San Juan 18:37 - Zapotec Mitla

³⁷ Ni'cni räjp Pila't lojni: ―¿R̲eii najclu, ä? Räjp Jesús lojni: ―Laaca najlu nacä ṟeii. Par ni'cpac golä, par ni'cpacza biäḻä lo guedxliujre, partis gusule'ä didxliipac. Guiraa renani najn didxlii, reni'c rucuadiajgreni xtidxä.

San Juan 18:37 Iomraidhean Croise

San Mateo 26:64

Jesús räjp lojni: ―Lagajc guejblu naj si'c. Niluxh empac rniä lojtu, desde ṉajli suhuiitu cueä narä Xi'n Dios ni gujc Niguii xladbee Dios ni rnibee, suhuiizatu jiälä lo reza ni tre' xhaguibaa.

San Mateo 27:11

Bidzuṉnäjreni Jesús loj Pila't ni najc gubernadoor. Dxejc gunabdiidxni, räjpni lo Jesús: ―¿La luj najc ṟeii xten rexpejṉ Israel, ä? Räjp Jesús lojni: ―Najcni si'cni najlu.

San Marcos 14:62

Dxejcti räjp Jesús lojni: ―Naräni. Suhuiitu loä, Xi'n Dios nani gujc Niguii, sobga'ä xladbee Dios ni rnibee, siäläza neṉ reza ni tre' xhaguibaa.

San Marcos 15:2

Dxejc gunabdiidx Pila't loj Jesús räjpni: ―¿La luj ni najc ṟeii xten rexpejṉ Israel, ä? Räjp Jesús lojni: ―Si'cni guniilu, si'c najcni.

San Lucas 22:70

Dxejc gunabdiidx guiraareni lojni, räjpreni: ―Mbaj pues, ¿la luj najclu Xi'n Dios, ä? Dxejc badzu' Jesús diidxre lojreni räjpni: ―Nacäni, si'cni najtu la'tu.

San Lucas 23:3

Dxejc gunabdiidx Pila't lojni, räjpni: ―¿La luj ni najc ṟeii xten rexpejṉ Israel, ä? Sas badzu' Jesús diidxre räjpni: ―Najcni lagajc si'c ni guniilu.

San Juan 1:14

Diidxga gujc te beṉ guedxliuj. Guläjzni lo guedxliujre, bahuilojzanu xcäḻrdimbicha'ni, si'c yäḻrdimbicha' xten xingan xteb xtadni, laani najcpacni nani sanälajz nuurnu, nani rnii didxlii loonu.

San Juan 1:17

Leii xten Dios biädnä toMoisés, niluxh yäḻracnäj näjza redidxlii biädnä Jesucrist.

San Juan 14:6

Räjp Jesús lojni: ―Narä nacä nezyuj. Narä nacä didxliipac, nacäza yäḻnabajṉ. Por narätis sajc chää bejṉ cadro rbäjz Xtadä.

San Juan 3:32

Nani bahuiini, nani biejn diajgni, ni'c rusule'ni niluxh guxii rililajzreni xtiidxni.

San Juan 7:17

Palga yu' chu rlajz gun nani rlajz Dios, sacbeeni la xten Dios najc reyäḻruluii xtenä, o la lagajcsi narä rbää́ diidx ni caguluiä.

San Juan 8:14

Badzu' Jesús diidxre, räjpni lojreni: ―Masque lagajc narä rniä diidx xcuentä, sajc xtidxä, guliipacni, sa'csi ananä caro siälä, ananäza caro cha'ä. Niluxh la'tu ditu gan caro siälä, niclaza caro cha'ä.

San Juan 8:45

Niluxh narä rniä didxlii, ni'c ditu chalilajz xtidxä.

San Juan 8:46

¿Chu tejtu sajc guluii te dojḻ ni benä? Narä rniä didxlii. ¿Xhicuent ditu chalilajz xtidxä, ä?

San Juan 8:47

Nani najc xpejṉ Dios, ni'c rucuadiajg xtidx Dios. Sa'csi la'tu ditu gac xpejṉ Dios, ni'cni ditu gucuadiajg xtidxä.

1 Timoteo 6:13

N̲aj rulidxälu nez loj Dios ni rudeed yäḻnabajṉ lo guiraa ni yu' lo guedxliujre, näjza nez loj Jesucrist, ni basule' xtiidxni nez lo Poncio Pila't,

1 Pedro 1:22

N̲aj sa'csi abasoobtu xtidxliini, te si'c abasiatu lastootu te gac chanälajztu sa'tu, ṉaj guideb lastootu coḻchanälajzpac sa'tu.

1 Juan 2:21

Et sa'csi ditu gan xhi diidx najc didx gulii bacuaä rediidxga lojtu. Sa'csi najntu xhi diidx najc didx guliipac, ni'c bacuaäni, te gutijp lajztu. Palga rucuaä rediidx ni najc gulii, anajntu dina gusgueä la'tu.

1 Juan 3:14

Racbeenu dirunu sa lo xnezyuj yäḻgujt, sa'csi dinu guidxechlajz loj resa'nu. Rajpnu yäḻnabajṉ par tejpas sa'csi rionälaaznu resa'nu. Chutis tej ni di chanälajz resa'reni canzaj lo xnezyuj yäḻgujt, sa'csi rdxechlajzreni lo sa'reni.

1 Juan 3:19

Palga rionälaaznu resa'nu, nancheenu najcnu rexi'n Dios. Palga jiajbnu xhigab dinu gac beṉsa'c, dizanu gac xi'n Dios, nanab jiunu rextiidxtis Dios, na'c jiunu rexhigabnu. Dios najn rexhigabga. Niluxh Dios anaj: renani rinälaaz resa'reni, reni'c najc rexi'nni.

1 Juan 4:6

Nuunu najcnu xi'n Dios. Rebejṉ nani riembee Dios riu xtiidxnu. Rebejṉ nani di gac xi'n Dios direni jiu xtiidxnu. Scree gacbeenu chu rebejṉ rnii didxliipac. Scree gacbeezanu chu rebejṉ rnii diidx ni xhet guliidi.

1 Juan 5:20

Najnnu biääd Jesucrist Xi'n Dios lo guedxliuj. Baluiini nuunu rextidx Dios te jiembeenu Dios, nani najcpac Dios gulii. Nabaṉnäjnu Dios ni najc gulii, sa'csi nabaṉnäjnu Jesucrist. Laani najc Dios ni najc gulii. Caguniidxni loonu yäḻnabajṉ par tejpas.

Apocalipsis 1:4

Narä nacä Juan. Cagucuaä guijtzre loj guigajdz reguidoo ni tre' lo región Asia. Dios guspalajz la'tu, guscuecdxini lajtzu, lagajc Dios ni sigajc najc nadxej, sigajcza gujcni naii, sigajcza sajcni par tejpas. Xca'zatu xcäḻruspalajz näj xcäḻrbedxilajz guigajdz resprit ni suga' guideb gabi cadro rnibeeni,

Apocalipsis 3:14

Dxejcti najni loä: ―Bacuaa rediidxre lo xangl Dios xten guidoo ni yu' Laodicea: “Nani laa Amén (ni säloj sugacni si'c), nani najc testiigw ni rniliipac, ni di cuääz guiniini didxliiga, nani guläxtiej guedxliujre näj guiralii ni benchee Dios, laani rniini scree: