22:46

Dxejc rut gujcdi badzu' nicla te diidx lojni, luxh dxejliga rutru gojpdi xhi diidx niniabdiidxrureni lojni.

San Marcos 9:32

Niluxh laareni direni niacbee xhini'c guniini, bidxejbzareni niniabdiidxreni lojni.

San Lucas 9:45

Niluxh di rexpejṉpacni niacbee xhi säloj rextiidxni, sa'csi Dios bacua'tznini lojreni te di niacbeerenini. Bidxejbzareni niniabdiidxreni loj Jesús xhi säloj rediidxga.

San Juan 16:19

Gucbee Jesús xhini'c rlajzreni guiniabdiidxreni lojni, dxejcti räjpni lojreni: ―Canabdiidx lo sa'tu xhi säloj nani guniä che guniä, sbale'si dxej, dxejc dirutu fii loä; dxejcru sbale'si dxej, suhuisactu loä.

San Juan 21:11

Dxejcti huij Simón Pedr, gulääni guijxhga, guidxani bälro. Guyu' si'cti te gayuu garol con choṉ bäjl neṉ guijxhga, niluxh dini niräsya' mase guyu' xhidalduxh bäjl neṉni.

San Juan 21:15

Che gulujx gudajwreni, räjp Jesús loj Simón Pedr: ―Simón xi'n Jonás, ¿la sanälajzrulu narä loj chu stee, ä? Räjpni lojni: ―O'n, Dad, luj najnlu sanälazä luj. Räjp Jesús lojni: ―Gojp rexilä'ä.

San Juan 4:27

Dxejc bidzujṉ rexpejṉpacni, bidxelojreni sa'csi gunii Jesús lo gunaaga, niluxh rut gunabdiidxdi xhi rlajzni, niclaza rut gunabdiidxdi xhini'c caninäjni gunaaga.

Hechos 10:41

Di Jesucrist nuluiloj loj chutis bejṉ. Lojtis renani agule Dios gutie'ch diidx gubaṉsac Jesucrist lo rebeṉgut, loj reni'c baluilojni. Nuure nadxagnu loj reni gule Dios. Bidaunänuni, bidunnäänuni che gubaṉsacni lo rebeṉgut.