Gálatas 1:4 - Zapotec Mitla

⁴ Lagajc laani cuäjbni gujtni te gusḻaani nuure lo dojḻ xten guedxliuj guijdxre, si'cni gunibee Xtadnu, Gueb-Dios.

Gálatas 1:4 Iomraidhean Croise

San Mateo 13:22

Rebinij nani gurej neṉ reyaguejch säloj rebejṉ nani rucuadiajg rextidx Dios rujnrureni te gunreni dzuun te ga'preni yäḻnasa'c ni yu' lo guedxliujre. Dxejcti rexcäḻnasa'c xten guedxliujre rusgueereni. Guiraa recosre rutau lo xtidx Dios neṉ lastoo rebejṉre, dini gusaan gac te cosechsa'c neṉ lastoo rebejṉre.

San Mateo 20:28

Sigajcza biääd Xi'n Dios ni gujc Niguii. Dini niniab mos chu lojni, alga laani najc xmos bejṉ, badeedzani lagajc yäḻnabajṉ xtenni te gudijxni basḻaani xhidal bejṉ ni yu' lo dojḻ.

San Mateo 26:28

sa'csi dee najc si'c xtienä; ni'cni riannää́ la'tu te didxcoob, luxh rejnre sixe'ni xcuent xhidajl bejṉ te gusḻaanireni neṉ dojḻ.

San Mateo 26:42

Gubi' Jesús stehuält, gurejdx-gunabni loj Dios, räjpni: ―Xtadä, palga digacdi tedcaj tedä trabajwre, sugacni si'ctis ni rlajzlu gacni.

San Mateo 6:9

Ni'cni scree coḻguinii lo Dios: Xtadnu ni yu' xhaguibaa dxan najc lajlu.

San Marcos 10:45

Di Xi'n Dios ni gujc Niguii niääd, te ga'ptisni mos, biäädzani te quiixni con xcäḻnabajṉni te ḻaa xhidajl bejṉ lo dojḻ.

San Lucas 22:19

Dxejcti cua'ni yätxtiil, badeedni xquixtios loj Dios, gula'nini, gudisnini lojreni, räjpni: ―Dee najc si'c tiexhä ni gudedä ju'treni xcuenttu. Coḻyejn screeza te guinalajztu narä.

San Lucas 22:42

räjpni: ―Xtadä, palga rlajzlu, basḻaa narä loj trabajwduxhre. Niluxh na'c gacni si'c ni rlazä narä. Bejn si'cni rlajzlu gunlu.

San Juan 10:11

Narä nacä baxtorsa'c; luxh baxtorsa'c sudeed lagajc xcäḻnabajṉni xcuent rexiilni.

San Juan 12:31

N̲aj abiääd xcäḻguxhtis Dios lo guedxliuj. N̲aj sibicaj xcäḻrnibee nani rnibee lo guedxliujre.

San Juan 5:30

’Xhet rajcdi runä lagajcsi narä. Sigajc ni riejn diagä, sigajcza runä yäḻguxhtis. Luxh yäḻguxhtis ni runä laaca najcni sa'csi dina quilä gunä nani rlazätis, rguilätis gunä si'c ni rlajz Dad nani baxhaḻ narä.

San Juan 6:38

Sa'csi narä siälä xhaguibaali te gunä si'c ni rlajz Xtadä, xhet si'cdi ni rlazädi.

Romanos 1:7

Ruxhaḻä guijtzre lojtu ni yu' guedx Roma, guiraatu ni sanälajz Dios ni bibeetu gactu beṉdxan. Gacnäj Dios ni najc Xtadnu näjza Dad Jesucrist la'tu, guscuecdxireni lajztu.

Romanos 12:2

Na'c rujntu lagajc xhigab ni rujn rebeṉ guedxliuj, coḻguscoob rexhigabtu te guidxaapac xmoodtu te si'c guluii Dios xhini'c rlajzni guntu, nalajznu xhini'c najc hueen, xhini'c rdxaglajz Dios, xhini'cza najc laapac.

Romanos 4:25

Bacuaareni Jesucrist lo crujz te gudijxni rextojḻnu nez loj Dios, luxh gubaṉsacni lo rebeṉgut, te gac gacnu beṉnaya nez loj Dios.

Romanos 8:27

Dios, nani rula'tz lastoonu, nanchee xhini'c rniab Sprit Dxan xtenni xcuent nuurnu, sa'csi rniabni si'cpac ni rlajz Dios guiniabnu xcuent rexpejṉpac Dios.

Romanos 8:3

Sa'csi nani di niajcdi niujn leibiejw, sa'csi dini niajc nadip lo rebeṉguedxliuj te gacreni beṉnaya nez loj Dios, ni'c bejn Dios che baxhaḻni Xi'nni Jesucrist, si'c te beṉ guedxliujre xcuent dojḻ, te bejnni yäḻguxhtis lo dojḻ ni rnibee tiejxh bejṉ.

Romanos 8:32

Dios nani di nudxojn Xi'nni, nani cuäjb cuaj Xi'nni lo crujz te gujtni, te gudijxni xcuent xtojḻnu, ¿xho dini guniidx loonu xcuent Xi'nni guira'ti nani rquiinnu, ä?

1 Corintios 15:3

Lojtu ganiddoo basule'ä rediidx ni sajcru ni bisiedä, basule'ä xho gujt Jesucrist lo crujz, bixe' xtiejnni te badzucajni rextojḻnu, sigajc ni caj lo xtidx Dios gac.

2 Corintios 4:4

sa'csi abascäjy beṉdxab ni rnibee guedxliujre xcäriejnreni, si'cni rujnni lo rebejṉ nani di chalilajz xtidx Jesucrist, te na'c fiireni xcäḻrdimbicha' xtidx Dios ni rnii xcuent xhanij xten Jesucrist, ni najc xtujxh Dios.

Gálatas 2:20

Najcni si'cni gutnää́ Crist lo crujz. N̲aj xhet narädi ni nabaṉä, laa Crist ni nabajṉ neṉ lastoä. Yäḻnabajṉ ni nabaṉä ṉaj lo guedxliujre nabaṉä sa'csi rlilazä xtidx Xi'n Dios nani rinälajz narä luxh gujtni te gudijxni xtoḻä.

Gálatas 6:14

Luxh narä dilazä guibaa lo sa' recosga; rbaatis lazä sa'csi gujt Jesucrist, cuajni lo crujz, te gudijxni rextojḻnu. Ni'cni par narä xhetru xhi cos-guijdxdi yu' lo guedxliujre, diruna guichaglazä gunä redoḻguijdx xten guedxliujre.

Efesios 1:11

Arajpnu te xcäḻnasa'c Jesucrist, sa'csi galooli bejn Dios xhigab guniidxni yäḻnasa'cga. Lagajc Dios benchee guira'ti ni yu', luxh rujnpacni nani abejnni xhigab najc laaca gunni

Efesios 2:2

Galoo gubajṉtu lo dojḻ, entis lo xnez guedxliujre guzajtu, biutu xtidx beṉdxab nani rnibee guedxliujre. Sprit xtenni rujn dzuun neṉ lastoo rexi'nni nani di gucuadiajg xtidx Dios.

Efesios 5:16

Coḻtedsa'c redxej sa'csi neṉ redxejre ganax cosguijdx rujn bejṉ.

Efesios 5:2

Coḻchasanäj yäḻsanälajz sigajcni huinälajz Jesucrist nuure cheni badeedni lagajc laani lo Dios, cuajni lo crujz, gujtni. Laani gujcni si'c gojn, gujczani yäḻrbibyaal ni bidxaglajz Dios.

Efesios 6:12

Sa'csi xhet beṉ guedxliujtis cadiḻnäjnu. Cadiḻnäjzanu reguxhtis xte yäḻcäjy, näjza reyäḻrnibee, rebejṉ nani rnibee loj reyäḻcäjyre, näjza rexangl beṉdxab nani rnibee bej xten guedxliujre.

Filipenses 4:20

Coḻguiliä'p xpala'n Dios xtadnu guixe-guixee par tejpas. Si'c gacni.

1 Tesalonicenses 1:3

Ruzä'tnu lo Dios xtadnu xho rujntu dzuun sa'csi rililajztu xtidx Dios; näjza xho runduxhtu dzuun te racnäjtu sa'tu ni xhet rajpdi sa'csi rinälajztu Dios; näjza xho rutip lajztu cabäjztu guibi' Dad Jesucrist lo guedxliuj.

1 Tesalonicenses 3:11

Rniabnu lo Xtadnu Dios, näjza lo Dad Jesucrist, gacnäjreni nuurnu te gac jiophuiinu la'tu.

1 Tesalonicenses 3:13

te gunni sudzu'tz lastootu, na'c ga'ptu dojḻ nez lo Xtadnu Dios, che jiääd Jesucrist näjza guiraa rexpejṉni xhaguibaali.

2 Tesalonicenses 2:16

Lagajc Dad Jesucrist, näj Dios Xtadnu, ni sanälajz nuurnu, ni ruscäjn lajznu par tejpas, ni baniidx xcäḻrbääznu racnäjni nuunu,

1 Timoteo 2:6

Jesucrist gujt lo crujz te gudijxni redojḻ xten guiraanu ni tre' lo guedxliuj. Dee gujc che gojl dxej ni gule Dios.

Tito 2:14

Laani gujtni te gusḻaani nuurnu lo guiraa redoḻguijdx, te basiani nuurnu te gacnu xpejṉni, gaczanu te bejṉ ni rdxaglajz rujn dzunsa'c.

Hebreos 2:5

Di Dios gudeed yäḻrnibee lo rexanglni te guinibeereni guedxliucoob ni cagusä'tnu ṉaj.

Hebreos 6:5

luxh bidxaglajzreni xtidx Dios näj yäḻrnibee xten Dios ni churu jiääd.

Hebreos 9:14

Paḻga basia redee xtojḻ bejṉ, aticaxh xtiejn Jesucrist sajc gusia dojḻ, sa'csi rajpni yäḻnabajṉ par tejpas. Lagajc laani badeedni xtiejnni lo Dios. Niluxh najcni renya sa'csi dini niujn dojḻ, rusiazani xcäriejnnu xcuent retzuun ni xhet sajcdi, te chunu loj Dios ni nabajṉ par tejpas.

Santiago 4:4

¡Aii! Bejṉ ni di gandzu' Diostis. ¿La ditu gan bejṉ nani rlajz gun redzuun ni rujn rebeṉ guedxliuj, bejṉga rdxe'chreni lo Dios, ä? Ni'cni palga yu' chu tejtu ni rlajz chanuu lo ni rajc lo guedxliujre, bejṉga rdxe'ch lo Dios.

1 Pedro 2:24

Gudeed Jesucrist trabajw si'c te beṉdoḻduxh, bacuaarenini lo crujz te ro'c gusacsíduxh tiejxhni xcuent xtojḻnu, te na'c gunrunu dojḻ, te guibaṉsa'cnu lo xnezyuj Dios. Gudiḻguijdxreni tiejxhni te basiajcni la'tu.

1 Pedro 3:18

Sa'csi sigajcza tejtis gujt Jesucrist xcuent rextojḻnu. Xhetliidi xtojḻni guyu' nez loj Dios, niluxh gudejdni trabajwduxh xcuent rebeṉdojḻ. Bejnni si'c te gac guibignu lo Dios sa'csi gujt tiejxh Jesucrist, luxh guyusac sprit xtenni lo tiejxhni te gubaṉsacni.

1 Juan 2:2

Gujt Jesucrist xcuentnu lo crujz. Gudijxni rextojḻnu lo crujz. Luxh et rextojḻtisnu gudijxni. Gudijxni rextojḻ guiraa rebejṉ ni ṟe' lo guideb guedxliuj.

1 Juan 3:16

Racbeenu rinälajz Jesucrist nuunu, sa'csi gujtni lacuaa nuunu lo crujz. Sigajcza nungäjḻ gacnäjnu resa'nu, mase guetnu lacuaa guetreni.

Apocalipsis 1:5

näj xcäḻruspalajz, xcäḻrbedxilajz Jesucrist nani gunilii diidx ni badeed Dios lojni, nani ganiddoo gubaṉsac lo rebeṉgut, nani rnibeeza lo guiraa reṟeii loj guedxliujre. Laani sanälazduxhni nuure, laani rudzucajni xtojḻnu con xtiejnni.

Apocalipsis 5:9

Cayoḻzareni te dicoob ni najc scree: Guejblu sacduxh, riäjḻpac xca' Guejblu guijtzga, gutiäjs Guejblu reseiiga, sa'csi bagu't rebejṉlu, näjza xtiejnlu gudijx xcuent bejṉ lo Dios. Gudijxlu xcuent bejṉ ni najc garen-garen ṟaz, ni rnii garen-garen didxsaj, ni siääd garen-garen guejdx lo garen-garen ladxbejṉ.

Apocalipsis 7:9

Dxejcti bahuiä lo xhidalduxh bejṉ, beṉguixhuj, nicla tej bejṉ digacdi gulabreni. Garen-garen ladx-bejṉ siäädreni, garen-garen najc lajdxreni, näj ṟaz xtenreni, näj xtiidxreni. Suga'reni nez loj yagxhilro xten ni rnibee, näjza nez lojni ni najc Xiil xten Dios. Najcwreni ladnolbäj, ca'zareni zijṉ.