San Juan 19:4 - Zapotec Mitla

⁴ Dxejcti birisac Pila't, räjpni lojreni: ―¡Coḻhuii! Acabää́ni nez lojtu, te gacbeetu dina guidxäl nicla tej xtojḻni.

San Juan 19:4 Iomraidhean Croise

San Mateo 27:19

Laḻ ni sobga' Pila't lo yajgxhiil cadro rujnni yäḻguxhtis, baxhaḻ chäälni diidx lojni, räjpni: ―Xhet gundilu dade'ga ni xhet bejndi, sa'csi nuchej nadxuudx gunixcaḻä xcuentni.

San Mateo 27:24

Che bahuii Pila't xlia'si caniini, alga gusloj rebejṉ cayujn te bieiduxh, cua'ni nis, gudiibni ṉaani nez lojreni, räjpni: ―Dina xcaquiä xtiejn bejṉre ni xhet bejndi. La'tu coḻhuii xho guntu. Xcuenttitu najcni.

San Mateo 27:4

Räjpni: ―Banitduxhä lo Dios sa'csi bato'ä te bejṉ ni xhet bejndi. Dxejc räjpreni lojni: ―Xhixh gunnu. Ni'c najc xcuentlu; lujti najn.

San Mateo 27:54

Dxejc capitán xten resoldaad näjza resoldaad ni canäj Jesús, che bahuiireni xuduxh näjza guiraa recos ni gujc ro'c, bidxejbreni, räjpreni: ―Guliipacni najc dade're Xi'n Dios.

San Lucas 23:4

Dxejc räjp Pila't loj reni rnibee loj rebixhojz näjza loj guiraa rebejṉ: ―Dina guidxälä nicla tej dojḻ xten bejṉre.

San Lucas 23:41

Per nuurnu cayajcnu castiigw ni riäjḻ gacnu te guidiixnu redojḻ ni biennu. Luxh laani xhet dojḻdi bejnni.

San Lucas 23:47

Che bahuii capitán ni rnibee loj resoldaad guiraa ni guzajc, gulä'pni xpala'n Dios, räjpni: ―Guliipacni, xhet dojḻdi bejn bejṉre.

San Juan 18:33

Ni'cni biusac Pila't neṉ Pretorio, gurejdxni Jesús räjpni lojni: ―¿La luj najclu ṟeii xten rexpejṉ Israel, ä?

San Juan 18:38

Räjp Pila't lojni: ―¿Xhini'c najc didxlii? Che guniini si'c gunisacni loj rexpejṉ Israel: ―Dina guidxälä nicla tej xtojḻ bejnre.

San Juan 19:6

Ni'cni, che bahuii rebixhojzro näjza rexquixhajgreni lojni, guredxa'reni, räjpreni: ―¡Coḻgucuaani lo crujz! ¡Coḻgucuaani lo crujz! Räjp Pila't lojreni: ―Lagajc la'tu coḻchanäni te gucuaatuni lo crujz. Per narä dina guidxälä nicla tej xtojḻni.

2 Corintios 5:21

Di Jesucrist niujn nicla tej dojḻ, niluxh sa'csi sanälajz Dios nuunu, xcuentnu bejn Dios gujc Jesucrist si'c te beṉdojḻ che gule'cni guiraa rextojḻ guedxliuj yejc Jesucrist che cuajni lo crujz. Si'c gujcni te sajc ga'pnu xcäḻnaya, xcäḻnasa'c Dios xcuent Jesucrist.

Hebreos 7:26

Jesucrist najc bixhojzro nani rquiinnu. Laani najc dxan, dini niujn dojḻ, agubicajni lo rebeṉ-dojḻ, huäjszani jiaaru xhaguibaa.

1 Pedro 1:19

badeedni rejn ni sacduxh te basḻaani la'tu loj xtojḻtu. Rejn si'c xtiejn te xiil ni naya, xhetpac najcdini, xtiejn lagajc Jesucrist.

1 Pedro 2:22

Laani dini niujn nicla tej dojḻ, laani dini nusguee nicla tej bejṉ con didx-xhii.

1 Pedro 3:18

Sa'csi sigajcza tejtis gujt Jesucrist xcuent rextojḻnu. Xhetliidi xtojḻni guyu' nez loj Dios, niluxh gudejdni trabajwduxh xcuent rebeṉdojḻ. Bejnni si'c te gac guibignu lo Dios sa'csi gujt tiejxh Jesucrist, luxh guyusac sprit xtenni lo tiejxhni te gubaṉsacni.

1 Juan 3:5

Racbeenu Jesucrist biääd lo guedxliuj, gujcni niguii te gujc badzucajni rextojḻnu. Laani dini niujn dojḻ.