San Juan 18:4 - Zapotec Mitla

⁴ Ni'cni Jesús, sa'csi ananxgaani xhini'c sacni, gubigni lojreni, räjpni lojreni: ―¿Chu rguiiltu?

San Juan 18:4 Iomraidhean Croise

San Mateo 16:21

Lagajc dxejc gusloj cagusule' Jesús diidx lo rexpejṉpacni, guniini lojreni xho nanabpac chääni guedx Jerusalén te ro'c tedni trabajwduxh ladzṉaa rebeṉgool xten guidoo, ladzṉaa rebixhojz, näjza rebejṉ ni najn xleii Moisés. Guniizani sugu'trenini, niluxh ni riojṉ dxej sibaṉsacni lo rebeṉgut.

San Mateo 26:2

―Anajntu stio'p dxejtis cayäädx gac lanij ni laa pascw. Luxh suteedreni narä, Xi'n Niguii ladzṉaa reni gucuaa narä lo crujz.

San Mateo 26:21

Laḻ ni cayajwreni räjpni lojreni: ―Rniliä́ lojtu, yu' tejtu ni guto' narä.

San Mateo 26:31

Dxejc räjp Jesús lojreni: ―Guiragajctu sactio'p lajztu xcuentä, susa'ntu narä naguxhijṉ sa'csi lo reguijtz xten Dios caj scree: “Sugu'treni baxtoor dxejc sire'ch rexiil.”

San Lucas 24:44

Dxejc räjpni lojreni: ―Dee najc xtidxä ni rniä lojtu cheni yusicä lojtu, rniä riäjḻ soob guiraa rediidx xcuentä ni caj lo xleii Moisés, näjza lo rexquijtz redade' ni gunii xtidx Dios näjza ni caj lo rexquitz Salmos.

San Juan 13:1

Che gajd gaḻ dxe lanij ni laa pascw, najn Jesús asiäddzuṉgajxh xoṟni, oṟ ni jiunejzni lo guedxliujre te chääni lo Xtadni. Luxh sa'csi agajc sanälajzni rexpejṉpacni nani yu' lo guedxliujre, sinälajzzanireni par tejpas.

San Juan 13:11

Sa'csi anajnni chu guto'ni, ni'cni guniini: “Xhet guiraaditu naya.”

San Juan 18:5

Räjpreni lojni: ―Jesús nani siääd guedx Nazare't. Räjp Jesús lojreni: ―Laa naräni. Näjza Judas ni bato'ni suganäjnireni.

San Juan 18:7

Dxejcti gunabdidxsac Jesús lojreni: ―¿Chu rguiiltu? Dxejc räjpzareni stehuält: ―Jesús nani siääd guedx Nazare't.

San Juan 19:28

Ni'cni, sa'csi najn Jesús alagujc guiraa recos ni nanab gac te soob rextidx Dios, räjpni: ―Cayoḻä nis.

San Juan 6:64

Luxh laḻtis yu' lojtu reni di chalilajz. Sa'csi Jesús nancheeni galooli chu reni'c di chalilajz, anajnzani chuni'c guto'ni, guteedni laani ladzṉaa rebeṉ dojḻ.

Hechos 2:28

Abaluiilu loä xho guibaṉä par tejpas. Sibalazduxhä sa'csi guibaṉnää́ luj, si'c räjp David xcuent Jesucrist.

1 Pedro 4:1

Ni'cni sa'csi agudejd Jesucrist trabajw cuajni lo crujz xcuentnu, sigajcza la'tu riäjḻ guntu xhigab sidejdtu trabajw lo guedxliujre sa'csi nani agudejd trabajw, diruni gun dojḻ,