San Juan 11:52 - Zapotec Mitla

⁵² Luxh xhet ganaxtis xcuent nacioṉga, näjza te guire' guiraa rexpejṉ Dios nani nare'ch loj guideb guedxliujre.

San Juan 11:52 Iomraidhean Croise

San Lucas 15:8

Räjpzani: ―Sigajcza te gunaa ni rajp tzuu meel, palga chasäḻni tejni, ¿la dini gusanij te bajl te guloobni neṉ yu' hasta guidxälnini, ä?

San Lucas 2:32

Laani najc bianij ni susanij loj rebejṉ ni di gac xpejṉ Israel, näjza nani gac xpala'n rexpejṉlu guedx Israel, lajdxlu.

San Juan 1:12

Dxejc loj guiraa reni cuäjb guyu'ni lojreni, loj renani huililajz xtiidxni, loj reni'c badeedni yäḻrnibee gacreni xi'n Dios.

San Juan 1:29

Che bara yääl, bahuii Juan siääd Jesús lojni. Dxejc räjpni: ―¡Coḻhuii! Aree Xile' xten Dios nani rudzucaj xtojḻ rebeṉ guedxliuj.

San Juan 10:16

Rapäza ste cuaa xiil, ni di gac xten gurajlre; näjza laareni nanab chaxiä, te gusobdiajgreni xtidxä, te guidxagsa' guiro'p cuaareni, gacreni tejtis gurajl, tejtisza baxtoor.

San Juan 12:32

N̲aj, che guiliäsreni narä jiaa lo guedxliuj, te gaḻä ro'c, sutie'ä guiraa bejṉ loä.

Hechos 18:10

sa'csi narä suganää́ luj. Rut gacdi gun latsiajlu. Aguleä xhidalduxh bejṉ lo guejdxre te gacreni xpeṉä ―räjp Dios.

Romanos 3:29

¿La najc Dios Xtiooztis rexpeṉ Israel, ä? ¿La dini gac näjza Dios xten rebejṉ ni di gac xpeṉ Israel? ¡Xho dini gac! Najcni Dios xten guirop cuaa bejṉ.

Romanos 4:17

Si'cza caj lo xtidx Dios, caj rediidxre: “Abenä gaclu xtad xhidal renacióṉ.” Si'c bia'n Dios diidx loj toAbram, Gueb Dios nani gudeed yäḻnabajṉ loj rebeṉgut, nani rnii xcuent recos nani gajd gac ascanu ala najcni.

Efesios 1:5

Sigajcza anungäjḻ xca'ni nuure te gacnu si'c xi'npacni sa'csi abiääd Jesucrist te gusḻaani nuure neṉ dojḻ, si'c ni gunibee Dios sa'csi balaslajzni nuure.

Efesios 3:11

Galooli bejn Dios xhigabre par tejpas, ni'cni biääd xtadnu Jesucrist te guzojb xhigab ni bejn Dios.

Santiago 1:1

Narä Santiaag, xmos Dios näjza xten Dad Jesucrist, ruxhaḻä xtixtios loj guitzubitio'p cuaa rexpejṉ Israel ni nare'ch lo guedxliujre.

1 Pedro 1:1

Narä Pedr, te apost xten Jesucrist, cacuaä guijtzre loj renani agule Dios gac rexpejṉni nani rbäjz si'c beṉzijt lo reguedx Ponto, Galacia, Capadocia, Asia, näjza Bitinia.

1 Juan 2:2

Gujt Jesucrist xcuentnu lo crujz. Gudijxni rextojḻnu lo crujz. Luxh et rextojḻtisnu gudijxni. Gudijxni rextojḻ guiraa rebejṉ ni ṟe' lo guideb guedxliuj.

1 Juan 3:1

Bahuii xho huinälazduxh Dios nuure, ni'c anaj Dios nuure najcnu rexi'nni. Luxh gulii najcnu rexi'n Dios. Rebeṉ guedxliuj ni di chalilajz xtidx Dios, direni gumbee nuure, rexi'n Dios, sa'csi dizareni gumbee Dios ni najc xtadnu.

1 Juan 3:10

Si'c riembeenu rebejṉ ni najc xi'n Dios, näjza rebejṉ ni najc rexi'n beṉdxab. Chutis tejni di gun dzunsa'c, ni dini chanälajz resa'reni, dini gac xi'n Dios.

1 Juan 3:2

Resa'ä ni rinälazä, nuunu riolilaaznu rextidx Dios, ni'cni najcnu rexi'n Dios. Dinu gacbee xho gacnu niluxh che guibisac Jesucrist loonu, suhuiinu lojni si'c ni najcni, sa'csi suchaani nuure te gacnu si'c ni najcni laani.

Apocalipsis 5:9

Cayoḻzareni te dicoob ni najc scree: Guejblu sacduxh, riäjḻpac xca' Guejblu guijtzga, gutiäjs Guejblu reseiiga, sa'csi bagu't rebejṉlu, näjza xtiejnlu gudijx xcuent bejṉ lo Dios. Gudijxlu xcuent bejṉ ni najc garen-garen ṟaz, ni rnii garen-garen didxsaj, ni siääd garen-garen guejdx lo garen-garen ladxbejṉ.