25 ’Caniä guiraa rediidxre lojtu laḻni yu'ä lojtu,
Ni'cni agunixgaäni, che gajdni gac, te che gacni chalilajztu nacä chu rniä nacä.
Nani di chanälajz narä, dini jiu xtidxä. Luxh rediidx nani biejn diajgtu, et xtidxädini; xtidx Xtadäni ni baxhaḻ narä.
per Sprit Dxan xten Dios nani jiädyacnäjtu, nani guxhaḻ Xtadä xcuentä, laani suluiini lojtu guira'ti, näjza susnajni lajztu guiraa rediidx nani aguniä lojtu.
Scree agunixgaäni lojtu, te che soobni, dxejcru chalilajztu xtidxä.
’Rniä rediidxre lojtu te guibalaznäjtu narä, te si'c guibalazduxhpactu.
’Yu' xhidajlru diidx rlazä guiniä lojtu, niluxh digacdi gacbeetureni ṉaj.
