Efesios 5:8 - Zapotec Mitla

⁸ Galoo nacäjytis xcäriejntu gubajṉtu, luxh ṉaj abasanij Jesucrist xcäriejntu. Coḻguibajṉ si'c nungäjḻ guibajṉ nani abianij xcäriejnni.

Efesios 5:8 Iomraidhean Croise

San Mateo 3:8

Coḻguibaṉsa'c si'cni nungäjḻ te fiipac rebejṉ guliipac abasiechlajztu.

San Mateo 4:16

Rebejṉ nani rbäjz neṉ te yäḻcäjy abahuiireni te bajlga, luxh bajlga basanij xcäriejn renani nabajṉ lo xcäḻrdxejb, lo xpalaa yäḻgujt.

San Lucas 1:79

te gusanijni lo rebejṉ ni nabajṉ lo yäḻxcäjy xten dojḻ, näjza rebejṉ ni nabajṉ lo xpalaa yäḻgujt, te guluiini xho sánu lo xnez yäḻrbecdxilajz.

San Lucas 16:8

Bidxeloj xlam̲ni, gulä'pni xpala'n beṉguijdxga ni gunibee sa'csi bisiṉni bejnni recosga. Dxejc räjpza Jesús, rebejṉ ni di gumbee xtidx Dios nadxällajzrureni lo rextzuunreni con sa'reni loj rebejṉ ni arumbee xtidx Dios.

San Juan 1:9

Laa bianijpacga ni rusanij lastoo guiraa rebejṉ, luxh ṉaj abiäädni lo guedxliujre.

San Juan 12:35

Dxejcti räjp Jesús lojreni: ―Stera'tsi yu' bianij lojtu. Coḻsaj laḻ ni rajptu bianijga, te di guiniaaz yäḻxcäjy la'tu, sa'csi ni rsiaj loj nacäjy, dini gan caro chääni.

San Juan 12:36

Laḻ ni rajptu bianij, coḻchalilajz bianijga te gactu rexi'n bianij. Gunii Jesús rediidxga lojreni, dxejcti biunejzni ro'c, bicuatzlojni.

San Juan 12:46

Narä biäḻä si'c bajl lo guedxliujre, te guiraa renani chalilajz xtidxä, dirureni chu lo yäḻcäjy.

San Juan 8:12

Gunii Jesús lo rebejṉ stehuält, räjpni lojreni: ―Narä nacä bianij xten guedxliuj; nani jiädnajl narä dini sa lo yäḻnacäjy, sica'ni bianij ni rudeedpac yäḻnabajṉ.

Hechos 17:30

Neṉ redxej ni di bejṉ niembee Dios, diza Dios niujn castiigwreni. Niluxh ṉaj gunibee Dios gusiechlajz guiraa rebejṉ,

Hechos 26:18

Gacnää́ lastooreni te che jiejn diajgreni xtidxä, chalilajzrenini, diru xcäriejnreni gac nayääl, sianij xcäriejnreni. Dxejc dirureni gusoob xtidx Beṉdxab ni rnibee rebeṉdxab, sa'csi susoobreni xtidx Dios. Che chalilajzreni rextidxä, sudzucaj Dios xtojḻreni. Dxejcti suchaag Diosreni loj renani anajc beṉnaya sa'csi basoobreni xtidx Dios, huililajzreni xtidxä.”

Romanos 1:21

Ni'cni, mase biembeereni Dios, direni niliä'p xpala'nni te gaṉreni Gueb Dios, dizareni nudeed xquixtios lojni. Alga guyalajz gujcreni, bicäjy xcäriejnreni, naareni hueen najc gunreni si'ctis ni jiajb yejcreni, si'cni rsia' lajzreni neṉ lastooreni.

Romanos 13:12

Aguxhiṉduxh, asiädgajxh bianij. Ni'cni cuääz jiennu redzuun guijdx ni rajc lo xcäjy, te jientisnu redzunsa'c ni rajc rdxee, lo bianij.

Romanos 2:19

Rchalolu sajc guluiilu nezyusa'c lo rebejṉ nani najc si'c lotiä'p, sajc guzanijlu xcäriejn reni nacäjy xcäriejnreni.

1 Corintios 1:30

Lagajc Dios abachaag la'tu loj Dad Jesucrist; baxhaḻzani Jesucrist loonu te basanijni xcäriejnnu te ga'pnu yäḻnasiṉ xten Dios, te guibaṉsa'cnu nez loj Dios, te gacnaya lastoonu, näjza te quiixni rextojḻnu.

2 Corintios 3:18

Niluxh nuure dinu gusäu lajd lojnu, didi guscäjyni xcäriejnnu. Nuure najcnu si'c te guihuajn cadro rdimbicha' xtuxh Dad Jesucrist, luxh chäi-chäi cadxaanu cayajcnu si'c najcni näjza caca'nu xcäḻrdimbicha' Jesucrist, sa'csi si'c cayujn Sprit Dxan xtenni.

2 Corintios 4:6

Che benchee Dios guedxliuj, guniini: “Lo xcäjy suguirii te bajl ni gusanij.” Lagajc Diosga abasanij lastoonu te baniidxni bajl ni najc yäḻriembee xcäḻrdimbicha' Dios nez loj Jesucrist.

2 Corintios 6:14

Na'c guchaagtu lo rebejṉ nani di chalilajz xtidx Dios, sa'csi di gacdi gunteblojtu dzuun sa'csi tejni rlajz gun dzunsa'c, steeni rlajz gunni dzunguijdx, ¿xho gac sanäj bajl xcäjy, ä?

Gálatas 5:25

Palga rbäjz Sprit Dxan neṉ lastoonu, do'o guibajṉ si'c rnibee Sprit Dxan guibajṉnu.

Efesios 2:2

Galoo gubajṉtu lo dojḻ, entis lo xnez guedxliujre guzajtu, biutu xtidx beṉdxab nani rnibee guedxliujre. Sprit xtenni rujn dzuun neṉ lastoo rexi'nni nani di gucuadiajg xtidx Dios.

Efesios 4:18

Nayääl xcäriejnreni, direni ga'p xcäḻnabajṉ Dios sa'csi nadduxh lastooreni.

Efesios 5:2

Coḻchasanäj yäḻsanälajz sigajcni huinälajz Jesucrist nuure cheni badeedni lagajc laani lo Dios, cuajni lo crujz, gujtni. Laani gujcni si'c gojn, gujczani yäḻrbibyaal ni bidxaglajz Dios.

Efesios 6:12

Sa'csi xhet beṉ guedxliujtis cadiḻnäjnu. Cadiḻnäjzanu reguxhtis xte yäḻcäjy, näjza reyäḻrnibee, rebejṉ nani rnibee loj reyäḻcäjyre, näjza rexangl beṉdxab nani rnibee bej xten guedxliujre.

Colosenses 1:12

Guibalajznu guideednu xquixtios loj xtadnu Dios nani basudzu'tz nuure te xca'nu yäḻnabajṉ par tejpas sigajc guiraa rebejṉ nani ahuililajz xtiidxni yu'reni lo xpianijni.

Colosenses 1:13

Laani abasḻaani nuure loj xcäḻrnibee yäḻnacäjy, abateedni nuure lo xcäḻrnibee xi'nni ni sanälajzni.

Tito 3:3

Sa'csi galoo sigajcza xheti xcäriejnnu, dizanu gusoob xtidx Dios; basguee bejṉ nuurnu, yu'tisnu lo guiraasi doḻguijdx näjza lo ni rchaglajztis rujn tiejxhnu, nabajṉtisnu lo doḻguijdx, rudxonlajznu, rdxe'ch bejṉ loonu, rdxe'chzanu lo sa'nu.

1 Juan 1:7

Palga nabajṉnu lo bianij si'cni nabajṉ Dios lo bianij, tejtis xhigab riennu con resa'nu. Dxejc rusiaza xtiejn Jesucrist Xi'n Dios lastoonu che riennu dojḻ.