Apocalipsis 8:4 - Zapotec Mitla

⁴ Dxejcti gujxhga nägajc rextidx rexpejṉ Dios, birii ladsṉaa xangl Dios ni ca' bacue, huä'preni nez loj Dios.

Apocalipsis 8:4 Iomraidhean Croise

San Lucas 1:10

Laḻ ni caguze'cni guxhyaal, suga' guiraa rebejṉ lo xle' guidoro, cabedx-canabreni lo Dios.

Hechos 10:4

Che bahuii Cornel xangl Dios, bidxejbni, bidxelojni, räjpni lojni: ―¿Xhini'c, Dad? Dxejcti räjp angl xten Dios lojni: ―Che rniilu lo Dios, riejn diajg Dios xtiidxlu, che rudeedlu meel lo rebeṉ proob, ruhuii Dios ni rujnlu, ni'cni rnalajz Dios luj.

Apocalipsis 15:8

Gudxaj guidoo ni najc yudxanroruga gujxh ni siääd xcuent xcäḻmilaagwr, xcäḻrdimbichaduxh xten Dios. Rut gujcdi biu' neṉ yudxanroruga che gulujxli guiraa replaag ni ca' guigajdz reanglga.

Apocalipsis 8:3

Dxejctiru biääd stee angl, ca'ni te bacue ni najc ganax oor, bazujnini nez loj piändxan. Badeedreni lojni naclejn yaal te cachaagnini loj guiraa rextidx xpejṉ Dios ni rniireni che rbedx-rniabreni lo Dios, te checni lo piändxan ni najc ganax oor, ni yu' nez loj yagxhilroga.