San Juan 14:3 - Zapotec Mitla

³ Luxh palga chasucheä cadro cuääztu, che guluxäni, sibisacä, te chanää́tu ro'c, te cadro yu'ä, ro'cza chutu.

San Juan 14:3 Iomraidhean Croise

San Juan 12:26

Palga yu' chu tej ni rlajz chu loä, sujiädnajlni xnezyuä, te cadro yu'ä, ro'cza cuääz ni ru' loä. Palga yu' chu gun xtzunä, siliä'pza Xtadä xpala'nni.

San Juan 14:28

Abiejn diajgtu ni guniä lojtu: Sia'ä luxh siälsacä lojtu. Paru ninälajzpactu narä, sibalajztu xcuentä che guniä sia'ä lo Xtadä, sa'csi Xtadä najc beṉroru loä.

San Juan 14:4

La'tu anajntu caro cha'ä, anajnzatu nezyuj ni chäätu.

San Juan 17:24

’Xtadä, guiraa renani baniidxlu loä, rlazäza chureni cadro chuä xhaguibaa, te fiireni xcäḻrnibeä nani baniidxlu, sa'csi huinälajzlu narä galooli che gajdli guirixtiej guedxliujre.

Hechos 1:11

Dxejc räjp reangl loj rebejṉ: ―¿Xhi rajctu beṉ Galilee? ¿Xhicuent cadxelojtu xhaguibaa? Abahuiitu xho huäjs Jesucrist siini xhaguibaa. Lagajc si'c guibisacni ―räjpreni.

Romanos 8:17

Luxh palga najcnu rexi'nni, sica'zanu yäḻnasa'c lo Dios, tejsi yäḻnasa'c con Dad Jesucrist, palga guliini tednu lagajc trabajw ni gudejdni xcuent xtiidxni, te tejsiza siliä'p xpala'nnu con laani.

Filipenses 1:23

Nagajn najcni par narä cueä lo guiro'preni. Te lajt runä xhigab: malaii guetä te cha'a cadro yu' Jesucrist sa'csi ni'c najc hueenru par narä.

2 Tesalonicenses 1:12

Te chä'p xpala'n laj Dad Jesucrist si'cni nabajṉtu, te laani guiliä'pzani xpala'ntu, xcuent yäḻrinälajz xten Dios näjza Dad Jesucrist.

2 Timoteo 2:12

Palga rdejdnu trabajw, sinibenäjzanu laani. Palga dinu guicä'p numbeenuni, dizani guicäjp numbeeni nuurnu loj Xtadni Dios.

Hebreos 9:28

Sigajcza tejtis huält badeed Jesucrist xtiejnni ni bixe' lo crujz te badzucajni xtojḻ xhidalduxh bejṉ. Luxh loj renani cabäjzni suluiilojni stehuält, xhet te gudzucajdiruni dojḻ, alga te gusa'ni xcäḻrusḻaa renani cabäjzni.

Apocalipsis 3:21

Loj nani gun gaan lo dojḻ, lojni gudedä guinibenäjni narä xhaguibaa, sa'csi näj narä abenä gaan lo dojḻ, ni'cni gurenää́ Xtadä cadro rnibeeni xhaguibaa.